मत्ती 19:3 - Garhwali

³ तब फरीसी दल का लोग यीशु की अजमैस करणु खुणि वेका पास ऐनी अर ऊंन वेकू बोलि, “क्या या बात ठिक च, कि कुई भि मनखि अपणी जनानि तैं कैं भि वजै से तलाक दे सकदु?”

गढवली नयो नियम

³ तब फरीसियों ल वेकी अजमैश कनु कु वेमा पूछि, क्य मूसा की व्यवस्था मा एक आदिम तैं अपड़ी घरवलि तैं छुड़णै की अनुमति छैं?

मत्ती 19:3 Referans Kwoze

मरकुस 10:2

तब कुछ फरीसी दल का लोग यीशु का पास ऐनी, अर ऊंन वेतैं अपणी बात मा फसौणु खुणि वेसे पूछी, “क्या या बात नियम का मुताबिक ठिक च, कि कुई भि मनखि अपणी जनानि तैं तलाक दे सकदु?”

इब्रानी 3:9

अर वे बगत मा ऊंन मेरा सबर तैं अजमौणु खुणि बार-बार मितैं भकलौण की कोसिस कैरी। अर यू त वु लोग छा जौन चालीस सालो तक मेरा द्‍वारा कियां कामों तैं देखि छौ।

यूहन्ना 8:6

ऊंन वेतैं अजमौणु कू या बात बोलि, ताकि यीशु पर इळजाम लगै सैका। पर यीशु मूड़ी-झुकि के अपणा अंगुळळ भ्वीं मा कुछ लिखण लगि गै।

मरकुस 12:15

पर यीशु ऊंका मन का कपट तैं जाणि गै इलै वेन ऊंकू बोलि, “तुम मितैं किलै अजमौणा छाँ? मेरा पास चांदी को एक सिक्‍का ला, अर मितैं दिखा।”

मरकुस 12:13

तब यहूदियों का मुख्य लोगु न यीशु तैं वेकी ही बातों मा फसौंणु खुणि अपणा कुछ फरीसी दल का लोगु तैं, अर राजा हेरोदेस का कुछ लोगु तैं वेका पास भेजि।

मत्ती 22:35

तब ऊंमा बटि एक मनखि जैतैं यहूदी नियम-कानूनों को भौत अच्छु ज्ञान छौ वेन यीशु तैं अजमौणु खुणि वेसे पूछी,

मत्ती 16:1

एक दिन फरीसी अर सदूकी दल का लोगु न यीशु का पास ऐके वेकी अजमैस करण का खातिर वेकू बोलि, “हमतै स्वर्ग मा बटि कुई चमत्कारिक चिन्‍न दिखौ।”

1 कुरिन्थि 7:10

अर जौं को ब्यौ ह्‍वे गै ऊंकू मि बुल्दु, कि प्रभु तुमतै आज्ञा देन्दु कि एक जनानि तैं अपणा पति तैं तलाक नि देण चयेणु।