मत्ती 1:5 - Garhwali

⁵ अर सलमोन बटि बोअज को जनम ह्‍वे, अर बोअज की माँ को नौ राहाब छौ, अर बोअज न रूत बटि ब्यौ कैरी, अर ऊंका नौना को नौ ओबेद छौ, अर ओबेद बटि यिशै को जनम ह्‍वे।

गढवली नयो नियम

⁵ सलमोन बोआज कु बुबा अर रहाब वेकी ब्वे छै अर बोआज ओबेद कु बुबा अर रूत वेकी ब्वे छै अर ओबेद बट्टी यिशै पैदा हवे।

मत्ती 1:5 Referans Kwoze

इब्रानी 11:31

अर बिस्वास का द्‍वारा ही राहाब नौ की जनानि ज्वा कि पैलि वेश्या छै नास होण से बचि गै, किलैकि वींन इस्राएली जासूसों तैं अपणा घौर मा छिपै के रखी छौ, मगर यरीहो नगर का दुसरा लोग जु कि परमेस्वर तैं नि मणदा छा, वु सब नास ह्‍वे गैनी।

याकूब 2:25

उन्‍नि राहाब नौ की वेश्या न भि पितर यहोशू का द्‍वारा भेज्यां जासूसों तैं बचौणु खुणि ऊंतैं अपणा घौर मा छिपै छौ, अर फिर दुसरा बाटा बटि ऊंतैं भेजि दिनी। अर इन काम करण का द्‍वारा वा परमेस्वर की नजर मा धरमी ठैरै गै।

लूका 3:32

अर दाऊद यिशै को नौनु छौ, अर यिशै ओबेद को नौनु छौ, अर ओबेद बोअज को नौनु छौ, अर बोअज सलमोन को नौनु छौ, अर सलमोन नहशोन को नौनु छौ।

मत्ती 1:4

अर एराम बटि अम्मीनादाब को जनम ह्‍वे, अर अम्मीनादाब बटि नहशोन को जनम ह्‍वे, अर नहशोन बटि सलमोन को जनम ह्‍वे।

मत्ती 1:6

अर यिशै बटि राजा दाऊद को जनम ह्‍वे, अर दाऊद बटि सुलैमान राजा को जनम ह्‍वे। (अर यू वीं जनानि बटि पैदा ह्‍वे जु पैलि ऊरिय्याह कि घरवळी छै)।