मत्ती 24:3 - Garhwali

³ अर यू सब होण का बाद जब यीशु जैतून नौ का पाड़ पर बैठयूं छौ, तब चेलों न चुपके से वे बटि पूछी, “गुरुजी, जु बात तुमुन बतैनि वु कब पूरि होलि? अर हमतै इन भि बता कि तुमरा वापस औण को अर ईं दुनियां का विणास को क्या जि चिन्‍न होलु?”

गढवली नयो नियम

³ जब उ जैतून डाला का डांडा पर बैठयां छा त चेलों ल एकुंत मा वेका संमणी ऐ के बोलि, “हम तैं बतौ कि यूं बातों ल कब हूंण? तेरु औणो को अर दुनिया कु अंत को क्य चिन्ह होलो?”

मत्ती 24:3 Referans Kwoze

खास चेलों 1:7

तब वेन ऊंकू बोलि, “वे बगत अर वे समौ का बारा मा जनण तुमरो काम नि च, किलैकि वु सब कुछ पिता न अपणा अधिकार मा रख्युं च।

मत्ती 24:37

अर जन नूह का दिनों मा ह्‍वे छौ, ठिक उन्‍नि मनखि का पुत्र का वापस औण का दिनों मा भि होलु।

मत्ती 13:49

अर दुनियां का अन्त मा भि इन्‍नि होलु, स्वर्गदूत आला अर धरमी लोगु का बीच मा बटि दुष्‍ट मनखियों तैं अलग करला।

लूका 21:7

अर लोगु न वे बटि पूछी, “गुरुजी, यू सब कब होलु? अर जब यू सब होलु, त वे बगत का क्या जि चिन्‍न होला?”

मत्ती 21:1

अर जब यीशु अर वेका चेला यरूशलेम नगर का नजदीक पौंछिनी, त वु जैतून नौ का पाड़ पर बस्यां बैतफगे गौं मा ऐनी, त वेन अपणा दुई चेलों तैं इन बोलि के भेजि कि,

मत्ती 24:39

अर ऊंतैं तबरि तक कुछ पता नि चलि, जबरि तक जल परलय ऊं सभ्यों तैं बुगै के नि लि गै। अर ठिक उन्‍नि मनखि का पुत्र को वापस औण भि अचानक होलु।

मत्ती 24:27

“किलैकि जन बिजली आसमान मा पूरब बटि निकळि के पच्छिम तक चमकदी, ठिक उन्‍नि मनखि का पुत्र को भि औण होलु।

इब्रानी 9:26

अर अगर ज्वा इन बात ही रौन्दी, त यीशु तैं दुनियां की शुरुवात से अभि तक बार-बार दुख उठौण पोड़दु, मगर वेन खुद तैं आखिरी का दिनों मा एक ही बार सदनि खुणि परगट कैरियाली, ताकि अपणा बलिदान का द्‍वारा उ पाप तैं मिटै सैको।

मत्ती 28:20

अर जु आज्ञा मिन तुमतै दिनी, ऊं सब बातों को पालन करण लोगु तैं सीखा, अर याद रखा मि ईं दुनियां का अन्त तक सदनि तुमरा दगड़ा मा छौं।”

मत्ती 17:19

तब चेलों न अकेला मा यीशु का पास ऐके पूछी, “गुरुजी, हमुन वे खबेस तैं किलै नि निकळि सैकी।”

मत्ती 24:43

अर ईं बात तैं अच्छे से समझि ल्या, अगर घौर का मालिक तैं इन पता हो कि राति चोरळ कब औण, त उ उठयूं रालु अर अपणा घौर मा चोरी नि होण द्‍यालु।

मत्ती 15:12

तब यीशु का चेला न वेका पास ऐके बोलि, “गुरुजी, क्या तुमतै पता च कि तुमरा ये वचन की वजै से फरीसी दल का लोग खिरसयां छिन?”

मत्ती 13:36

यीशु वीं भीड़ तैं छोड़ि के घौर चलि गै, अर वेका चेलों न वेका पास ऐके बोलि, “गुरुजी, हमतै पुंगड़ा मा होयां जंगळि ग्यूँ को मतलब समझै द्‍या।”

मत्ती 16:27

किलैकि मनखि को पुत्र अपणा स्वर्गदूतों का दगड़ा अर अपणा पिता की सामर्थ मा वापस औण वळु च, अर वे बगत ‘उ हरेक मनखि तैं वेका कामों का मुताबिक बदला मा ऊंतैं द्‍यालु।’

मत्ती 16:28

मि तुम बटि सच्‍च बोन्‍नु छौं कि जथगा लोग इख खड़ा छिन, ऊंमा बटि कुछ इन्द्रया भि छिन, जु कि तब तक नि मुरला जब तक की वु मनखि का पुत्र तैं वेका राज का दगड़ा मा औन्द देखि नि द्‍याला।”

मत्ती 24:30

अर मनखि का पुत्र को औण को चिन्‍न आसमान मा दिख्यालु, तब धरती का सब जाति का लोग भौत दुखी ह्‍वेके रुंण लगि जाला। अर लोग मनखि का पुत्र तैं बादळों मा अपणी बड़ी ताकत अर बड़ा आदर-सम्मान का साथ मा औन्द दिखला।