मत्ती 10:5 - Garhwali

⁵ अर यीशु न यों बारह चेलों तैं इन आज्ञा देके भेजि कि, “ऊं लोगु का बीच मा नि जयां जु यहूदी जाति का नि छिन, अर ना ही सामरी लोगु का नगर मा जयां।

गढवली नयो नियम

⁵ यीशु ल बारह चेलों तैं पैली ही इन आज्ञा दे के भेजि, “अन्यजातियों कि तरपां नि ज्यां अर सामरी जाति मा नि ज्यां।”

मत्ती 10:5 Referans Kwoze

यूहन्ना 4:9

तब वीं सामरी जाति की जनानि न यीशु कू बोलि, “तुम त यहूदी छाँ अर मि सामरी जनानि छौं, त तुम मि बटि पाणि कनकै मांगि सकद्‍यां?” (किलैकि यहूदी लोग, सामरियों का दगड़ा मा कै भि तरीके को ब्यौहार नि रखदिन)।

1 थिस्सलुनीकी 2:16

किलैकि यू लोग हमतै ऊं लोगु का बीच मा शुभ समाचार को परचार करण से रुकदिन जु यहूदी जाति का नि छिन। अर इन वु इलै करदिन, कखि ऊंतैं भि बचयै नि जौ, पर इन कैरिके विरोध करण वळा वु लोग न्याय का दिन पर अफु खुणि पाप को घौडु भोरी देन्दिन। मगर ऊं लोगु पर परमेस्वर को खतरनाक गुस्सा दण्ड रुप मा ऐ गै।

लूका 17:16

अर यीशु का खुटों मा हाथ जोड़ी के पोड़ि गै, अर वेको धन्यवाद करण लगि गै। अर उ एक सामरी जाति को आदिम छौ।

खास चेलों 10:45

अर खतना कियां बिस्वासी लोग जु कि पतरस का दगड़ा मा अयां छा ऊंन देखि, कि जु लोग यहूदी जाति का नि छिन ऊंतैं भि पवित्र आत्मा को दान दिल खोली के दिये गै। अर यू देखि के वु लोग हकदक ह्‍वे गैनी।

लूका 9:2

अर वेन ऊंतैं परमेस्वर का राज को परचार करणु कू अर बिमारों तैं खूब करणु कू भेजि।

खास चेलों 1:8

अर जब तुम पवित्र आत्मा तैं पैल्या, त तुमतै सामर्थ मिलेली तब तुम यरूशलेम नगर मा अर पूरा यहूदिया अर सामरिया का मुलकों मा, इख तक की पूरि दुनियां मा तुम मेरा गवा बणि जैल्या।”

यूहन्ना 20:21

अर यीशु न ऊंकू फिर से बोलि, “तुमतै शान्ति मिलु। अर जन पिता न मितैं भेजि, उन्‍नि मि भि तुमतै भेजदु छौं।”

यूहन्ना 7:35

तब यहूदी आपस मा बुलण लगि गैनी कि, “यू मनखि कख जाण वळु च, कि यू हमतै नि मिललु? क्या यू ऊं यहूदी लोगु का बीच मा जालु जु तितर-बितर ह्‍वेके रौणा छिन, अर ऊंका बीच मा जैके ऊं लोगु तैं उपदेस द्‍यालु जु यहूदी जाति का नि छिन?

यूहन्ना 4:5

अर उ सामरिया मुलक का सुखार नौ का एक नगर मा ऐ। अर उ नगर वीं जमीन का नजदीक छौ, ज्वा याकूब न अपणा नौना यूसुफ तैं दे छै।

लूका 10:33

“अर एक सामरी मनखि भि वे बाटा बटि ऐ, अर जब वेन ये मनखि तैं देखि त वेका मन मा बड़ु तरस ऐ।

मत्ती 4:15

“जु लोग गलील झील का किनरा जबूलून अर नप्‍ताली का मुलकों मा रौनदिन, इख तक कि जु लोग गलील इलाका मा रौण वळा लोगु का बीच मा रौनदिन, जु कि यहूदी जाति का नि छिन। ऊंकू मि इन बुल्दु कि,

खास चेलों 8:1

अर यू ज्वान शाऊल भि स्तिफनुस की हत्या मा राजी छौ। तब कुछ भक्‍त लोगु न ऐके स्तिफनुस तैं कबर मा दफनै दिनी, अर वेका बानो बड़ु मातम कैरी। अर वे दिन बटि ही यरूशलेम नगर का बिस्वासी समुदाय पर बड़ु सतौ औण लगि गै, अर खास चेलों का अलावा सब बिस्वासी लोग यहूदिया अर सामरिया का मुलक मा तितर-बितर ह्‍वे गैनी।

यूहन्ना 8:48

तब यों बातों तैं सुणी के यहूदियों न यीशु कू बोलि, “क्या हम ठिक नि बुल्द्‍यां कि तू सामरी छैई, अर त्वे पर खबेस लग्यूं च?”

यूहन्ना 4:20

अर हमरा पितरों न ये ढौंडा पर परमेस्वर की भक्‍ति कैरी, अर तुम लोग बुल्द्‍यां कि यरूशलेम नगर ही इन जगा च, जख परमेस्वर की भक्‍ति करण चयेणी।”

लूका 10:1

अर यों सब बातों का बाद प्रभु यीशु न और सत्तर लोगु तैं चुणी, अर ऊंतैं दुई-दे कैरिके अपणा अगनै हर वे नगर अर वीं जगा भेजि, जख यीशु जाण चान्दु छौ।

मत्ती 22:3

अर वेन न्यूत्यां लोगु तैं ब्यौ की दावत मा बुलाणु खुणि अपणा नौकरों तैं भेजि, मगर न्यूतेर लोग औण नि चाणा छा।

मरकुस 6:7

तब यीशु न बारह चेलों तैं अपणा पास बुलै, अर ऊंतैं दुई-दे कैरिके भेजि। अर वेन ऊंतैं खबेसों तैं निकळणु को अधिकार दिनी।

लूका 9:1

तब यीशु न बारह चेलों तैं एक साथ बुलै, अर ऊंतैं सब खबेसों तैं निकळणु को अर बिमारियों तैं खूब करण की सामर्थ अर अधिकार दिनी।

यूहन्ना 17:18

अर जन तुमुन मितैं ईं दुनियां मा भेजि, ठिक उन्‍नि मिन भि ऊंतैं ईं दुनियां मा भेजदु छौं।