मरकुस 16:18 - Garhwali

¹⁸ वु गुरौऔं तैं भि उठे द्‍याला, इख तक की अगर वु बिस भि पे द्‍याला, तभि भि ऊंतैं कुछ नुकसान नि होलु, वु बिमार लोगु पर अपणु हाथ रखला अर ऊ खूब ह्‍वे जाला।”

गढवली नयो नियम

¹⁸ जु उ जहरीला गुरो तैं उठै द्याला त गुरो भि ऊं तैं नुकसान नि पौछांला अर उ जु कुई जहरीली चीज भि प्ये द्याला तब भि ऊंकु कुई भि नुकसान नि होलो उ बिमारों पर हथ रखि के परमेश्वर बट्टी प्रार्थना करला अर उ खूब हवे जाला।

मरकुस 16:18 Referans Kwoze

लूका 10:19

अर सुणा, जन लोग गुरौ अर बिच्छीयों तैं खुटों तौळ पितेड़ देन्दी, ठिक उन्‍नि मि भि तुमतै दुसमन की पूरि ताकत पर अधिकार देन्दु। अर कै भि चीज से तुमतै नुकसान नि होलु।

खास चेलों 19:12

इख तक की जु रूमाल या कपड़ा पौलुस को इस्तेमाल कर्युं रौन्दु छौ जब ऊंतैं बिमारों पर लगये जान्दु छौ, त वु लोग अपणी-अपणी बिमारियों मा बटि खूब ह्‍वे जान्दा छा। इख तक कि जौं लोगु मा खबेस लग्यां रौन्दा छा, ऊ खबेस भि लोगु मा बटि निकळि जान्दा छा।

खास चेलों 4:30

अर अपणा हाथ बढै के ऊंतैं ताकत द्‍या, ताकि ऊ तुमरा पवित्र सेवक यीशु मसीह का नौ से लोगु तैं खूब कैरी सैका, अर बड़ा-बड़ा चमत्कारिक कामों तैं अदभुत तरीके से कैरी सैका।”

खास चेलों 3:16

अर यीशु पर बिस्वास करण से, अर वेकी ताकत से, ये मनखि तैं खड़ु होण की ताकत मिली, अर तुम येतैं दिखणा अर जणदा भि छाँ। अर सच्‍च त यू च कि यीशु पर बिस्वास करण से ही यू मनखि तुम सभ्यों का समणि पूरि तरौं से तन्दुरुस्त ह्‍वे गै।

खास चेलों 9:34

तब पतरस न वेकू बोलि, “हे ऐनियास उठ, अर अपणु बिस्तर उठौ, किलैकि यीशु मसीह त्वेतै खूब कनु च।” अर वु तुरन्त उठी के खड़ु ह्‍वे गै।

खास चेलों 3:12

अर यू देखि के पतरस न ऊं लोगु कू बोलि, “हे इस्राएल का लोगु, तुम ये काम तैं देखि के किलै ताजुब कना छाँ? अर टक लगै के हमतै इन किलै दिखणा छाँ? तुम त इन दिखणा छाँ जन कि हम लोगु न ये मनखि तैं खुद की ताकत अर भक्‍ति की वजै से खूब कैरी हो।

मरकुस 5:23

वेन इन बोलि कि, “गुरुजी, मेरी छुटी नौनि मुरण वळी च, तुम चलि के अपणु हाथ वीं पर रख द्‍या, ताकि वा ठिक ह्‍वे जौ अर ज्यून्द रौ।”

रोमियों 16:20

अर शान्ति देण वळु परमेस्वर जल्द ही शैतान तैं तुमरा खुटा का तौळ कैरी दयालु। अर मि इन प्रार्थना करदु, कि हमरा प्रभु यीशु मसीह की किरपा तुमरा दगड़ा मा बणि रौ।

1 कुरिन्थि 12:9

अर वे ही पवित्र आत्मा का द्‍वारा कुछ लोगु तैं बिस्वास मा और जादा मजबूत होण को बरदान मिलदु, त कैतैं पवित्र आत्मा का द्‍वारा बिमारों तैं खूब करण को बरदान मिल्यूं च।

खास चेलों 4:10

त मि तुमतै अर सब इस्राएली लोगु तैं बतै देन्दु, कि नासरत गौं का यीशु मसीह का नौ से यू मनखि तुमरा समणि तन्दुरुस्त खड़ु च। अर ये ही यीशु तैं तुमुन क्रूस पर चड़ै दिनी, पर परमेस्वर न वेतैं मुरदो मा बटि ज्यून्द कैरी।

खास चेलों 4:22

अर लोग परमेस्वर की बडै इलै करणा छा, किलैकि यू मनखि जु पतरस अर यूहन्‍ना का द्‍वारा चमत्कार कैरिके खूब ह्‍वे छौ, उ चालीस साल से मथि छौ अर पैदा होण का बगत बटि ही लंगड़ा छौ।