मत्ती 6:1 - Garhwali

¹ तब यीशु न लोगु कू बोलि कि, “चौकस रा, तुम लोगु तैं दिखौणु खुणि धरमी बणणो को काम नि कैरा, निथर तुमतै स्वर्ग मा रौण वळा अपणा पिता परमेस्वर बटि कुई इनाम नि मिलण।

गढवली नयो नियम

¹ “सावधान रावा तुम लुखुं तैं दिखौणु कु अपड़ा भले का काम नि कैरा, नथिरी अपड़ा स्वर्गीय बुबा बट्टी कुछ भि प्रतिफल नि पैल्या।”

मत्ती 6:1 Referans Kwoze

मत्ती 23:5

अर वु पवित्रशास्‍त्र का वचनों तैं चमड़े की चौड़ी पट्‍टियों पर लिखी के अपणा सरील पर बन्धदिन, अर अपणा चोळों का झालरों तैं बड़ु लम्बो करदिन, अर अपणु हरेक काम वु मनखियों तैं दिखाणु खुणि करदिन।

यूहन्ना 12:43

किलैकि ऊंतैं परमेस्वर की तरफा बटि मिलण वळु आदर-सम्मान से भि जादा मनखियों की तरफा बटि मिलण वळु आदर-सम्मान जादा खूब लगदु छौ।

इब्रानी 6:10

अर जै तरीके से तुमुन परमेस्वर का लोगु की सेवा कैरी अर अभि भि कना छाँ, वां से इन साबित होन्दु कि तुम पिता परमेस्वर से कथगा प्यार करद्‍यां, अर उ यों बातों तैं नि बिसरलु, किलैकि उ कै का दगड़ा मा अन्यो नि करदु।

लूका 16:15

अर वेन ऊंकू बोलि कि, “तुम त लोगु का समणि अफ तैं धरमी ठैरौन्द्‍यां, पर परमेस्वर तुमरा मनों तैं जणदु च, किलैकि ज्वा चीज मनखियों की नजर मा सबसे महान होन्दी, वीं ही चीज से परमेस्वर नफरत करदु।

गलातियों 6:12

हे मेरा दगड़्यों, कुछ लोग दिखावा करणु खुणि तुमतै मजबूर करणा छिन, कि खतना का रिवाज तैं पूरु कैरा। अर मि तुमतै बतै देन्दु कि वु इन इलै करणा छिन, ताकि यीशु को परचार करण की खातिर ऊंतैं सतयै नि जौ।

यूहन्ना 5:44

तुम जु एक-दुसरा बटि आदर-सम्मान पौण चन्द्‍यां, पर उ आदर-सम्मान जु केवल परमेस्वर की तरफा बटि मिलदु च वेतैं नि चन्द्‍यां, त फिर तुम कनकै मि पर बिस्वास कैरी सकदा छाँ।

2 यूहन्ना 1:8

अर जै काम खुणि हमुन मेनत कैरी, कखि तुम वेतैं हरचै नि द्‍या, इलै अपणा जीवनों खुणि चेतन रा, ताकि तुमतै वेको इनाम मिली सैको।

मरकुस 8:15

वेन ऊंतैं चितै के बोलि, “सुणा, फरीसी दल का लोगु अर हेरोदेस अन्तिपास का खमीर से बचि के रा।”

मत्ती 6:16

अर यीशु न भीड़ का लोगु कू इन भि बोलि कि, “जब तुम उपवास रखिल्या, त ढोंगि लोगु की तरौं तुमरा मुख पर उदासी नि हो, किलैकि ऊ अपणु मुख इन्द्रयो इलै बणै के रखदिन, ताकि लोग समझि जा कि ऊंको उपवास रख्युं च। पर मि तुम बटि सच्‍चि बोन्‍नु छौ, कि लोगु बटि त ऊंतैं आदर-सम्मान मिली गै, मगर पिता परमेस्वर बटि ऊंतैं कुछ इनाम नि मिलण।

मत्ती 16:6

तब यीशु न ऊंतैं चितै के बोलि, “सुणा, फरीसी अर सदूकी दल का लोगु का खमीर से बचि के रा।”

लूका 12:15

अर वेन यू भि बोलि, “ध्यान रखा, हरेक किसम का लालच बटि खुद तैं बचै के रखा, किलैकि मनखि का जीवन की कीमत वेका जैजाद बटि नि नपै जै सकदी।”

मत्ती 5:48

इलै तुम खरु मनखि बणा, जन स्वर्ग मा रौण वळु तुमरो पिता परमेस्वर खरु च।”

मत्ती 5:16

ठिक इन्‍नि तुमरो उज्याळु भि लोगु का समणि चमकण चयेणु, ताकि लोग तुमरा भला कामों तैं देखि के तुमरा पिता परमेस्वर की बडै कैरा, जु की स्वर्ग मा च।”

लूका 11:35

इलै ध्यान रखा, कि कखि तुमरो उज्याळु अन्धेरा मा नि बदलि जौ।

लूका 12:1

अर जब यीशु शास्‍त्री का इख बटि ऐ गै, त यीशु तैं मिलणु खुणि बिजांम लोगु की भीड़ इकट्‍ठा ह्‍वे गै, अर लोगु की संख्या इथगा छै, कि वु एक-दुसरा पर फरक्योंणा छा। तब यीशु न सबसे पैलि अपणा चेलों कू बोलि कि, “सुणा, फरीसी लोगु का ढोंग रुपी खमीर से चौकस रा।

मत्ती 25:40

तब राजा ऊंतैं जबाब द्‍यालु, ‘मि तुम बटि सच्‍च बोन्‍नु छौं, कि जु भलै तुमुन मि पर बिस्वास करण वळा लोगु का दगड़ा मा करिनी जौं तैं लोग कुछ नि समझदिन, वु सब भलै तुमुन मेरा दगड़ा मा ही करिनी।’

मत्ती 5:46

किलैकि अगर जु तुम बस ऊं बटि ही प्यार करद्‍यां जु तुम बटि करदिन, त कौन सा तुमुन भौत बड़ु काम कैरियाली। अरे, चुंगी लेण वळा पापि लोग भि त इन्‍नि करदिन,

मत्ती 23:13

तब यीशु न ऊंकू बोलि, “हे शास्‍त्री अर फरीसी दल का लोगु, तुम बड़ा ढोंगि छाँ अर तुम पर हाय च, किलैकि तुम दुसरा लोगु खुणि परमेस्वर का राज को द्‍वार बन्द कना छाँ, अर नऽ त तुम खुद वेमा जाणा छाँ, अर ना ही ऊंतैं जाण देणा छाँ जु कि वेमा जाण का हकदार छिन।

मत्ती 6:9

“इलै तुम प्रार्थना इनकै कर्यां कि, “हे हमरा पिता, तुम जु स्वर्ग मा छाँ, तुमरो नौ पवित्र मणै जौ।

इब्रानी 2:1

इलै जौं बातों तैं हमुन सुणी, ऊं सब बातों पर हमतै और भि जादा ध्यान देण चयेणु, ताकि हम सच्‍चै से दूर नि ह्‍वे जा।

इब्रानी 11:26

किलैकि पितर मूसा न ईं बात तैं स्वीकार कैरियाली छौ, कि अगर जु मसीह का खातिर वेकी बेजती भि ह्‍वे जालि तभि भि वा बेजती मिस्र देस की धन-दौलत से भौत जादा बढी के च। अर इन किलैकि मूसा को ध्यान वे इनाम की तरफा छौ, जु कि आखिरी मा परमेस्वर वेतैं देण वळु छौ।

मत्ती 16:27

किलैकि मनखि को पुत्र अपणा स्वर्गदूतों का दगड़ा अर अपणा पिता की सामर्थ मा वापस औण वळु च, अर वे बगत ‘उ हरेक मनखि तैं वेका कामों का मुताबिक बदला मा ऊंतैं द्‍यालु।’

खास चेलों 3:12

अर यू देखि के पतरस न ऊं लोगु कू बोलि, “हे इस्राएल का लोगु, तुम ये काम तैं देखि के किलै ताजुब कना छाँ? अर टक लगै के हमतै इन किलै दिखणा छाँ? तुम त इन दिखणा छाँ जन कि हम लोगु न ये मनखि तैं खुद की ताकत अर भक्‍ति की वजै से खूब कैरी हो।