मत्ती 8:6 - Garhwali

⁶ “प्रभु, मेरु नौकर घौर मा लकवा रोग मा पोड़्यूं च, अर उ भौत दुखी च।”

गढवली नयो नियम

⁶ “हे प्रभु मेरू सेवक घौर मा लकवा का रोग का कन हिलडुली भि नि सकदा अर भौत दुख मा पोड़य्युं च।”

मत्ती 8:6 Referans Kwoze

कुलुसी 4:1

हे मालिकों, अपणा-अपणा नौकरों तैं ऊंको हक द्‍या, अर अपणु सभौ ऊंका दगड़ा मा ठिक रखा। अर यू सब कुछ तुम इन समझि के कैरा, कि स्वर्ग मा तुमरो भि एक मालिक च।

मत्ती 4:24

अर पूरा सीरिया मुलक मा वेकी चर्चा फैली गै। अर लोग वेका पास बन्‍नि-बन्‍नि किसम का दुख-बिमारियों मा पोडयां लोगु तैं, अर खबेस लग्यां लोगु तैं लेके ऐनी। अर जौं लोगु पर मिर्गी औन्दी छै, अर जु लोग लकवा मा पोड़यां छा ऊंतैं भि यीशु का पास लये गै अर वेन ऊं सब लोगु तैं खूब कैरी।

कुलुसी 3:11

अर अब ये नया जीवन मा सब बिस्वासी लोग एक ही जन छिन, अब चै ऊ यहूदी जाति का छिन या वु लोग जु यहूदी जाति का नि छिन, अब चै वु जंगळि लोग छिन या कुई गवाँर, अब चै वु नौकर छिन या आजाद, कुई फर्क नि पोड़दु किलैकि सब कुछ यीशु मसीह मा च अर वे खुणि ही च।

खास चेलों 9:33

अर इख वेकी मुलाकात ऐनियास नौ का एक मनखि से ह्‍वे, अर यू आठ सालों बटि लकवा रोग की वजै से बिस्तर मा पोड़्यूं छौ।

फिलेमोन 1:16

पर अब वु एक गुलाम नि च बल्किन मा गुलाम से भि कई बढी के च, किलैकि अब उ एक बिस्वासी भै च जै बटि मि भौत प्यार करदु। पर अब वु त्वे खुणि जादा लाडलु होलु, किलैकि अब वु त्वे खुणि एक गुलाम का दगड़ा-दगड़ि एक बिस्वासी भै भि च।

1 तीमुथियुस 6:2

अर जौं गुलामों का मालिक बिस्वासी लोग छिन, त ऊ अपणा मालिकों तैं एक बिस्वासी भै समझि के ऊंतैं कम आदर-सम्मान नि द्‍यो, पर ऊ जादा से जादा वेको काम कैरो। किलैकि ऊंका कामों का द्‍वारा जौं मालिकों को फैदा होणु च, उ परमेस्वर पर बिस्वास करण वळा अर परमेस्वर खुणि प्रिय छिन। अर यों सब बातों तैं दुसरो तैं भि समझौण रौ, अर पालन करण खुणि ऊंतैं हिम्मत भि दे।

खास चेलों 10:7

अर जब वु स्वर्गदूत उख बटि चलि गै जैन वेसे बात कैरी छै, तब कुरनेलियुस न अपणा दुई नौकरों तैं अर जु लोग वेका दगड़ा मा रौन्दा छा ऊंमा बटि एक खास भक्‍त सिपै तैं बुलै,

खास चेलों 8:7

किलैकि भौत सा लोगु पर खबेस लग्यां छा, वु खबेस चिल्‍लै-चिल्‍लै के ऊंमा बटि निकळि जान्दा छा। अर भौत सा लोग जौं तैं लकवा पोड़्यूं छौ, अर जु लंगड़ा छा यों सब लोगु तैं खूब किये जान्दु छौ।

मत्ती 9:2

अर सुणा, कुछ लोग एक लकवा का रोगी तैं बिस्तर का फंचा पर रखी के यीशु का पास लैनि। अर ऊं लोगु को बिस्वास देखि के यीशु न वेकू बोलि, “हिम्मत रख बेटा, तेरा पाप माफ ह्‍वे गैनी।”

मत्ती 8:7

यीशु न वेकू बोलि, “मि ऐके वेतैं खूब कैर द्‍यूलु।”