मत्ती 3:7 - Garhwali

⁷ अर जब यूहन्‍ना न भौत सरा फरीसी दल का लोगु तैं अर सदूकियों तैं बपतिस्मा लेण कू अपणा पास औन्द देखि, त वेन ऊंकू बोलि, “हे गुरौ का बच्‍चों, तुमतै कैन चितै की परमेस्वर का औण वळा परकोप से दूर भागा?

गढवली नयो नियम

⁷ जब वेल भौत फरीसियों तैं अर सदूकियों तैं बपतिस्मा लींणु कु अपड़ा नजदीक औंण देखि त ऊं बट्टी बोलि, “हे गुरो का बच्चों” तुम तैं कैल जतै कि औंण वला गुस्सा बट्टी भागा।

मत्ती 3:7 Referans Kwoze

मत्ती 12:34

हे गुरौ का बच्‍चों, तुम त बुरा छाँ, त फिर तुम अच्छी बात कनकै बोलि सकद्‍यां? किलैकि जु कुछ मन मा भोरयूं होन्दु, मनखि का गिच्‍चा बटि उई निकळदु।

1 थिस्सलुनीकी 1:10

अर वु इन भि बतौन्दिन, कि तुम परमेस्वर का पुत्र को इंतजार बड़ी आस लगै के कना छां, जु की स्वर्ग बटि औण वळु च याने कि यीशु, जैतैं परमेस्वर न मुरदो मा बटि ज्यून्दु कैरी, अर उई न्याय का दिन पर हमतै औण वळा परकोप से बचालु।

रोमियों 1:18

हे मेरा दगड़्यों, पिता परमेस्वर स्वर्ग बटि अपणु गुस्सा ऊं सब लोगु पर दिखान्दु जु कि दुष्‍ट छिन अर वेकी भक्‍ति तैं नि करदिन, अर जु लोग अन्यो कैरिके सच्‍च तैं दबै के रखदिन।

मत्ती 23:33

हे खतरनाक बिस से भोर्यां गुरौ अर ऊंका बच्‍चों, तुम लोग नरकलोक का दण्ड पौड़ से कनकै बचि सकिल्या?

रोमियों 5:9

इलै जब हम यीशु मसीह का ल्वे का द्‍वारा पिता परमेस्वर की नजर मा धरमी गिणै ग्यां, त अब उ हमतै परमेस्वर का खतरनाक गुस्सा से जरुर बचालु।

मत्ती 22:23

अर वे ही दिन सदूकी दल का लोग यीशु का पास ऐनी अर यू इन मणदिन कि मुरयां लोग फिर से ज्यून्दा नि ह्‍वे सकदिन इलै ऊंन वेसे पूछी,

मत्ती 16:6

तब यीशु न ऊंतैं चितै के बोलि, “सुणा, फरीसी अर सदूकी दल का लोगु का खमीर से बचि के रा।”

1 यूहन्ना 3:10

अर पिता परमेस्वर की औलादों अर शैतान की औलादों की पछ्याण यां से ही होन्दी, अर हरेक उ मनखि जु परमेस्वर की नजर मा धरमी जीवन नि जीन्दु उ वेकी तरफा बटि नि च, अर जु मनखि सब लोगु से प्यार नि करदु उ भि परमेस्वर की तरफा बटि नि च।

यूहन्ना 9:40

अर फरीसियों मा बटि जु वेका दगड़ा मा छा अर वेकी बातों तैं सुनणा छा, ऊंन वेकू बोलि, “क्या हम भि अन्धा छां?”

इब्रानी 11:7

अर बिस्वास से ही पितर नूह न परमेस्वर की तरफा से वे पाणि की विपदा का बार मा जाणि जैतैं वेन देखि नि छौ, अर वेन परमेस्वर की बात सुणी अर परमेस्वर की आज्ञा माणी के अपणा परिवार तैं बचौणु खुणि पाणि को एक बड़ु जाज बणै। अर इन्द्रया बिस्वास का बानो परमेस्वर न नूह तैं अपणी नजर मा धरमी पै, मगर वे बगत का लोगु न बिस्वास नि कैरी, इलै परमेस्वर न ऊंतैं दण्ड दिनी।

खास चेलों 26:5

अर जु लोग मितैं पैलि बटि पछ्याणदिन अगर ऊ चा, त ईं बात का खातिर मि खुणि गवै दे सकदिन, कि फरीसी होण का नाता मि अपणा धरम तैं मनण वळो मा बटि सबसे कट्‍टर मनखि छौं।

खास चेलों 20:31

इलै चौकस रा, अर ईं बात तैं याद रखा कि मिन तीन सालों तक दिन-रात रुवे-रुवे के हरेक तैं चितौण कभि नि छोड़ि।

खास चेलों 15:5

मगर बिस्वासी फरीसी लोगु मा बटि कुछ लोग उठनि अर ऊंन बोलि, “जु लोग यहूदी जाति का नि छिन अर प्रभु पर बिस्वास करदिन ऊं लोगु तैं खतना का रिवाज तैं पूरु करण जरुरी च, अर ऊंतैं इन हुकम देण चयेणु कि ऊ मूसा का दियां नियम-कानून को पालन कैरा।”

खास चेलों 5:17

अर यू सब देखि के महा पुरोहित अर वेका दगड़ा का सदूकी दल का लोग यीशु का खास चेलों तैं देखि के भौत खार खाण लगि गैनी।

यूहन्ना 8:44

अर तुम अपणा बुबा शैतान की तरफा बटि छाँ अर वेकी मनसा तैं पूरि करण चान्दा छाँ। उ त पैलि बटि हत्यारू च अर सच्‍चै पर नि टिक्यूं रौन्दु, किलैकि सच्‍चै वेमा छैई नि च। अर जब उ झूठ्‍ठ बुल्दु, त अपणा ही सभौ बटि बुल्दु। किलैकि उ त झूठ्‍ठु च, बल्किन मा झूठ्‍ठों को बुबा च।

यूहन्ना 1:24

तब जौं लोगु तैं फरीसी दल का लोगु न भेजि छौ,

लूका 18:11

अर फरीसी खड़ु ह्‍वेके अपणा मन मा इन प्रार्थना करण लगि गै कि, ‘परमेस्वर, मि तुमरो धन्यवाद करदु कि मि दुसरा लोगु का जन ठग, अधरमी, अर ना ही गळत सम्बन्ध रखण वळा का जन छौं, अर ना ही ये चुंगी लेण वळा का जन छौं।

लूका 16:14

अर जब फरीसी दल का लोगु न यीशु की यों बातों तैं सुणी, त वेको मजाक उड़ौण लगि गैनी। किलैकि उ दौलत का लालची छा।

लूका 7:30

पर फरीसी दल का लोगु न अर नियम-कानूनों तैं सिखौण वळो न वे बटि बपतिस्मा नि लेई। अर इन कैरिके ऊं खुणि परमेस्वर को जु मकसद छौ, वेतैं ऊंन नकारी दिनी।

मरकुस 12:18

अर तब सदूकी लोग जौं को मनण इन च कि, मुरयां लोग फिर से ज्यून्दा नि ह्‍वे सकदिन, वु यीशु का पास ऐनी, अर ऊंन यीशु बटि पूछी कि,

मरकुस 12:13

तब यहूदियों का मुख्य लोगु न यीशु तैं वेकी ही बातों मा फसौंणु खुणि अपणा कुछ फरीसी दल का लोगु तैं, अर राजा हेरोदेस का कुछ लोगु तैं वेका पास भेजि।

मरकुस 8:15

वेन ऊंतैं चितै के बोलि, “सुणा, फरीसी दल का लोगु अर हेरोदेस अन्तिपास का खमीर से बचि के रा।”

मत्ती 22:34

अर जब फरीसी दल का लोगु न या बात सुणी की यीशु न सदूकियों की बोलती बन्द कैरियाली, त ऊ सब इकट्‍ठा ह्‍वेनि।

मत्ती 22:15

तब फरीसी दल का लोग उख बटि चलि गैनी। अर अपणा आपस मा मिली के ऊंन एक सला बणै, कि यीशु तैं वेकी ही बात मा कनकै फसांण।

मत्ती 12:24

पर फरीसी दल का लोगु न यू सुणी के बोलि, “यू खबेसों का अधिकारी बालजबूल याने की शैतान की मदद से खबेसों तैं निकळदु।”

मत्ती 5:20

अर मि तुमतै बतै देन्दु, कि अगर जु तुम परमेस्वर की नजर मा धरमी जीवन जीण को काम, शास्‍त्री अर फरीसी दल का लोगु से जादा नि करिल्या, त तुम परमेस्वर का राज मा नि जै सकद्‍यां।’”

इब्रानी 6:18

अर करार अर कसम की दुई बातों तैं कभि बदलै नि जै सकदु, किलैकि पिता परमेस्वर कभि भि झूठ्‍ठ नि बुल्दु। इलै हम बिस्वासी लोग जु कि वेकी हिफाजत मा रौणा छां, हम सभ्यों तैं बड़ी हिम्मत रखी के अपणी-अपणी आस वे पर बणै के रखण चयेणी।

मत्ती 15:12

तब यीशु का चेला न वेका पास ऐके बोलि, “गुरुजी, क्या तुमतै पता च कि तुमरा ये वचन की वजै से फरीसी दल का लोग खिरसयां छिन?”

मत्ती 16:1

एक दिन फरीसी अर सदूकी दल का लोगु न यीशु का पास ऐके वेकी अजमैस करण का खातिर वेकू बोलि, “हमतै स्वर्ग मा बटि कुई चमत्कारिक चिन्‍न दिखौ।”