मरकुस 1:4 - Garhwali

⁴ अर यूहन्‍ना नौ को एक मनखि जु की बपतिस्मा देन्दु छौ उ निर्जन जगा मा ऐ, अर उ पापों बटि माफी पौणु खुणि मन से पस्ताप कैरिके बपतिस्मा लेण को परचार कनु छौ।

गढवली नयो नियम

⁴ यूहन्ना जु एकांत जंगल म बपतिस्मा दींद अर पापों कि माफी कु अर पापों का रस्ता बट्टी मन फिराव को बपतिस्मा कु प्रचार करदो छो ज्यांला परमेश्वर पापों की माफी दे साको।

मरकुस 1:4 Referans Kwoze

यूहन्ना 3:23

अर यूहन्‍ना भि शालेम नगर का नजदीक ऐनोन नौ की जगा मा बपतिस्मा देन्दु छौ। किलैकि उख बिजांम पाणि छौ, अर लोग ऐके बपतिस्मा लेन्दा छा।

मत्ती 3:6

अर ऊं लोगु न अपणा-अपणा पापों तैं कबूल कैरिके यरदन गाड मा यूहन्‍ना बटि बपतिस्मा ले।

लूका 1:77

अर वेका लोगु तैं तू बचयै जाण को इन ज्ञान दिली, ताकि ऊ अपणा-अपणा पापों से माफी पैके बचि जा।

खास चेलों 22:16

इलै अब कैं बात की देर? चड़म खड़ु उठा, अर बपतिस्मा ल्या, अर यीशु को नौ लेके अपणा पापों तैं ध्वे द्‍या।’

खास चेलों 10:37

अर यूहन्‍ना बपतिस्मा देण वळा का परचार का बाद गलील मुलक बटि लेके यहूदिया का मुलक मा जु कुछ भि ह्‍वे वेका बारा मा भि तुम जणदा ही छाँ।

मत्ती 3:11

“अर मि त तुमतै पापों से माफी पौणु खुणि पाणिळ बपतिस्मा देणु छौं। पर उ मनखि औण वळु च, जु मिसे भि जादा ताकतबर च, अर मि ये लैख भि नि छौं कि वेको नौकर बणि के वेका जुता उठे सैकु अर उ तुमतै पवित्र आत्मा अर आग बटि बपतिस्मा द्‍यालु।

मरकुस 1:5

तब पूरा यहूदिया मुलक अर यरूशलेम नगर का सब रौण वळा लोग वेका पास ऐनी, अर ऊं लोगु न अपणा-अपणा पापों तैं कबूल कैरिके यरदन गाड मा यूहन्‍ना बटि बपतिस्मा लिनी।