मत्ती 2:9 - Garhwali

⁹ अर राजा की या बात सुणी के ऊ चलि गैनी, अर जु गैंणु ऊंन पूरब दिसा मा देखि छौ, उ ऊंका अगनै-अगनै चलि, अर वीं जगा का मथि पौंछी के रुकी गै जख उ बच्‍चा छौ।

गढवली नयो नियम

⁹ उ राजा कि बात सूंणि के चलि गैनी अर जु गैंणो ऊंल पूर्व मा देखि छो उ ऊंका अगनैं-अगनैं चलि अर जख उ बच्चा छो वीं जगह का मथि पौंछि के ठैरिगे।

मत्ती 2:9 Referans Kwoze

मत्ती 2:2

अर पूछण लगि गैनी कि, “यहूदियों को राजा जैको जनम ह्‍वे, उ कख च? किलैकि हमुन वेको गैंणु देखि। अर हम वेकी भक्‍ति करणु कू अयां छां।”

2 पतरस 1:19

अर इन कैरिके भविष्यबाणी का जु वचन हमरा पास छिन, ऊं पर भि छाप लगये गै। अर तुम ऊं वचनों पर अपणु मन लगै के अच्छु काम कना छाँ, किलैकि जब तक सुबेर नि होन्दी, तब तक सूरज नि निकळदु, अर यू वचन वे जळ्दा द्‍यू का जन च जु अन्धेरा मा चमकदु, याने कि जु आज तुमरा दिलों मा चमकणु च।

मत्ती 2:8

तब वेन जोतिसों तैं इन बोलि के बैतलहम गौं मा भेजि कि, “जा, अर वे नौना का बारा मा अच्छी तरौं से पता लगावा। अर जब उ तुमतै मिली जालु, त ऐके मितैं खबर दे दियां, ताकि मि भि ऐके वेकी भक्‍ति कैरी सैकु।”

मत्ती 2:10

अर जब ऊंन वे गैंणा तैं उख रुकद देखि, त ऊंकी खुशी को कुई ठिकाणु नि रै।