मत्ती 27:2 - Garhwali

² तब ऊ वेतैं बान्धि के लि गैनी, अर रोमी गवर्नर पिलातुस का हाथ मा सौंप दिनी।

गढवली नयो नियम

² ऊंल यीशु तैं बन्धवै दींनि अर न्याय कनु कु यहूदिया जिला का रोमी राज्यपाल मा लिजै कै पिलातुस मा सौंपी दींनि।

मत्ती 27:2 Referans Kwoze

खास चेलों 3:13

अरे, यू सब आदर-सम्मान त हमरा पितरों का परमेस्वर याने कि अब्राहम का परमेस्वर, इसहाक का परमेस्वर अर याकूब का परमेस्वर न अपणा सेवक हमरा प्रभु यीशु तैं देई, हाँ, वे ही यीशु तैं जैतैं तुमुन पकड़वै दिनी। अर गवर्नर पिलातुस न वेतैं छुड़ण को विचार कैरी, पर तुमुन वेका समणि यीशु तैं नकारी दिनी।

मत्ती 20:19

अर वु लोग मनखि का पुत्र तैं ऊं लोगु का हवाला कैरी द्‍याला जु कि यहूदी जाति का नि छिन, ताकि वु लोग वेको मजाक उड़ा, अर कोड़ा मारा, अर क्रूस पर चड़ै द्‍या, पर सुणा, उ तिसरा दिन ज्यून्दु ह्‍वे जालु।”

1 तीमुथियुस 6:13

परमेस्वर सभ्यों तैं जीवन देन्दु, अर प्रभु यीशु मसीह जैन पुन्तियुस पिलातुस का समणि भौत अच्छी गवै देई छै, वे परमेस्वर अर यीशु मसीह का समणि मि त्वेतै आज्ञा देन्दु कि,

लूका 13:1

अर जब यीशु न यू सब बात बोलि दिनी कि उबरि उख कुछ लोग ऐनी, अर यीशु तैं ऊं गलीली लोगु का बारा मा बतौण लगि गैनी जौं तैं रोमी गवर्नर पिलातुस न मन्दिर मा बलिदान चड़ौण का बगत पर मरवेयलि छौ।

इब्रानी 13:3

अर जु बिस्वासी लोग कैद मा छिन ऊंकी मदद कैरा, इन सोचा कि तुम भि ऊंका दगड़ा कैद मा छाँ। अर जौं बिस्वासी लोगु का दगड़ा मा बुरु बरतौ होणु च, ऊंतैं याद रखा अर इन मैसूस कैरा, जन कि तुम खुद ऊंका दगड़ा मा दुख झिलणा छाँ।

2 तीमुथियुस 2:9

अर ये शुभ समाचार तैं सुनौण का खातिर ही मि दुख-तकलीफ उठाणु छौं। अर इख तक कि यों न मितैं एक कैदी का जन बेड़ियों से बान्धि के जेलखाना मा रख्युं च, पर तभि भि परमेस्वर का वचन तैं फैलण से कुई नि रोकी सकदु।

खास चेलों 28:20

अर मिन तुमतै इख इलै बुलै, ताकि तुम बटि मिलु अर बात-चित कैरी सैकु, अर जै मसीह औण की आस इस्राएली लोगु न रखी च, वे ही मसीह का बारा मा परचार करण का बानो आज मि इख बेड़ियों मा बन्धयूं छौं।”

खास चेलों 24:27

अर इन करद-करद दुई साल ह्‍वे गैनी। अर येका बाद गवर्नर फेलिक्स की जगा पर पुरकियुस फेस्तुस नौ को मनखि गवर्नर का पद पर ऐ, मगर फेलिक्स यहूदियों तैं खुश करण चान्दु छौ, इलै वेन पौलुस तैं जेलखाना मा ही छोड़ि दिनी।

खास चेलों 22:29

इलै जु लोग वेतैं पूछताछ कैरिके कोड़ा मरण वळा छा, वु सब पिछनै हटि गैनी। अर पलटण को सेनापति भि ईं बात तैं जाणि के भौत डौऽरी गै, कि मिन एक रोमी मनखि तैं बन्धी बणै के रख्युं च।

खास चेलों 22:25

मगर जब सिपै पौलुस तैं कोड़ा मरणु खुणि चमड़ा का ज्यूड़ोळ बान्धि, त पौलुस न उखम खड़ा सुबेदार कू बोलि, “साब, एक बात बता अगर कुई रोमी नागरिक जैको अपराध सिद्ध नि ह्‍वे हो, त क्या या बात नियम का मुताबिक सही च?”

खास चेलों 21:33

तब सेनापति पौलुस का पास ऐ, अर वेन वेतैं पकड़ण को अर बेड़ियों मा बन्धण को आदेस दिनी। तब वेन पूछी, “कु च यू अर क्या कैरी येन?”

खास चेलों 12:6

अर जब राजा हेरोदेस अग्रिप्पा पतरस तैं आम लोगु का समणि लाण वळु छौ वीं ही रात पतरस दुई सिपै का बीच मा सिणु छौ अर वेतैं दुई संगुळोन बन्धयूं छौ। अर पैरेदार जेलखाना का द्‍वार पर पैरा दिणा छा।

खास चेलों 9:2

तब उ महा पुरोहित का पास गै, अर वेन वे बटि दमिश्क नगर का प्रार्थना भवनों का मुखिया लोगु खुणि चिठ्‍ठी मांगि, कि प्रभु यीशु पर बिस्वास करण वळु जु भि मिललु ऊंतैं बन्धी बणै के यरूशलेम नगर मा लये जौ, अब चै उ जनानि हो या बैख।

खास चेलों 4:27

“अर सच्‍चि मा इन्‍नि ह्‍वे कि राजा हेरोदेस अन्तिपास अर गवर्नर पुन्तियुस पिलातुस न भि इस्राएली लोगु अर ऊं लोगु का दगड़ा मा मिली के जु यहूदी जाति का नि छां, तुमरा पवित्र सेवक यीशु मसीह का खिलाप ये नगर मा इकट्‍ठा ह्‍वेनि, जैतैं तुमुन चुण्यूं छौ।

यूहन्ना 18:24

तब हन्‍ना न यीशु तैं उन्‍नि बन्धयां महा पुरोहित काइफा का पास भेज दिनी।

यूहन्ना 18:12

तब सैनिको न अर ऊंका सुबेदार न अर यहूदियों का मन्दिर का पैरादारों न यीशु तैं पकड़ी के बान्धि दिनी।

लूका 20:20

इलै वु वेकी ताक मा लग्यां रैनी, इख तक की ऊंन जासूसों तैं भि भेजि कि वु धरमी मनखियों का जन बणि के वेकी कै बात तैं पकड़ा, ताकि तब वु वेकी वीं बात पर दोष लगै के वेतैं रोमी गवर्नर मा सौंपी सैका।

लूका 3:1

जौं दिनों मा महाराजा तिबिरियुस रोम को महाराजा छौ, वेका राज का पन्द्रवां साल मा यहूदिया मुलक को गवर्नर पुन्तियुस पिलातुस छौ, अर गलील मुलक पर सासन करण वळु हेरोदेस अन्तिपास छौ। अर वेकू भै फिलिप्पुस को सासन इतूरैया मुलक पर अर त्रखोनीतिस मुलक पर छौ। अर अबिलेने मुलक पर लिसानियास सासन करण वळु छौ।

मत्ती 28:14

अर अगर जु या बात गवर्नर तक पौंछी जालि, त हम ऊंतैं समझै द्‍यूला अर तुमतै मुसीबत से भि बचै द्‍यूला।”

लूका 23:1

तब सभा का सब लोग उठनि, अर यीशु तैं गवर्नर पिलातुस का पास लि गैनी।

लूका 23:12

वे दिन बटि ही पिलातुस अर हेरोदेस अन्तिपास दगड़्या बणि गैनी, किलैकि यां से पैलि ऊ एक-दुसरा का दुसमन छा।

यूहन्ना 18:28

तब रात खुलण का बगत ऊ लोग यीशु तैं काइफा का इख बटि रोमी गवर्नर पिलातुस का राजमहल मा लि गैनी। अर ऊ यहूदी लोग खुद राजमहल का भितर नि गैनी, किलैकि कखि ऊ अशुद्ध नि ह्‍वे जा, अर फसह को त्योवार को खाणु नि खै सैका।