लूका 9:59 - Garhwali

⁵⁹ अर यीशु न ऊं मदि एक मनखि कू बोलि, “मेरा पिछनै अऽ,” पर वेन जबाब दिनी, “प्रभु पैलि मितैं इन इजाजत दे द्‍या, ताकि मि अपणा घौर जैके पैलि अपणा बुबा की सेवा कैरुं अर जब उ मोरि जाला, तब मि ऐके तुमरो चेला बणि जौलु।”

गढवली नयो नियम

⁵⁹ वेल दुसरा कु बोलि, मेरा पिछनैं हवेलि वेल बोलि “हे प्रभु पैली मि जांणि दे कि अपड़ा बुबा तैं खडै द्यों”

लूका 9:59 Referans Kwoze

मत्ती 16:24

तब यीशु न अपणा चेलों कू बोलि, “अगर कुई मेरा पिछनै औण चान्दु, त उ अफ तैं नकारी द्‍यो अर दुख अर मौत तैं झिलणु खुणि हमेसा तयार ह्‍वेके मेरा पिछनै चलु।

मत्ती 6:33

इलै पैलि तुम परमेस्वर का राज की खोज कैरा, अर धरमी जीवन जीणु खुणि पूरि कोसिस कैरा, त यू सब चीज तुमतै मिली जालि।

मत्ती 9:9

अर जब यीशु उख बटि अगनै जाणु छौ, त वेन मत्ती नौ का एक मनखि तैं चुंगी लेण वळो की चौकी मा बैठयूं देखि। तब यीशु न वेकू बोलि, “मेरा दगड़ा मा चल अर मेरु चेला बणि जा।” अर उ उठी के वेका पिछनै चलि गै।

लूका 9:60

पर वेन वे मनखि कू बोलि, “जु आत्मिक रुप से मुरयां छिन, ऊंतैं अपणा मुरदो तैं दफनौण दे, पर तू जैके परमेस्वर का राज को परचार कैर।”