मत्ती 27:3 - Garhwali

³ अर यीशु तैं धोखा से पकड़वौण वळा यहूदा इस्करियोती न जब इन सुणी, कि न्याय करण वळो न वेतैं मौत की सजा सुणैयालि, त उ भौत पछतै, इलै उ मुख्य पुरोहितों अर अध्यक्ष लोगु का पास चांदी का ऊं तीस सिक्‍कों तैं लेके गै।

गढवली नयो नियम

³ जब वेका पकड़ौण वला यहूदा तैं उ पता चलि की उ मरवांणु कु भंगारी ठैरे गै त तब उ भौत पछतै अर ऊं तीस चाँदी का सिक्कों तैं प्रधान याजक मा अर दाना-सयाणों मा वापिस दींणु कु गै।

मत्ती 27:3 Referans Kwoze

2 कुरिन्थि 7:10

किलैकि पिता परमेस्वर की तरफा बटि औण वळु दुख हमतै छुटकारा की तरफा लेके जान्दु, मगर दुख औण का बाद भि जु लोग पस्ताप नि करदिन, ऊं खुणि वु दुख मौत की सजा तैं पैदा करदु।

यूहन्ना 18:3

तब यहूदा, रोमी सिपयों को एक दल तैं, अर मुख्य पुरोहितों अर फरीसी दल का लोगु की तरफा बटि भेज्यां मन्दिर का पैरादारों तैं लेके ऐ। अर ऊंका हाथों मा लालटेन, मसाल अर हथियार भि छा।

यूहन्ना 13:27

अर शैतान यहूदा मा समै गै। तब यीशु न यहूदा कू बोलि, “जु तिन करण च, उ तू जल्दी कैर।”

यूहन्ना 13:2

अर जब ऊ राति खाणु खाणा छा, तब शैतान न शमौन का नौना यहूदा इस्करियोती का मन मा पैलि ही यू विचार डालियेली छौ, कि उ यीशु तैं पकड़वै द्‍यो।

खास चेलों 1:18

अर वेकी नीच कमै का द्‍वारा एक पुंगड़ु खरीदे गै, अर उ कपाळ का बल पोड़ि, पुटगु फटी, अर वेका सब अन्दड़ा भैर निकळि गैनी।