मरकुस 13:21 - Garhwali

²¹ अगर वे बगत मा लोग तुमकु बुलला कि, ‘देखा मसीह इख च’ या ‘देखा मसीह उख च,’ त तुम यकीन नि कर्यां।”

गढवली नयो नियम

²¹ वे बगत मा जु कुई तुम कु बुललो “देखा मसीह इख च” या देखा उख च त यकीन नि करयां।

मरकुस 13:21 Referans Kwoze

लूका 21:8

तब यीशु न ऊंकू बोलि, “जब तुम लड़ै अर दंगों का बारा मा सुणिल्या, त घबरै नि जयां, किलैकि यों सब बातों को पैलि होण जरुरी च। पर वे बगत भि अन्त तुरन्त नि आलु, अर भौत सरा लोग मेरा नौ से आला अर बुलला कि, ‘मि उई छौं,’ अर इन भि बुलला कि उ ‘बगत नजदीक ऐ गै।’ पर मि तुमतै बतै देन्दु कि, तुम कै का पिछनै नि जयां, इलै चौकस रा कखि कुई तुमतै भरमै नि द्‍यो।”

मत्ती 24:5

किलैकि भौत सरा लोग मेरा नौ से आला अर बुलला कि, ‘मि मसीह छौं,’ अर भौतों तैं भरमै द्‍याला।

यूहन्ना 5:43

मि त अपणा पिता का नौ से अयूं छौं, पर तुम मितैं स्वीकार नि करद्‍यां। अगर कुई दुसरो तुमरा बीच मा अपणा नौ से आलु त तुम वेतैं स्वीकार करिल्या।

मरकुस 13:20

अर अगर जु प्रभु ऊं दिनों की गिनती कम नि करदु, त कुई भि मनखि नि बचदु, मगर जौं लोगु तैं परमेस्वर न चुण्यालि, ऊं लोगु का खातिर ही वेन ऊं दिनों की गिनती कम कैरी।’

मरकुस 13:22

किलैकि झूठ्‍ठा मसीह अर झूठ्‍ठा रैबर्या ऐ जाला, अर इन ह्‍वे सकदु कि चुण्यां लोगु तैं भरमौण खुणि ऊ बड़ा-बड़ा चिन्‍न अर चमत्कार का काम कैरिके दिखाला।