मत्ती 7:1 - Garhwali

¹ अर यीशु न भीड़ का लोगु कू इन भि बोलि कि, “एक-दुसरा पर इळजाम लगौण बन्द कैरा, ताकि तुम पर भि इळजाम नि लगये जौ।

गढवली नयो नियम

¹ “दूसरों कु जांच कैरी के न्याय नि कैरा त परमेश्वर भि तुमारो न्याय नि करलो।”

मत्ती 7:1 Referans Kwoze

लूका 6:37

तब यीशु न ऊंकू इन भि बोलि, “एक-दुसरा पर इळजाम नि लगा, त तुम पर भि इळजाम नि लगये जालु। अर कैतैं भि दोषी नि ठैरा, त तुमतै भि दोषी नि ठैरैये जालु, एक-दुसरा तैं माफ कैरा त तुमतै भि माफ किये जालु।

लूका 6:41

“तू अपणा भै का आंखा मा पोड़्यूं तिण तैं किलै दिखणी, जब कि तेरी आंख मा ही जांठु च?

मत्ती 7:5

अरे ढोंगि, पैलि अपणा आंख बटि वे जांठा तैं त निकाळ, तब जैके तू अपणा भै की आंख को तिण अच्छी तरौं देखि के निकाळि सकलि।

मत्ती 7:2

किलैकि जन तुम इळजाम लगौन्द्‍यां, उन्‍नि तुम पर भि इळजाम लगये जालु, अर जै नापळ तुम दुसरा लोगु खुणि नपद्‍यां, उन्‍नि तुमकु भि नपै जालु।

याकूब 3:1

हे मेरा भै-बैंणो, तुम मा बटि भौत लोग उपदेस देण वळा नि बणा। किलैकि तुम जणदा छाँ, कि हम उपदेस देण वळो को न्याय दुसरो से भि जादा सख्‍तै से होण।

यूहन्ना 8:7

जब ऊ वेतैं बार-बार पूछणा रैनी, तब यीशु न खड़ु ह्‍वेके ऊंकू बोलि, “अगर तुम मदि कुई इन्द्रयो च जैन कुई पाप नि कैरी हो, त उई पैलि वीं पर ढुंगे मारो।”