मरकुस 14:44 - Garhwali

⁴⁴ अर धोखा से पकड़वौण वळा यहूदा न ऊंतैं एक चिन्‍न बतयूं छौ, कि जैकी भूकि मि प्यूलु, तुम वेतैं पकड़यां अर अंक्‍वे लि जयां।

गढवली नयो नियम

⁴⁴ यहूदा यीशु का पकड़वाण मा मदद कनवलों कु ऊं तैं इन बतायूं छो कि जै तैं मि प्यार से भुकि पीलू उ ही च अर वे तैं तुम जतन से लिजायां।

मरकुस 14:44 Referans Kwoze

2 थिस्सलुनीकी 3:17

अर मि पौलुस खुद अपणा हाथळ तुम खुणि सलाम लिखणु छौं। अर मि अपणी हर चिठ्‍ठी मा इन्‍नि सलाम लिखदु, ताकि हरेक तैं इन पता चलि जौ, कि या चिठ्‍ठी मिन ही लिखीं।

फिलिप्पी 1:28

अर मि इन भि सुनण चाणु छौं, कि तुम विरोध करण वळो से नि डऽरद्‍यां। अर तुमरि या हिम्मत ही ऊं लोगु खुणि विणास को चिन्‍न होलि, अर तुम खुणि इन होलु कि तुमतै परमेस्वर का द्‍वारा बचयै जालु।

खास चेलों 16:23

अर भौत धड़कौण का बाद ऊं लोगु न ऊंतैं जेलखाना मा डालि दिनी, अर जेलर तैं आज्ञा दिनी कि ऊंकी पैरेदारी बड़े ध्यान से कर्यां।

मत्ती 26:46

अब उठा, अर इख बटि चला। देखा, मितैं पकड़वौण वळु नजदीक ऐ गै।”

मरकुस 14:43

अर जब यीशु या बात बोन्‍नु ही छौ कि तबरि यहूदा इस्करियोती उख ऐ गै जु की बारह चेलों मदि एक छौ। अर वेका दगड़ा मा एक बड़ी भीड़ छै, जौं का हाथों मा तलवार अर लाठा छा। अर यों लोगु तैं मुख्य पुरोहित, शास्‍त्री अर यहूदी अध्यक्षों का द्‍वारा भिजे गै छौ।

मरकुस 14:45

अर वेन यीशु का पास ऐके वेकू बोलि, “गुरुजी।” अर वेन यीशु की भूकि पे।