मत्ती 18:3 - Garhwali

³ “मि तुम बटि सच्‍चि बोन्‍नु छौं कि जबरि तक तुम खुद तैं बदलि के एक बच्‍चा का सभौ का जन नि बणि जैल्या, तबरि तक तुम स्वर्ग का राज मा नि जै सकद्‍यां।

गढवली नयो नियम

³ अर बोलि, “मि तुम मा सच बुल्ण छौं कि तुम मनों तैं फिरैल्या अर बच्चों का जन बंणिल्या तब तुम ल स्वर्ग का राज्य मा जै सकण।”

मत्ती 18:3 Referans Kwoze

1 पतरस 2:2

अर अब तुम जाणि ग्यां कि पिता परमेस्वर भलु च, इलै जन पैदा होयुं एक बच्‍चा तैं दूद पीण की इच्छा होन्दी, ठिक उन्‍नि तुम लोगु तैं भि पिता परमेस्वर का वचन तैं हरेक दिन स्वीकार करण की इच्छा रखण चयेणी, ताकि तुम लोग बचि जा अर वेमा बढदी जा।

मत्ती 19:14

पर यीशु न बोलि, “बच्‍चों तैं मि मू औण द्‍या, ऊंतैं रोका ना, किलैकि परमेस्वर को राज ऊं लोगु को ही च जौं को जीवन यों बच्‍चों की तरौं च।”

1 कुरिन्थि 14:20

हे मेरा भै-बैंणो, तुम अपणी सोच तैं छुटा बच्‍चों की तरौं नि बणा, बल्किन मा समझदार बणा। अर अगर जु तुम बच्‍चों की तरौं ही बणण चन्द्‍यां, त बुरै खुणि बणा। अर या बात मि इलै बोन्‍नु छौं, किलैकि बच्‍चा कै की बुरै का बारा मा नि सोचदिन। अर जख तक पिता परमेस्वर की खासियत का बारा मा बात च, त तुम लोग स्यांणा लोगु की तरौं सोच रखा।

यूहन्ना 3:5

अर यीशु न बोलि, “मि तुम से सच्‍चि बोन्‍नु छौं, कि जबरि तक कुई मनखि पाणि अर पवित्र आत्मा से जनम नि ल्यालु, तबरि तक उ परमेस्वर का राज मा दाखिल नि ह्‍वे सकदु।

यूहन्ना 3:3

तब यीशु न वेतैं जबाब देई, “मि तुम से सच्‍चि बोन्‍नु छौं, जबरि तक कुई नई रीति बटि जनम नि ल्यालु, तबरि तक कुई भि परमेस्वर का राज तैं देखि नि सकदु।”

लूका 13:24

यीशु न बोलि, “संगड़ा द्‍वार बटि जाणे की पूरि कोसिस कैरा, किलैकि मि तुमतै बतै देन्दु कि भौत सरा लोग भितर जाण चाला पर नि जै सकला।

खास चेलों 3:19

इलै अपणा पापों से पस्ताप कैरा, अर परमेस्वर का पास वापिस ऐ जा, ताकि तुमरा पाप पूरि तरौं से माफ ह्‍वे जा,

खास चेलों 28:27

किलैकि यों लोगु को मन निठुर ह्‍वे गै, अर वु अपणा कन्दूड़ो न सुनण नि चनदिन, अर ऊंन अपणा आंख्यों तैं बन्द कैरियाली, ताकि इन नि हो कि वु अपणा आंख्यों न देखा अर कन्दूड़ो न सुणा, अर अपणा मन मा समझा, अर अपणा-अपणा पापों बटि पस्ताप कैरा, अर मि ऊंतैं खूब कैरी द्‍यो।’

यूहन्ना 1:51

अर यीशु न वेकू यू भि बोलि, “मि तुम लोगु बटि सच्‍चि ही बोन्‍नु छौं, कि तुम स्वर्ग तैं खुल्यूं अर परमेस्वर का स्वर्गदूतों तैं उब जान्द अर जख मनखि को पुत्र, याने मि छौं, उख उतरद दिखल्या।”

मत्ती 5:20

अर मि तुमतै बतै देन्दु, कि अगर जु तुम परमेस्वर की नजर मा धरमी जीवन जीण को काम, शास्‍त्री अर फरीसी दल का लोगु से जादा नि करिल्या, त तुम परमेस्वर का राज मा नि जै सकद्‍यां।’”

लूका 22:32

पर मिन त्वे खुणि बिन्ती कैरियाली कि तेरु बिस्वास खतम नि हो, अर जब त्वेतै चेत आली, तब तू अपणा भैयों का बिस्वास तैं मजबूत करली।”

मरकुस 4:12

ताकि पवित्रशास्‍त्र की वा बात पूरि हो ज्वा की इन च कि, “वु लोग देखि के भि देखि नि सैका, अर सुणी के भि समझि नि सैका, कखि इन नि हो कि वु अपणा पापों बटि पस्ताप कैरा, अर ऊंतैं माफी दिये जौ।”

2 पतरस 1:11

अर इन कैरिके तुम हमरा पिता परमेस्वर अर बचौण वळा यीशु मसीह का राज्य मा जै सकिल्या जु कि सदनि को च, अर यां को तुमतै पूरु अधिकार दिये जालु।

खास चेलों 14:22

अर बिस्वासी लोगु तैं ऊंका बिस्वास मा मजबूत कैरी, अर बिस्वास मा बणयूं रौणु खुणि ऊंकी हिम्मत भि बढै अर ऊंन ऊंकू बोलि, “हमतै बड़ु दुख झेली के परमेस्वर का राज मा जाणु पोड़लु।”

मत्ती 19:23

तब यीशु न अपणा चेलों कू बोलि, “मि तुम बटि सच्‍च बोन्‍नु छौं, कि एक सेठ मनखि को परमेस्वर का राज मा दाखिल होण भौत कठिन च।

मत्ती 13:15

किलैकि यों लोगु को मन निठुर ह्‍वे गैनी, अर ऊ कन्दूड़ कम सुणदिन, अर ऊंन अपणा आंख्यों तैं बन्द कैरियाली, ताकि इन नि हो कि वु अपणा आंख्यों न देखा अर कन्दूड़ो न सुणा, अर अपणा मन मा बिंगा, अर अपणा-अपणा पापों बटि पस्ताप कैरा, अर मि ऊंतैं माफ कैरी द्‍यो।’”

मत्ती 6:16

अर यीशु न भीड़ का लोगु कू इन भि बोलि कि, “जब तुम उपवास रखिल्या, त ढोंगि लोगु की तरौं तुमरा मुख पर उदासी नि हो, किलैकि ऊ अपणु मुख इन्द्रयो इलै बणै के रखदिन, ताकि लोग समझि जा कि ऊंको उपवास रख्युं च। पर मि तुम बटि सच्‍चि बोन्‍नु छौ, कि लोगु बटि त ऊंतैं आदर-सम्मान मिली गै, मगर पिता परमेस्वर बटि ऊंतैं कुछ इनाम नि मिलण।

मत्ती 6:5

“अर जब तुम प्रार्थना करद्‍यां, त ढोंगि लोगु की तरौं नि कर्यां, किलैकि यू लोग दुसरा लोगु तैं दिखाण का बाना प्रार्थना भवनों मा, अर बजारों का कुणों-काणों पर खड़ु ह्‍वेके प्रार्थना करदिन, अर इन करण ऊंतैं अच्छु लगदु। पर मि तुम बटि सच्‍चि बोन्‍नु छौं, कि ऊंतैं यां को इनाम मिली गै।

मत्ती 6:2

इलै जब तू कै गरीब तैं दान-दकछिणा दिली, त यां को ढिनडोरु नि मचै जन कि प्रार्थना भवन अर बाटों मा ढोंगि लोग अपणु ढिनडोरु मचौन्दिन, ताकि दुसरा लोगु बटि ऊंतैं पूरु आदर-सम्मान मिलु। पर मि तुमतै बतै देन्दु, कि सच्‍चि बात या च कि इन्द्रया लोगु तैं दुसरा लोगु बटि पूरु आदर-सम्मान त मिली गै, मगर परमेस्वर बटि ऊंतैं कुछ इनाम नि मिलण।

मत्ती 5:18

अर मि तुम बटि सच्‍चि बोन्‍नु छौं कि जब तक या धरती अर आसमान च, तब तक परमेस्वर का नियम-कानूनों न खतम नि होण, अर वेमा लिखीं हरेक छुटी से छुटी बात भि पक्‍की तरौं से पूरि होलि।

मत्ती 18:2

तब वेन एक बच्‍चा तैं अपणा पास बुलै के ऊंका बीच मा खड़ु कैरी। अर बोलि,

मत्ती 18:4

अर जु कुई अफ तैं ये बच्‍चा का जन नमर सभौ को बणालु, वु परमेस्वर का राज मा सबसे खास होलु।