मरकुस 11:14 - Garhwali

¹⁴ तब वेन वे डाळा कू बोलि, “आज का बाद तेरा फल कुई नि खै सकलु।” अर वेका चेला या बात सुनणा छा।

गढवली नयो नियम

¹⁴ यां पर यीशु ल वे डाला कु दंड दे के बोलि, “अब बट्टी त्वे पर कभि फल नि लगुनु” अर वेका चेला सुनणा छा।

मरकुस 11:14 Referans Kwoze

मत्ती 21:19

अर वेकी नजर बाटा का किनरा एक तिमला का डाळा पर पोड़ि अर उ वेका नजदीक गै, मगर वेतैं पत्तों का अलावा वे पर एक भि तिमलु नि मिली। तब यीशु न वे डाळा कू बोलि, “आज का बाद त्वे पर कभि फल नि लगा।” अर देखा, वु डाळु तुरन्त सूखि गै।

यूहन्ना 15:6

अर जु कुई मि मा बणयूं नि रालु, त वेतैं फौंकि की तरौं काटी के फुंन ढुळै जालु। तब उ सूखि जान्दु, अर लोग वेतैं बटोळि के आग मा डालि देन्दिन अर ऊ फुके जनदिन।

मत्ती 7:19

पर मि तुमतै बतै देन्दु, कि जै-जै डाळा पर अच्छा फल नि लगदिन, वेतैं काटी के आग मा डळै जान्दु।

मत्ती 3:10

अर अब कुल्हाडु डाळों की जड़ पर रख्युं च, इलै जै डाळा पर अच्छा फल नि लगदिन, वेतैं काटी के आग मा ढुळै जान्दु।

दिब्य दरस 22:11

अर जु अन्यो करदु, वु भले ही अन्यो कनु रौ, अर जैको चाल-चलन ठिक नि च वु भले ही गन्दा काम करण मा लग्यूं रौ, मगर जु मनखि परमेस्वर की नजर मा धरमी च उ भलै का काम करण पर लग्यूं रौ, अर जु पवित्र च उ पवित्र बणयूं रौ।”

मत्ती 21:44

अर जु कुई भि वे ढुंगा पर लमड़लु वेका टुकड़ा-टुकड़ा ह्‍वे जाला, अर जै पर उ पोड़लु वेतैं त उ पीसी द्‍यालु।”

2 पतरस 2:20

अर या बात सच्‍च च, कि अगर ऊ लोग हमरा प्रभु अर छुटकारा देण वळा यीशु मसीह का बारा मा पूरा ज्ञान का द्‍वारा दुनियां की अशुद्ध चीजों से बचण का बाद, अगर फिर से दुनियां का कामों मा ही लगि जनदिन, त या बात साफ ह्‍वे जान्दी कि अब ऊंकी हालत पैलि से भि जादा खराब ह्‍वे जान्दी।

मत्ती 21:33

यीशु न ऊंकू बोलि एक और उदारण सुणा, “एक घौर का मालिक न अंगूरों को एक बगिचा बणै, अर वेका चौतरफि बाड़ कैरी, अर रस निकळणु खुणि कोलु लगै अर रस जमा करणु खुणि खडलु भि बणै, अर बगिचे की देख-रेख करण वळा खुणि एक झोपड़ी भि बणै। अर बगिचा को ठेक्‍का किसानों तैं देके खुद वु देस चलि गै।

मरकुस 11:13

अर वेकी नजर दूर एक हरयां तिमला डाळा पर पोड़ि तब यीशु वेतैं दिखणु खुणि वेका पास गै, कि क्या पता वे पर कुछ तिमला मिली जा, मगर वेतैं पत्तों का अलावा वे पर एक भि तिमलु नि मिली, किलैकि वु समौ फलों को नि छौ।

मरकुस 11:15

फिर यीशु अर वेका चेला यरूशलेम नगर मा ऐनी, अर जब ऊ मन्दिर मा गैनी, तब यीशु चीजों तैं बिकौण अर खरीदण वळा लोगु तैं उख बटि भैर निकळण लगि गै, अर वेन पैसौं को अदलण-बदलण करण वळो की मेजों तैं, अर कबूतर बिकौण वळो की चौकलों तैं उल्ट-पुल्ट कैरी दिनी।