मत्ती 14:3 - Garhwali

^3-4 अर यू उई हेरोदेस च, जैन अपणा भै फिलिप्पुस की घरवळी हेरोदियास का दगड़ा मा ब्यौ कैरियाली छौ। अर यूहन्‍ना न वेतैं कई दौं चितै के बोलि छौ कि तू अपणी भै कि घरवळी तैं रखणी छैई, जु कि नियम-कानून का खिलाप मा च, अर या बात त्वे खुणि ठिक नि च। इलै हेरोदियास का बोन्‍न पर राजा हेरोदेस न यूहन्‍ना तैं संगुळों मा बन्धी बणै के जेलखाना मा डलवै दिनी।

गढवली नयो नियम

³ किलैकि हेरोदेस ल अपड़ा भैय फिलिप्पुस की जनन हेरोदियास का बानौं से यूहन्ना तैं पकड़ी के बंधि अर जेल मा डालवै छो।

मत्ती 14:3 Referans Kwoze

मरकुस 6:17

अर हेरोदेस अन्तिपास न अपणा भै फिलिप्पुस की घरवळी का दगड़ा मा ब्यौ कैरियाली छौ, जिं को नौ हेरोदियास छौ। अर यूहन्‍ना वेकू इन बुल्दु छौ कि, “हेरोदेस अपणा भै कि घरवळी तैं रखण त्वे खुणि खूब नि च।” इलै हेरोदेस अन्तिपास न लोगु तैं यूहन्‍ना का पास भेजि के वेतैं जेलखाना मा डलवै दिनी। अर यू सब वेन हेरोदियास का बुलयां पर कैरी छौ।

मत्ती 4:12

अर जब वेन सुणी की यूहन्‍ना तैं बन्धी बणयै गै, तब यीशु वापस गलील मुलक कू चलि गै।

मरकुस 6:22

अर हेरोदियास की नौनि भितर ऐ, अर दावत मा इन नाची कि हेरोदेस अन्तिपास अर वेका दगड़ा उख बैठयां लोग भौत खुश ह्‍वे गैनी। तब राजा न वीं नौनि कू बोलि, “जु कुछ भि तू मंगली मि त्वेतै द्‍यूलु।”

मरकुस 6:19

हेरोदियास त यूहन्‍ना से भौत खार खान्दी छै, अर वा चान्दी छै कि वा यूहन्‍ना तैं जान से मरवै द्‍यो, मगर वींन इन नि कैरी सैकी।

मत्ती 11:2

मगर जब यूहन्‍ना बपतिस्मा देण वळा न जेलखाना मा यीशु मसीह का कामों का बारा मा सुणी, तब वेन अपणा चेलों तैं वेका पास या बात पूछण कू भेजि कि,

लूका 13:1

अर जब यीशु न यू सब बात बोलि दिनी कि उबरि उख कुछ लोग ऐनी, अर यीशु तैं ऊं गलीली लोगु का बारा मा बतौण लगि गैनी जौं तैं रोमी गवर्नर पिलातुस न मन्दिर मा बलिदान चड़ौण का बगत पर मरवेयलि छौ।

मत्ती 14:6

पर जब हेरोदेस अन्तिपास को जनम दिन ऐ, त हेरोदियास कि नौनि न दावत मा नाची के हेरोदेस तैं खुश कैरी दिनी।

मरकुस 6:14

राजा हेरोदेस अन्तिपास तक या चर्चा पौंछी गै, कि यीशु को नौ भौत जादा फैली गै। अर लोग बोन्‍ना छिन कि, “यूहन्‍ना बपतिस्मा देण वळु मुरदो मा बटि ज्यून्दु ह्‍वे गै, इलै वेका द्‍वारा अब यू सामर्थ का काम किये जाणा छिन।”

मरकुस 8:15

वेन ऊंतैं चितै के बोलि, “सुणा, फरीसी दल का लोगु अर हेरोदेस अन्तिपास का खमीर से बचि के रा।”

लूका 3:1

जौं दिनों मा महाराजा तिबिरियुस रोम को महाराजा छौ, वेका राज का पन्द्रवां साल मा यहूदिया मुलक को गवर्नर पुन्तियुस पिलातुस छौ, अर गलील मुलक पर सासन करण वळु हेरोदेस अन्तिपास छौ। अर वेकू भै फिलिप्पुस को सासन इतूरैया मुलक पर अर त्रखोनीतिस मुलक पर छौ। अर अबिलेने मुलक पर लिसानियास सासन करण वळु छौ।

लूका 8:3

अर ऊं मदि योअन्‍ना, ज्वा कि हेरोदेस अन्तिपास का घौर का कर्ता-धर्ता खुजा की घरवळी छै, अर वींका दगड़ा मा सूसन्‍नाह अर भौत सि जनानियां भि छै। अर यू सब अपणी धन-दौलत बटि यीशु अर वेका चेलों की मदद करदी छै।

लूका 13:31

अर उबरि फरीसी दल का कुछ लोगु न यीशु का पास ऐके बोलि, “गुरुजी, इख बटि चलि जा, किलैकि हेरोदेस अन्तिपास तुमतै मरण चाणु च।”

लूका 23:7

अर ऊं दिनों मा हेरोदेस अन्तिपास यरूशलेम नगर मा अयूं छौ, अर यू गलील मुलक पर सासन करण वळु छौ। अर जब पिलातुस तैं इन पता चलि गै, कि यीशु गलील मुलक को च त पिलातुस न यीशु तैं वेका पास भेजि दिनी।

लूका 23:11

तब हेरोदेस अन्तिपास न भि अपणा सिपयों का दगड़ा मा यीशु को अपमान कैरिके वेको मजाक उड़ै, अर चटकिलु कपड़ा पैरै के वेतैं पिलातुस का पास वापिस भेजि दिनी।

खास चेलों 4:27

“अर सच्‍चि मा इन्‍नि ह्‍वे कि राजा हेरोदेस अन्तिपास अर गवर्नर पुन्तियुस पिलातुस न भि इस्राएली लोगु अर ऊं लोगु का दगड़ा मा मिली के जु यहूदी जाति का नि छां, तुमरा पवित्र सेवक यीशु मसीह का खिलाप ये नगर मा इकट्‍ठा ह्‍वेनि, जैतैं तुमुन चुण्यूं छौ।

खास चेलों 12:1

अर ऊं दिनों मा राजा हेरोदेस अग्रिप्पा न बिस्वासी समुदाय का कुछ लोगु तैं सतौण खुणि ऊंतैं जेलखाना मा डलण शुरु कैरी दिनी।