मत्ती 10:1 - Garhwali

¹ अर यीशु न अपणा बारह चेलों तैं अपणा पास बुलै अर ऊंतैं मनखियों मा बटि खबेसों तैं निकळण को, अर सब किसमे बिमारियों तैं अर हरेक कमजोरियों तैं दूर करण को अधिकार दिनी।

गढवली नयो नियम

¹ फिर यीशु ल बारह चेलों तैं अफ मा बुलै के अर ऊं तैं दुष्टात्मा तैं निकलण को अधिकार दींनि की उ सब प्रकार की बिमारियों अर सब प्रकार की कमजोरियों तैं दूर कैरो।

मत्ती 10:1 Referans Kwoze

लूका 10:19

अर सुणा, जन लोग गुरौ अर बिच्छीयों तैं खुटों तौळ पितेड़ देन्दी, ठिक उन्‍नि मि भि तुमतै दुसमन की पूरि ताकत पर अधिकार देन्दु। अर कै भि चीज से तुमतै नुकसान नि होलु।

लूका 24:49

अर सुणा, पिता का वे करार का मुताबिक मि वेतैं तुम पास भेजलु, अर जबरि तक वा ताकत तुमतै स्वर्ग बटि नि मिली जौ, तबरि तक तुम यरूशलेम नगर मा ही रयां।”

खास चेलों 1:8

अर जब तुम पवित्र आत्मा तैं पैल्या, त तुमतै सामर्थ मिलेली तब तुम यरूशलेम नगर मा अर पूरा यहूदिया अर सामरिया का मुलकों मा, इख तक की पूरि दुनियां मा तुम मेरा गवा बणि जैल्या।”

यूहन्ना 3:27

तब यूहन्‍ना न बोलि, “जबरि तक मनखि तैं परमेस्वर की तरफा बटि नि दिये जौ, तबरि तक उ कुछ नि पै सकदु।

लूका 6:13

अर जब सुबेर ह्‍वे, त वेन अपणा चेलों तैं बुलै। अर ऊंमा बटि बारह लोगु तैं चुणी, अर ऊंकू खास चेला बोलि।

लूका 21:15

किलैकि मि तुमतै इन्दरि अकल अर बुलणु खुणि इन शब्द द्‍यूलु, कि तुमरा सब बैरी तुमरि बातों को मुकाबला नि कैरी सकला, अर ना ही तुमरि बात को विरोध कैरी सकला।

खास चेलों 19:15

त खबेस न ऊं बटि बोलि, “यीशु अर पौलुस तैं मि जणदु छौं, मगर तुम कु छाँ?”

यूहन्ना 17:2

किलैकि तुमुन मितैं सभि मनखियों पर अधिकार दियूं च, ताकि जु लोग तुमुन मि मा सौंप्यां छिन, ऊं लोगु तैं मि सदनि को जीवन दे सैकु।

यूहन्ना 6:70

तब यीशु न ऊंतैं जबाब देई, “क्या मिन तुम बारह तैं नि चुणी? तभि भि तुम मा बटि एक मनखि शैतान च।”

यूहन्ना 3:35

अर पिता अपणा पुत्र से प्यार करदु, अर वेन सब कुछ वेका हाथों मा सौंप्याली।

दिब्य दरस 12:1

अर फिर स्वर्ग मा एक बड़ु चिन्‍न दिखै। एक जनानि जिं को कपड़ा सूरज छौ, अर चाँद वींका खुटों का तौळ छौ, अर वींका मुण्ड़ पर बारह गैंणो को एक मुकुट छौ,

मत्ती 26:47

अर जब यीशु या बात बोन्‍नु ही छौ, कि तबरि यहूदा इस्करियोती उख ऐ गै जु की बारह चेलों मदि एक छौ। अर वेका दगड़ा मा एक बड़ी भीड़ छै, जौं का हाथों मा तलवार अर लाठा छा। अर यू लोग मुख्य पुरोहितों अर यहूदी अध्यक्षों का द्‍वारा भिजे गै छा।

मत्ती 26:20

अर जब रुमुक ह्‍वे, त यीशु अपणा बारह चेलों का दगड़ा मा खाणुक खाणु कू बैठि।

मत्ती 19:28

यीशु न ऊंकू बोलि, “मि तुम बटि सच्‍चि बोन्‍नु छौं, कि जब परमेस्वर नयू राज्य बणालु, वे बगत मनखि को पुत्र जु कि अपणा आदर-सम्मान की राजगद्‍दी पर बैठलु, अर तुम जु मेरा पिछनै चलणा छाँ, वे बगत पर तुम बारह राजगद्‍दियों पर बैठि के इस्राएल का बारह गोत्रों को न्याय करिल्या।

मत्ती 6:13

अर शैतान की बातों का द्‍वारा हम भकलै नि जा, बल्किन मा हमतै बुरै से बचै के रखा। [किलैकि तुमरो राज अर तुमरि ताकत, अर तुमरो आदर-सम्मान सदनि तक होन्दी रौ। आमीन।]

मत्ती 4:23

अर यीशु पूरा गलील मुलक मा घूमणु रै। अर यहूदी लोगु का प्रार्थना भवनों मा जैके उपदेस देणु रै, अर परमेस्वर का राज को शुभ समाचार परचार कनु रै। अर उखा लोगु की हरेक किसम की बिमारियों तैं अर कमजोरियों तैं दूर कनु रै।

मत्ती 9:35

अर यीशु वे मुलक का नगरों अर ग्‍वोंऽ मा घूमणु रै, अर उखा प्रार्थना भवनों मा जैके उपदेस देन्दु अर परमेस्वर का राज को शुभ समाचार परचार करदु छौ। अर उखा लोगु की बिमारियों तैं अर सब किसमे कमजोरियों तैं दूर करदु छौ।

मत्ती 9:38

इलै पुंगड़ा का मालिक बटि बिन्ती कैरा कि उ अपणा पुंगड़ों की लवै करणु खुणि मजदूरों तैं भेजि द्‍यो।”