मरकुस 1:5 - Garhwali

⁵ तब पूरा यहूदिया मुलक अर यरूशलेम नगर का सब रौण वळा लोग वेका पास ऐनी, अर ऊं लोगु न अपणा-अपणा पापों तैं कबूल कैरिके यरदन गाड मा यूहन्‍ना बटि बपतिस्मा लिनी।

गढवली नयो नियम

⁵ अर भौत स लोग यहूदिया प्रान्त का अर यरूशलेम शहर का रौंण वला वेमा गैनी अर अपड़ा पाप तैं मांणी के यरदन गाड मा वे बट्टी बपतिस्मा लींनि।

मरकुस 1:5 Referans Kwoze

खास चेलों 19:18

अर भौत सा लोग जौन बिस्वास कैरी, ऊंन सब लोगु का समणि अपणा-अपणा बुरा कामों तैं माणी दिनी, अर सभ्यों तैं बतौण लगि गैनी।

खास चेलों 2:38

तब पतरस न ऊंकू बोलि, “अपणा-अपणा पापों बटि पस्ताप कैरा अर पापों बटि माफी पौणु खुणि तुम मा बटि हरेक मनखि यीशु मसीह का नौ से बपतिस्मा ल्यो, अर तब तुमतै पवित्र आत्मा को दान मिललु।

यूहन्ना 3:23

अर यूहन्‍ना भि शालेम नगर का नजदीक ऐनोन नौ की जगा मा बपतिस्मा देन्दु छौ। किलैकि उख बिजांम पाणि छौ, अर लोग ऐके बपतिस्मा लेन्दा छा।

यूहन्ना 1:28

यू सब कुछ त यरदन गाड का पल्या छाला, याने की पूरब दिसा का बैतनिय्याह गौं मा ह्‍वेनि, जख यूहन्‍ना बपतिस्मा देन्दु छौ।

मत्ती 4:25

इलै गलील, दिकापुलिस, अर यहूदिया मुलकों बटि, अर यरूशलेम नगर अर यरदन गाड का दुसरा छाला बटि, भीड़ की भीड़ यीशु का पिछनै चलण लगि गै।

मरकुस 1:4

अर यूहन्‍ना नौ को एक मनखि जु की बपतिस्मा देन्दु छौ उ निर्जन जगा मा ऐ, अर उ पापों बटि माफी पौणु खुणि मन से पस्ताप कैरिके बपतिस्मा लेण को परचार कनु छौ।

मरकुस 1:6

अर उ ऊंट का बाळो से बणयूं कपड़ा पैरदु छौ, अर अपणी कमर पर चमड़ा का पठुगा तैं बान्धि के रखदु छौ। अर खाण मा वेकू खाणुक टिड़ियां अर जंगळि शहद छौ।

यूहन्ना 5:35

अर यूहन्‍ना त तुम लोगु का बीच मा जळदु अर चमकदु द्‍यू जन छौ, अर वेका उज्याळा मा कुछ बगत तक तुमतै मगन होण अच्छु लगि।

याकूब 5:16

इलै तुम एक-दुसरा का समणि अपणा-अपणा पापों तैं मणिल्या, अर एक-दुसरा खुणि प्रार्थना कैरा, ताकि तुम बिमारियों मा बटि खूब ह्‍वे जा। किलैकि जु मनखि परमेस्वर की नजर मा धरमी च वेकी प्रार्थना का द्‍वारा भौत कुछ ह्‍वे सकदु च।