मत्ती 1:19 - Garhwali

¹⁹ अर यूसुफ जु की परमेस्वर की नजर मा एक धरमी मनखि छौ। जब वेतैं इन पता चलि कि वा गरवति च, त वेन अपणा मन मा इन ठाणि दिनी, कि चुपचाप वीं से मांगण तोड़ि द्‍यो। किलैकि उ वींतैं बदनाम नि करण चाणु छौ।

गढवली नयो नियम

¹⁹ अर वीं को मंगेतर यूसुफ जु कि धर्मी आदिम छो अर उ मरियम तैं बदनाम नि कनु चांदु छो अर वेल चुपके से वीं तैं छुड़ण कु विचार कैरी, किलैकि उ ब्यो से पैली ही गर्भवती पये गै जु कि व्यवस्था का विरुद्ध मा छो।

मत्ती 1:19 Referans Kwoze

लूका 2:25

अर यरूशलेम नगर मा शमौन नौ को एक मनखि छौ, जु की धरमी अर भक्‍त छौ। अर उ इस्राएली लोगु का छुटकारा खुणि मसीह को इंतजार कनु छौ, अर पवित्र आत्मा वे पर छौ।

मरकुस 6:20

अर हेरोदेस अन्तिपास यूहन्‍ना बटि डऽरदु छौ किलैकि उ जणदु छौ, कि वु एक धरमी अर पवित्र मनखि च, इलै वु यूहन्‍ना की हिफाजत भि करदु छौ, अर वेकी बातों तैं सुणी के भौत उळझण मा पोड़ि जान्दु छौ, मगर फिर भि राजा वेकी बातों तैं खुशी से सुणदु छौ।

मरकुस 10:4

ऊंन बोलि, “परमेस्वर का रैबर्या मूसा न तलाकनामा लिखी के घरवळी तैं छुड़ण की आज्ञा दिईं च।”

खास चेलों 10:22

तब ऊंन बोलि, “हमतै सुबेदार कुरनेलियुस न इख भेजि, अर वु एक धरमी अर परमेस्वर पर अपणी पूरि सरदा रखण वळु मनखि च, अर यहूदी लोग भि वेकी भौत तारीफ करदिन। अर परमेस्वर का एक पवित्र स्वर्गदूत न कुरनेलियुस तैं बतै कि तुमतै अपणा घौर मा बुलये जौ, ताकि तुमरा द्‍वारा वु उपदेस सुणी सैको।”

खास चेलों 27:39

अर जब सुबेर ह्‍वे, त ऊंतैं समुन्दर को एक छालु दिखै, पर वु वीं जगा तैं पछ्याणी नि सकिनी। अर या जमीन सूखि छै, अर ऊंन इन ठाणि कि वु जाज तैं उखि खड़ु कैर द्‍या।

2 कुरिन्थि 1:15

अर मितैं ईं बात को पूरु यकीन छौ, इलै मिन पैलि तुमरा पास औण कि सोची, ताकि पिता परमेस्वर बटि तुमतै कुई ना कुई आसिरबाद मिली सैको।