मत्ती 3:11 - Garhwali

¹¹ “अर मि त तुमतै पापों से माफी पौणु खुणि पाणिळ बपतिस्मा देणु छौं। पर उ मनखि औण वळु च, जु मिसे भि जादा ताकतबर च, अर मि ये लैख भि नि छौं कि वेको नौकर बणि के वेका जुता उठे सैकु अर उ तुमतै पवित्र आत्मा अर आग बटि बपतिस्मा द्‍यालु।

गढवली नयो नियम

¹¹ मि त तुम तैं पापों बट्टी पछतावा कैरी के मन फिरावा इलै मि तुम तैं पांणी ल बपतिस्मा दींदो अर यु प्रचार करदु छो, “कि मेरा बाद उ औंण वलो च, जु मि से भि जादा महान अर शक्तिशाली च मि त ये लैख भि नि छौं कि वेको दास बंणि के झुकि के वेका जुतों का तंणखा खोलु, मिल त तुम तैं पांणी ल बपतिस्मा दींनि पर उ तुम तैं पवित्र आत्मा ल अर आग ल बपतिस्मा दयालो।

मत्ती 3:11 Referans Kwoze

लूका 3:16

तब यूहन्‍ना न ऊं सभ्यों कू बोलि, “मि त तुमतै पाणिळ बपतिस्मा देणु छौं, पर उ औण वळु च, जु मिसे भि जादा ताकतबर च। अर मि ये लैख भि नि छौं कि वेका जुतों का तसमा भि खोली सैकु। अर उ तुमतै पवित्र आत्मा अर आग बटि बपतिस्मा द्‍यालु।

खास चेलों 1:5

किलैकि यूहन्‍ना न त पाणिळ बपतिस्मा दिनी, मगर अब से कुछ दिनों का बाद तुम पवित्र आत्मा का द्‍वारा बपतिस्मा पैल्या।”

तीतुस 3:5

तब वेन हमरा अच्छा कामों का खातिर ना, पर अपणी दया कैरिके हमतै बचै दिनी अर पवित्र आत्मा का द्‍वारा हमरा सब पापों तैं ध्वेके हमतै नयू जनम देई अर हमतै नयू जीवन मिली।

1 कुरिन्थि 12:13

अर हम बिस्वासी लोगु मा कुछ यहूदी जाति का छिन, अर कुछ लोग दुसरि जाति का छिन, अर कुछ लोगु गुलाम, त कुछ लोग आजाद छिन। पर हम सभ्या का सभि एक सरील ह्‍वे जां, इलै हम सभ्यों को एक ही पवित्र आत्मा का द्‍वारा बपतिस्मा ह्‍वे। अर पवित्र आत्मा वे पाणि का जन च जैतैं हम सभ्यों न एक कटोरा मा बटि पै।

मत्ती 3:6

अर ऊं लोगु न अपणा-अपणा पापों तैं कबूल कैरिके यरदन गाड मा यूहन्‍ना बटि बपतिस्मा ले।

खास चेलों 19:4

तब पौलुस न ऊंकू बोलि, “यूहन्‍ना न त पापों से पस्ताप करण को बपतिस्मा दे छौ वेन बोलि छौ, जु मेरा बाद औण वळु च वे पर बिस्वास कर्यां।” अरे, वु जैका बारा मा बोन्‍नु छौ वु यीशु मसीह ही च।

लूका 1:17

अर उ परमेस्वर का रैबर्या एलिय्याह की आत्मा अर सामर्थ पैके खुद प्रभु का अगनै आलु। ताकि बाल-बच्‍चों जनै ध्यान देणु खुणि उ बुबों का मनों तैं ऊंकी तरफा कैरी द्‍यो, अर आज्ञा नि मनण वळो तैं धरमी बणणो को ज्ञान द्‍यो, अर प्रभु खुणि एक लैख परजा तयार कैरो।”

यूहन्ना 1:30

अर यू उई च जैका बारा मा मिन बोलि छौ कि, ‘उ जु मेरा बाद औण वळु च, उ मिसे भि महान च किलैकि उ मिसे भि पैलि बटि छौ।’

मरकुस 1:4

अर यूहन्‍ना नौ को एक मनखि जु की बपतिस्मा देन्दु छौ उ निर्जन जगा मा ऐ, अर उ पापों बटि माफी पौणु खुणि मन से पस्ताप कैरिके बपतिस्मा लेण को परचार कनु छौ।

इफिसुस 3:8

अर पिता परमेस्वर का सब पवित्र लोगु मा बटि मि सबसे छुटा छौं, मगर फिर भि वेन मि पर अपणी किरपा कैरिके मितैं यू दान दिनी, कि जु लोग यहूदी जाति का नि छिन मि ऊंका बीच मा जैके यीशु मसीह का द्‍वारा मिलण वळी बेशुमार आसिसों को बखान कैरी सैकु।

1 पतरस 5:5

अर ठिक इन्‍नि, हे ज्वान लोगु, तुम भि अध्यक्षों का अधीन मा रा, अर एक-दुसरा का दगड़ा मा नमर बरतौ रखा, किलैकि पवित्रशास्‍त्र मा इन लिख्यूं च कि, “परमेस्वर बड़ु मोन करण वळा लोगु का खिलाप मा रौन्दु, मगर दीन लोगु पर किरपा करदु।”

यूहन्ना 1:15

तब यूहन्‍ना बपतिस्मा देण वळन वेका बारा मा गवै दे, अर चिल्‍लै-चिल्‍लै के इन बोलि कि, “यू मनखि उई च, जैका बारा मा मिन बोलि छौ, उ जु मेरा बाद औण वळु च, उ मिसे भि महान च किलैकि उ मिसे भि पैलि बटि छौ।

लूका 3:3

अर उ यरदन गाड का आस-पास का मुलक मा जैके पापों बटि माफी पौण खुणि मन से पस्ताप कैरिके बपतिस्मा लेण को परचार कनु छौ।

खास चेलों 8:36

अर बाटा मा चलद-चलद वु एक जगा मा पौंछिनी जख पाणि छौ। तब वे अधिकारी न बोलि, “देखा, इख मा पाणि च, मि बपतिस्मा ले सकदु क्या?”

खास चेलों 8:38

तब वे अधिकारी न रथ तैं रुकण को आदेस देई, तब फिलिप्पुस अर वु अधिकारी पाणि मा उतरिनी, अर वेन वेतैं बपतिस्मा देई।