मत्ती 2:2 - Garhwali

² अर पूछण लगि गैनी कि, “यहूदियों को राजा जैको जनम ह्‍वे, उ कख च? किलैकि हमुन वेको गैंणु देखि। अर हम वेकी भक्‍ति करणु कू अयां छां।”

गढवली नयो नियम

² कि, “यहूदियों कु राजा जै को जन्म हवे उ कख च? किलैकि हम ल पूरब दिशा मा वेका जन्म का बारा मा आराधना कन वलो गैंणो देखि अर वे तैं प्रणाम कनु कु अयां छा।”

मत्ती 2:2 Referans Kwoze

दिब्य दरस 22:16

“मि यीशु छौं, अर यू सब बात तुमतै बतौणु खुणि मिन अपणु स्वर्गदूत भेजि, ताकि बिस्वासी समुदाय का लोगु को भलु हो। मि राजा दाऊद का वंश मदि छौं, अर सुबेर को चमकण वळु गैंणो भि मि ही छौं जु कि एक नया दिन को चिन्‍न च।”

यूहन्ना 18:37

तब पिलातुस न यीशु तैं पूछी, “त क्या फिर तू राजा छैई?” वेन जबाब देई, “तुम ठिक ही बोन्‍ना छाँ, कि मि राजा छौं, अर मि त इलै ही जनमियूं अर ईं दुनियां मा मि इलै अयूं, कि सच्‍चै का बारा मा लोगु तैं बतौ। अर हरेक जु सच्‍चै का छिन, ऊ मेरी आवाज तैं सुणदिन।”

इब्रानी 1:6

अर फिर जब पिता परमेस्वर अपणा इकलौता पुत्र तैं ईं दुनियां मा भेजण वळु छौ, त वेका बारा मा उ इन बुल्दु कि, “मेरा सब स्वर्गदूत वेकी भक्‍ति कैरा।”

लूका 23:38

अर यीशु की क्रूस का मथि एक पाटि पर वेका कियां अपराध तैं लिख्यूं छौ कि, “यू यहूदियों को राजा च।”

लूका 23:3

तब पिलातुस न यीशु बटि पूछी, “क्या तू यहूदियों को राजा छैई?” वेन वेकू बोलि, “तुम अफि बोन्‍ना छाँ”

यूहन्ना 5:23

किलैकि जन लोग पिता को आदर करदिन, ठिक उन्‍नि ऊ पुत्र को भि आदर कैरा। जु पुत्र को आदर नि करदु, उ पिता को भि आदर नि करदु, जैन वेतैं भेजि च।”

यूहन्ना 1:49

अर नतनएल न वेकू बोलि, “गुरुजी, तुम परमेस्वर का नौना छाँ अर तुम ही इस्राएल का राजा छाँ”

लूका 19:38

“धन्य च उ राजा जु प्रभु का नौ से औन्दु, अर स्वर्ग मा शान्ति, अर सबसे महान परमेस्वर की बडै हो।”

लूका 2:11

अर वु इन च कि आज राजा दाऊद का नगर मा तुम खुणि छुटकारा देण वळा को जनम होयुं च, अर उई मसीह प्रभु च।

यूहन्ना 9:38

तब वेन बोलि, “प्रभु, मि बिस्वास करदु छौं।” अर वेका खुटों मा हाथ जोड़ी के पोड़ि गै।

यूहन्ना 19:19

अर पिलातुस न एक पाटि मा यीशु का कियां अपराध तैं लिख्वे के क्रूस का मथि लगवै दिनी। अर वे पर इन लिख्यूं छौ, “नासरत को यीशु, यहूदियों को राजा।”

यूहन्ना 12:13

तब ऊ लोग स्वागत करणु कू खजूर की फौंक्यों तैं हाथ मा लेके वेतैं मिलणु कू गैनी। अर ऊ जोर-जोर से बोन्‍न लगि गैनी, “होसन्‍ना, धन्य च उ जु प्रभु का नौ से औन्दु, उई इस्राएल को राजा च।”

मत्ती 27:11

अर जब यीशु तैं रोमी गवर्नर पिलातुस का समणि लये गै, त वेन वेसे पूछी, “क्या तू यहूदियों को राजा छैई?” यीशु न वेतैं जबाब दिनी, “तुम अफि बोन्‍ना छाँ।”

यूहन्ना 20:28

तब थोमा न वेकू बोलि, “मेरा प्रभु, मेरा परमेस्वर।”

मत्ती 21:5

“सिय्योन की नौनि कू बोला, ‘देख तेरु राजा तेरा पास औणु च, अर वु दीन च, अर गधा पर, बल्किन मा गधी का बच्‍चा पर बैठयूं च।’”

मत्ती 2:3

अर यू सुणी के राजा हेरोदेस अर यरूशलेम नगर का सब लोग घबरै गैनी।