मत्ती 1:18 - Garhwali

¹⁸ जब मरियम की मांगण यूसुफ का दगड़ा मा ह्‍वे गै छै, त ऊंका ब्यौ होण से पैलि ही इन पता चलि गै, कि वा परमेस्वर की पवित्र आत्मा की ताकत से गरवति च।

गढवली नयो नियम

¹⁸ यीशु मसीह कु पैदा हूंण से पैली इन हवे कि जब वेकी ब्वे मरियम कि मंगण यूसुफ दगड़ी हवे छै त ऊंका ब्यो हूंण से पैली जब व कुँवारी छै, तब व पवित्र आत्मा कि सामर्थ बट्टी गर्भवती हवे।

मत्ती 1:18 Referans Kwoze

इब्रानी 10:5

इलै जब यीशु मसीह ईं दुनियां मा औण वळु छौ, त वेन अपणा बारा मा इन बोलि जन कि पवित्रशास्‍त्र मा भि लिख्यूं च कि, “हे मेरा परमेस्वर, तुमुन बलिदान अर भेंट नि चै, पर तुमुन मि खुणि एक सरील तयार कैरी।

इब्रानी 7:26

अर यीशु मसीह वु पुरोहित च जैमा कुई कपट नि च अर वु पवित्र अर निरदोष च, अर स्वर्ग मा वेतैं हम सब लोगु से जादा आदर-सम्मान दिये जान्दु, किलैकि वु हम पापि लोगु का जन नि च।

लूका 1:25

अर वींन इन बोलि कि, “प्रभु न यों दिनों मा मि पर अपणी बड़ी किरपा कैरी, अर यू सब वेन मि खुणि ही कैरी, ताकि बच्‍चा नि होण की वजै से मेरु जु अपमान मनखियों का बीच मा होयुं छौ, उ दूर ह्‍वे जौ।”

मत्ती 1:1

प्रभु यीशु मसीह का पितरों का नौ की सूची इन च, कि यीशु जु की राजा दाऊद का वंश मदि, अर राजा दाऊद अब्राहम का वंश मदि छौ। अर पितर अब्राहम बटि यीशु मसीह तक जनम्यां लोगु का नौ कुछ इन छिन।

मत्ती 2:11

अर जब ऊ वे घौर मा गैनी, त ऊंन बच्‍चा तैं वेकी माँ मरियम का दगड़ा मा देखि। अर अपणा-अपणा थैलों तैं खोली के सोना, लोबान, अर गंधरस उपहार का रुप मा देके बच्‍चा को आदर-सम्मान कैरी।

मत्ती 12:46

अर जब यीशु भीड़ का लोगु बटि बात कनु छौ, कि देखा, वेकी माँ अर वेका भै भैर खड़ा होयां छा, अर ऊ यीशु बटि मिलण चाणा छा।

लूका 2:5

अर उ अपणी मंगेतर मरियम तैं भि अपणा दगड़ा मा नौ लिखौणु खुणि लि गै, ज्वा की गरवति छै।