मरकुस 14:2 - Garhwali

² पर ऊ इन बुलणा छा कि, “त्योवार का यों दिनों मा इन नि करद्‍यां, कखि लोगु मा घपरोळ नि मची जौ।”

गढवली नयो नियम

² पर उ बुल्णा छा कि हम तैं त्योहार का बगत मा इन नि कन कखि इन नि हो कि लुखुं का बीच मा झगड़ा हवे जौ।

मरकुस 14:2 Referans Kwoze

यूहन्ना 12:19

तब फरीसी दल का लोग आपस मा बुलण लगि गैनी, “हम लोगु बटि कुछ भि नि ह्‍वे सकणु च, देखा, सरी दुनियां का लोग वेका पिछनै चलण लगि गैनी।”

यूहन्ना 7:40

तब यों बातों तैं सुणी के भीड़ मदि कुछ लोग बुलण लगि गैनी कि, “सच्‍चि मा यू ही परमेस्वर को उ रैबर्या च।”

लूका 20:6

अर अगर जु हम इन बुलला कि, ‘वेतैं यू अधिकार मनखियों की तरफा बटि मिल्यूं छौ,’ त सब लोगु न हमतै ढुंग्योण च। किलैकि लोगु तैं यकीन छौ कि यूहन्‍ना बपतिस्मा देण वळु एक रैबर्या च।”

मरकुस 11:32

अर अगर जु हम इन बुलला कि, ‘वेतैं यू अधिकार मनखियों की तरफा बटि मिल्यूं छौ, त भीड़ का लोगु न हम पर गुस्सा करण।’ असल, मा यू सब भीड़ का लोगु से डऽरणा छा, किलैकि सब लोग जणदा छा कि यूहन्‍ना बपतिस्मा देण वळु सच्‍चि मा एक रैबर्या च।”

मरकुस 11:18

अर ईं बात तैं सुणी के मुख्य पुरोहित अर शास्‍त्री लोग वेतैं जान से मरणे की फिराक मा लगि गैनी, मगर यू लोग यीशु से डऽरदा छा, किलैकि लोग वेका उपदेस तैं सुणी के दंग रै जान्दा छा।

मत्ती 26:5

पर ऊंन इन भि बोलि, “त्योवार का बगत मा हम लोगु तैं इन नि करण चयेणु, कखि इन नि हो कि लोगु मा हल्‍ला मची जौ।”

मत्ती 26:2

“तुम लोग जणदा ही छाँ कि परस्यों फसह को त्योवार च, अर वे दिन मनखि को पुत्र क्रूस पर चड़ये जाण खुणि दुसमनों का हाथों मा पकड़वै जालु।”

मरकुस 14:1

अर दुई दिन का बाद फसह को त्योवार अर अखमीरी रुट्‍टी को त्योवार औण वळु छौ। अर मुख्य पुरोहित अर शास्‍त्री लोग, ईं बात की फिराक मा छा कि कनकै यीशु का दगड़ा मा छल कैरिके वेतैं पकड़ै जौ अर जान से मरे जौ।

मरकुस 14:3

अर ऊं ही दिनों मा यीशु बैतनिय्याह गौं मा शमौन नौ का एक मनखि का घौर खाणुक खाणु कू बैठयूं छौ, जु कि पैलि कोड़ी छौ। अर वे ही बगत एक जनानि संगमरमर की बोतल मा शुद्ध इतर लेके ऐ, जु कि बड़ु कीमती अर खुशबुदार छौ, अर जटामांसी पौद को बणयूं छौ। अर वींन बोतल का मुख तैं तोड़ि, अर यीशु का मुण्ड़ मा अखणै दिनी।

लूका 22:1

अर अखमीरी रुट्‍टी को त्योवार जैकू फसह को त्योवार भि बुल्दिन, उ औण वळु छौ।