मत्ती 26:10 - Garhwali

¹⁰ अर यीशु ईं बात तैं जाणि गै अर वेन चेलों कू बोलि, “तुम ईं जनानि तैं किलै सतौणा छाँ? वींन त मेरा दगड़ा मा भलै ही कैरी।

गढवली नयो नियम

¹⁰ यु जांणि के यीशु ल ऊंमा बोलि “ईं जनन तैं किलै सतांणा छा? वीं ल मि दगड़ी भलै कैरी।

मत्ती 26:10 Referans Kwoze

तीतुस 3:8

अर यू सब बात सच्‍चि छिन, अर मि चान्दु छौं कि तू यों सब बातों का बारा मा जोर देके बतौ, ताकि जौं लोगु न परमेस्वर पर बिस्वास कैरी, ऊ भलै का कामों तैं करण मा लग्यां रा। अर यू बात खूब अर सब लोगु का फैदे की छिन।

तीतुस 3:14

अर सब बिस्वासी लोग भलै का काम करण सीखा, ताकि ऊ एक-दुसरे की भौत सि जरुरतों तैं पूरु कैरी सैका, तब ऊंका जीवन का द्‍वारा दुसरा लोगु तैं फैदा मिललु।

तीतुस 3:1

अर तीतुस, ऊं लोगु तैं इन भि याद दिलौ, कि ऊ राजा अर अधिकारी लोगु का अधीन मा रा, अर ऊंकी आज्ञा को पालन कैरा। अर हरेक भला काम करणु खुणि तयार रा।

तीतुस 2:14

अर हम त धरमी लोग नि छा, मगर वेन हमरा खातिर अफ तैं बलिदान होणु खुणि दे दिनी, अर वेन ही हमतै बुरा कामों बटि छुटकारु देके शुद्ध कैरी, ताकि हम वेका खास लोग बणि जां, अर भला काम करणु खुणि हमेसा तयार रा।

तीतुस 1:16

अर यू लोग इन बुल्दिन कि, हम परमेस्वर तैं जणदा छां, पर ऊंका कामों का द्‍वारा इन पता चलि जान्दु कि ऊ परमेस्वर तैं नि जणदिन, किलैकि वु दुष्‍ट सभौ का, अर आज्ञा नि मनण वळा, अर कुई भि अच्छा काम करण का लैख नि छिन।

2 तीमुथियुस 2:21

अगर कुई मनखि खुद तैं बुरै बटि दूर रखी के खुद तैं शुद्ध करलु, त उ वे भाँडा का जन च जैतैं कै खास काम खुणि इस्तेमाल लिये जान्दु। तब वे मनखि को जीवन पवित्र ह्‍वे जालु, अर वेको इस्तेमाल प्रभु का हरेक अच्छा काम खुणि किये जालु।

1 तीमुथियुस 3:1

अर या बात सच्‍च च अर पूरि तरौं से मनण लैख च, कि अगर कुई बिस्वासी समुदाय को अध्यक्ष बणण चान्दु, त उ अच्छा काम करण की इच्छा भि रखदु।

2 थिस्सलुनीकी 2:17

अर हम तुम खुणि प्रार्थना करद्‍यां, कि प्रभु यीशु मसीह अर पिता परमेस्वर तुमतै हिम्मत द्‍यो, ताकि तुम हमेसा अच्छु बोला और अच्छा काम कैरी सैका।

कुलुसी 1:10

ताकि तुमरो चाल-चलन हरेक बात मा प्रभु तैं खुश करण वळु हो। अर हरेक किसम का भलै का काम अच्छा फलों की तरौं छिन, इलै तुम ऊंतैं अपणा जीवनों मा लेके आ, अर परमेस्वर का ज्ञान मा और भि जादा बढदी जा।

इफिसुस 2:10

अरे, यू सब त इलै ह्‍वे किलैकि हम सभ्यों तैं परमेस्वर न यीशु मसीह मा नयू बणै। अर वेन हमतै इलै बणै ताकि हम सब यीशु का दगड़ा मा मिली के ऊ अच्छा काम कैरी सैका, जौं तैं पिता परमेस्वर न पैलि बटि हम खुणि तयार कैरिके रख्युं च।

गलातियों 6:17

अब आखिरी मा मि तुमकु इन ही बोन्‍न चान्दु कि, “कुई भि गळत शिक्षा को परचार कैरिके मितैं और जादा दुख नि द्‍या। किलैकि मेरा सरील पर जु घौ छिन वां से इन पता चलदु कि मि यीशु मसीह को छौं।”

गलातियों 5:12

अर भलु त यू ही च कि जु लोग तुमतै खतना का रिवाज तैं पूरु करणु खुणि सिखौणा छिन और परेसान कना छिन, वु खुद ही नपुंसक बणि जा।

गलातियों 1:7

पर मि तुमतै बतै देन्दु कि पिता परमेस्वर को कुई दुसरो समाचार छैई नि च, अर सच्‍चि बात त या च कि कुछ लोग तुमतै भरमौणा छिन, अर इन कैरिके वु लोग मसीह का शुभ समाचार तैं ही बदलण चाणा छिन।

2 कुरिन्थि 9:8

अर पिता परमेस्वर तुमतै हरेक चीज दे सकदु च ज्यां कि तुमतै जरुरत च। अर इन वु इलै करलु, ताकि तुम और भि जादा दिल खोली के दे सैका अर भलै का काम तुमरा द्‍वारा और भि जादा किये जा।

मरकुस 14:6

अर यीशु न बोलि, “तुम ईं जनानि तैं किलै सतौणा छाँ, वींकू कुछ नि बोला? किलैकि वींन त मि खुणि एक भलु काम ही कैरी।

1 पतरस 2:12

हे मेरा दगड़्यों, यीशु मसीह पर बिस्वास नि करण वळा लोगु का बीच मा तुमरो चाल-चलन भलु हो, ताकि जौं-जौं बातों मा वु तुमरा खिलाप मा जैके तुमरि बुरै करदिन, वु लोग ही तुमरा भला कामों तैं देखि के प्रभु का औणा वळा दिन पर परमेस्वर की बडै कैरा।

मत्ती 26:9

अरे यू त भौत मैंगु बिकी सकदु छौ, अर वां से गरीबों की मदद भि किये जै सकदी छै।”

मत्ती 26:11

अर गरीब त हमेसा तुमरा दगड़ा मा रौनदिन, मगर मिन तुमरा दगड़ा हमेसा नि रौण।

लूका 8:49

अर जब यीशु इन बोन्‍नु ही छौ, तबरि याईर जु की प्रार्थना भवन को मुखिया छौ, वेका घौर बटि कुई आदिम ऐ। अर वेन वेकू बोलि, “मुखिया जी, तुमरि नौनि मोरि गै, अब गुरुजी तैं परेसान नि कैरा।”