मरकुस 14:8 - Garhwali

⁸ अर जु कुछ वीं से ह्‍वे सकदु छौ वींन वु काम कैरी, अर मेरा सरील तैं कबरुन्द रखण की तयारी मा वींन यू खुशबुदार इतर लगै।

गढवली नयो नियम

⁸ ईं महिला ल ज्वा व कैरी सकदी छै उ कैरी, मेरा मुरण से पैली मेरा मुंड मा इत्र डाली के मेरा देह तैं दफनांण कु तैयारी हवे साक इलै जु वीं ल कैरी अच्छो ही कैरी।

मरकुस 14:8 Referans Kwoze

2 कुरिन्थि 8:12

अर ईं बात तैं याद रखा, कि अगर जु तुम सच्‍चि मा मदद करण चाणा छाँ, त अपणी-अपणी हैसियत का मुताबिक दे सकद्‍यां, ताकि या बात देखि के पिता परमेस्वर खुश हो। किलैकि पिता परमेस्वर इन इच्छा नि रखदु कि कु मितैं कथगा द्‍यालु, यू त तुमरि गुंजैस का मुताबिक च कि कु कथगा देण चाणु च।

यूहन्ना 12:7

तब यीशु न बोलि कि, “वींकू कुछ नि बोला, किलैकि वींन मेरा बदन तैं कबरुन्द रखण से पैलि खुशबुदार तेल लगै के तयारी कैरियाली।

लूका 23:53

तब वेन यीशु की लांश तैं क्रूस बटि उतरवै, अर मखमल का चदरा मा लपेटि के कबर मा रखी दिनी। अर या कबर एक चटान पर खुदवै के बणयीं छै, जैमा कैतैं अभि तक नि रखै गै छौ।

मरकुस 15:42

अर रुमुक ह्‍वे छै, अर सब्त का दिन की तयारी भि करण छै किलैकि दुसरो दिन सब्त को दिन छौ।

मत्ती 26:12

वींन मेरा सरील तैं कबरुन्द रखण की तयारी मा यू इतर मेरा सरील मा अखणै।