मत्ती 9:4 - Garhwali

⁴ पर यीशु ऊंका विचारों तैं जाणि गै अर वेन ऊंकू बोलि, “तुम लोग अपणा-अपणा मनों मा बुरी बातों तैं किलै सुचणा छाँ?

गढवली नयो नियम

⁴ यीशु ल ऊंका मन की बात जांणि के बोलि, तुम लोग अपड़ा-अपड़ा मन मा बुरा किलै कना छा?

मत्ती 9:4 Referans Kwoze

लूका 6:8

पर यीशु ऊंका मनों का विचार जाणि गै, इलै वेन सुख्यां हाथ वळा आदिम कू बोलि, “उठ, अर बीच मा खड़ु ह्‍वे जा।” तब उ मनखि उठी अर खड़ु ह्‍वे गै।

मत्ती 12:25

पर यीशु ऊंका मनों की बात जाणि गै अर वेन ऊंकू बोलि, “अगर कै राज्य मा फूट पोड़ि जौ, त उ राज्य बरबाद ह्‍वे जान्दु। अर ठिक उन्‍नि अगर कै नगर या परिवार मा फूट पोड़ि जौ, त उ भि बरबाद ह्‍वे जान्दु,

दिब्य दरस 2:23

मि वींका बच्‍चों तैं महामारी भेजि के मरलु, ज्यां से कि बिस्वासी समुदाय का सब लोग जाणि जाला कि मि उई छौं जु कि मनखियों का मन अर दिल की बातों तैं जणदु च, अर मि हरेक तैं वेका कामों का हिसाब से द्‍यूलु।

यूहन्ना 16:30

अर अब हम समझि ग्यां, कि तुम सब कुछ जणदा छाँ। अर अब हमतै जरुरत नि च, कि तुम बटि कुछ भि सवाल पूछा। अर यां से हम बिस्वास करद्‍यां, कि तुम परमेस्वर की तरफा बटि अयां छाँ।”

लूका 11:17

पर यीशु ऊंका मनों की बात जाणि गै अर वेन ऊंकू बोलि, “अगर कै राज्य का दुई हिस्सा ह्‍वे जनदिन, त उ राज्य बरबाद ह्‍वे जान्दु। अर उन्‍नि कै घौर का भि अगर दुई हिस्सा ह्‍वे जनदिन, त उ भि बरबाद ह्‍वे जान्दु,

खास चेलों 5:9

पतरस न वींकू बोलि, “या क्या बात च, कि तुम दुईया का दुई परमेस्वर की आत्मा तैं परखणु खुणि एक मन ह्‍वे ग्यां? देख, तेरा पति तैं दफनौण वळा द्‍वार पर ऐ गैनी, अर सुण, अब वु त्वेतै भि उठे के भैर लि जाला।”

यूहन्ना 16:19

तब यीशु तैं मालूम ह्‍वे गै, कि ऊ मि बटि कुछ पूछण चाणा छिन। इलै वेन ऊंकू बोलि, “मिन तुमकु बोलि कि, ‘थुड़ी देर बाद तुम मितैं नि दिखल्या, पर और थुड़ी देर बाद तुम मितैं फिर से दिखल्या।’ क्या येका बारा मा तुम आपस मा पूछताछ करणा छाँ, कि येको मतलब क्या च?

यूहन्ना 6:64

फिर भि तुम मा इन्द्रया भि छिन, जु मेरी बातों पर बिस्वास नि करदिन।” (यीशु न यू इलै बोलि, किलैकि उ पैलि बटि जणदु छौ, कि ऊ कु छिन जु बिस्वास नि करदिन, अर उ कु च जु वेतैं पकड़ौण वळु च)।

यूहन्ना 6:61

पर वेन अपणा मन मा यू जाण्यालि, कि वेका पिछनै चलण वळा लोग आपस मा कुड़कुड़ौण लगि गैनी। इलै वेन बोलि, “क्या तुम यों बातों तैं सुणी के बिस्वास मा डगमगै ग्यां?

यूहन्ना 21:17

अर यीशु न तिसरी दौं वेकू बोलि, “हे यूहन्‍ना का नौना शमौन, क्या तू मि बटि प्यार करदी?” तब पतरस तैं दुख ह्‍वे, किलैकि यीशु न तिसरी दौं वे बटि पूछी छौ कि, “क्या तू मि बटि प्यार करदी?” इलै वेन वेकू बोलि, “हे प्रभु, तुम त सब कुछ जणद्‍यां। अर यू भि जणद्‍यां, कि मि तुम बटि प्यार करदु छौं।” तब यीशु न वेकू बोलि, “मेरी भेड़ों तैं चरो।

लूका 5:22

पर यीशु न ऊंका मनों की बात तैं जाणि के बोलि, “तुम अपणा मनों मा इन किलै सुचणा छाँ?

मरकुस 12:15

पर यीशु ऊंका मन का कपट तैं जाणि गै इलै वेन ऊंकू बोलि, “तुम मितैं किलै अजमौणा छाँ? मेरा पास चांदी को एक सिक्‍का ला, अर मितैं दिखा।”

मरकुस 2:8

पर यीशु तुरन्त अपणी आत्मा मा जाणि गै, कि वु अपणा मनों मा क्या सुचणा छिन। तब वेन ऊंकू बोलि, “तुम अपणा मनों मा इन किलै सुचणा छाँ?

लूका 7:40

तब यीशु न वेकू बोलि, “शमौन, मि त्वे बटि कुछ बुलण चाणु छौं।” तब वेन बोलि, “हाँ गुरुजी, बोला।”