लूका 9:60 - Garhwali

⁶⁰ पर वेन वे मनखि कू बोलि, “जु आत्मिक रुप से मुरयां छिन, ऊंतैं अपणा मुरदो तैं दफनौण दे, पर तू जैके परमेस्वर का राज को परचार कैर।”

गढवली नयो नियम

⁶⁰ यीशु ल वेमा बोलि, “जु लोग आत्मिक रीति बट्टी मुरयां छिन ऊं तैं अपड़ा मुर्दा खडयोण दे पर तु जै के परमेश्वर कि राज्य को शुभ संदेश कु प्रचार सुंणौ।”

लूका 9:60 Referans Kwoze

1 तीमुथियुस 5:6

पर जु विधवा जनानि मौज-मस्ती मा रौन्दी, त वा ज्यून्दु होण का बाद भि मुरयां का जन च।

दिब्य दरस 3:1

अर फिर यीशु न मिकू इन बोलि कि, “सरदीस नगर मा रौण वळा बिस्वासी समुदाय का दूत खुणि इन लिख कि: “यीशु जैका पास परमेस्वर की सात आत्मा छिन अर सात गैंणा भि उ इन बुल्दु कि: “मि तुमरा कामों तैं जणदु छौं अर लोगु की नजर मा तुम ज्यून्दा त छाँ मगर छाँ तुम मुरयां का जन।

2 तीमुथियुस 4:5

मगर तीमुथियुस, तू हरेक बात मा चौकस रौ, अर दुख उठौ अर शुभ समाचार तैं फैलाण को काम कैर, अर जु सेवा को काम त्वेमा सौप्युं च वेतैं पूरु कैर।

लूका 15:32

पर चल, अब हमतै आनन्द अर खुशी मनौण चयेणी, किलैकि तेरु भुला जु मोरि गै छौ पर अब उ ज्यून्दु ह्‍वे गै, जु हरचि गै छौ अब उ वापिस मिली गै।’”

इफिसुस 2:1

अर जब तुम भि अपणा-अपणा अपराधों अर पापों की वजै से मुरयां लोगु का जन छा, त पिता परमेस्वर न तुमतै ज्यून्दु कैरी अर इथगा ही ना,

1 कुरिन्थि 9:16

अर जु शुभ समाचार मि सुणौन्दु, वीं बात पर मिन बड़ु मोन नि कैरी, किलैकि यू काम मेरु अपणु च। अगर जु मि शुभ समाचार नि सुणौलु, त मि पर हाय च।

मत्ती 4:23

अर यीशु पूरा गलील मुलक मा घूमणु रै। अर यहूदी लोगु का प्रार्थना भवनों मा जैके उपदेस देणु रै, अर परमेस्वर का राज को शुभ समाचार परचार कनु रै। अर उखा लोगु की हरेक किसम की बिमारियों तैं अर कमजोरियों तैं दूर कनु रै।

मत्ती 8:22

पर यीशु न वे मनखि कू बोलि, “जु आत्मिक रुप से मुरयां छिन, ऊंतैं अपणा मुरदो तैं दफनौण दे, पर तू मेरा पिछनै अऽ।”

लूका 15:24

किलैकि मेरु यू नौनु मोरि गै छौ पर अब यू ज्यून्दु ह्‍वे गै।’ अर यू हरचि गै छौ पर अब मिली गै। तब ऊ सब मिली के खुशी मनौण लगि गैनी।