मरकुस 10:39 - Garhwali

³⁹ ऊंन वेकू बोलि, “हाँ गुरुजी, हम झेली सकद्‍यां।” वेन ऊंकू बोलि, “जु दुख मि झिलण वळु छौं, वेतैं तुम जरुर झिलिल्या, अर ज्वा मौत मि झिलण वळु छौं वींतैं तुम भि जरुर झिलिल्या।

गढवली नयो नियम

³⁹ ऊंल यीशु मा बोलि, हम बट्टी हवे सकदु च; यीशु ल ऊंकु बोलि, तुम हकीकत मा पीड़ित हवेला जन कि मिल भुगतण; जन ही मि मोरि जौलु तुम भि मोरि जैला।

मरकुस 10:39 Referans Kwoze

दिब्य दरस 1:9

मि तुमरो भै यूहन्‍ना छौं, अर मि प्रभु यीशु मसीह खुणि दुख झिलण मा, राज्य अर सबर रखण मा तुमरो साझेदार भि छौं। अर मि यीशु मसीह की गवै देन्दु अर पिता परमेस्वर का वचन का बारा मा बतौन्दु, इलै मितैं जबरन पतमुस नौ का टापू पर भिजे गै।

खास चेलों 12:2

अर वेन यूहन्‍ना का भै याकूब तैं तलवार से मरवै दिनी।

कुलुसी 1:24

हे मेरा भै-बैंणो, जु दुख-तकलीफ मि तुमरा खातिर सौंणु छौं, ऊं सब बातों का खातिर मितैं बड़ी खुशी होन्दी। अर हम जणदा छा कि बिस्वासी समुदाय का लोगु खुणि जु दुख-तकलीफ यीशु मसीह न झेली, वेतैं अब पूरु करणु खुणि मि भि ठिक उन्‍नि दुख-तकलीफ झिलणु छौ।

यूहन्ना 17:14

अर मिन तुमरो वचन ऊंतैं सुण्यालि, इलै दुनियां का लोगु न ऊं बटि बैर कैरी, किलैकि जन मि दुनियां को नि छौं, ठिक उन्‍नि ऊ भि दुनियां का नि छिन।

यूहन्ना 15:20

“इलै मिन जु तुम बटि बोलि, वेतैं याद रखा कि, ‘नौकर अपणा मालिक से बड़ु नि होन्दु।’ इलै जब ऊंन मितैं सतै त उ तुमतै भि सताला, ठिक उन्‍नि अगर ऊंन मेरी बात माणी त वु तुमरि बात भि मणला।

यूहन्ना 13:37

अर पतरस न वेकू बोलि, “प्रभु मि अभि तुमरा पिछनै किलै नि ऐ सकदु? मि त तुमरा खातिर अपणी जान भि दे द्‍यूलु।”

मरकुस 14:36

अर वेन इन भि बोलि, “अब्बा, मेरा पिता, तुम बटि त सब कुछ ह्‍वे सकदु, इलै दुख का ये बगत तैं मेरा समणि बटि हटै द्‍या, तभि भि जन मि चान्दु उन ना, पर जन तुमरि मनसा च ठिक उन्‍नि हो।”

मरकुस 14:31

मगर पतरस न अपणी ही बात पर जोर रखी के बोलि, “गुरुजी, अगर मितैं तुमरा दगड़ा मा मुरण भि पोड़लु, तभि भि मि तुमतै नि नकरुलु।” अर ठिक इन्‍नि सब चेलों न भि बोलि।

मत्ती 10:25

अगर एक चेला अपणा गुरु का जन अर एक नौकर अपणा मालिक का जन ह्‍वे जौ, त वे खुणि इथगा भि काफी च। अर जब ऊं लोग न घौर का मालिक खुणि ही बालजबूल बोलियालि, त वेका घौर का लोगु खुणि क्या कुछ नि बुलला?”

मत्ती 3:6

अर ऊं लोगु न अपणा-अपणा पापों तैं कबूल कैरिके यरदन गाड मा यूहन्‍ना बटि बपतिस्मा ले।