लूका 9:45 - Garhwali

⁴⁵ मगर चेला वेकी ईं बात तैं नि समझिनी, किलैकि ऊं बटि ईं बात को मतलब छिपयै गै। इलै ऊ यीशु की ईं बात तैं नि समझिनी, अर ऊ वे बटि ईं बात को मतलब पूछण से भि डऽरदा छा।

गढवली नयो नियम

⁴⁵ पर या बात चेलों की समझ मा नि ऐ, जु यीशु बुल्दो छो अर य वे बट्टी छिपी रै के उ वीं तैं नि जंणन पौनु अर उ ईं बातों का बारा मा वेमा पुछण से डरदा छा।

लूका 9:45 Referans Kwoze

लूका 18:34

अर जौं बातों तैं यीशु बोन्‍नु छौ, ऊ बात वु नि समझ सकिनी। अर यों बातों को मतलब ऊं बटि छिप्यूं रै, इलै या बात चेलों का समझ मा नि ऐ।

यूहन्ना 12:16

अर वेका चेला पैलि त यों बातों तैं नि समझिनी, पर जब ऊंन यीशु को बड़ु आदर-सम्मान होण देखि, तब ऊंतैं याद ऐ कि यू बात वेका बारा मा ही लिखीं छै, अर लोगु न भि वेका दगड़ा मा उन्‍नि कैरी।

लूका 2:50

पर जु बात यीशु न ऊंकू बोलि, वा ऊंका समझ मा नि ऐ।

मरकुस 9:32

मगर यीशु का चेला ईं बात तैं नि समझिनी, अर ऊ वे बटि ईं बात को मतलब पूछण से भि डऽरदा छा।

यूहन्ना 14:5

तब थोमा न वेकू बोलि, “प्रभु हम नि जणद्‍यां कि तुम कख जाणा छाँ, त फिर हमुन बाटु कनकै जनण?”

यूहन्ना 12:34

तब लोगु न वेकू बोलि, “हमुन पवित्रशास्‍त्र मा बटि यू सुणी, कि मसीह त हमेसा रालु। पर तुम इन किलै बुलणा कि, ‘मनखि का पुत्र तैं ऊँचा पर चड़ये जालु?’ त फिर यू मनखि को पुत्र कु च?”

मरकुस 9:10

इलै वेकी ईं बात तैं ऊंन अपणा मन मा रखी। अर आपस मा बात-चित करण लगि गैनी कि, “मुरदो मा बटि ज्यून्द होण को मतलब क्या ह्‍वे सकदु च?”

मत्ती 16:22

ईं बात पर पतरस वेतैं अलग मा लि गै अर इन बोलि के झिड़कण लगि गै, “प्रभु, कभि इन नि हो कि परमेस्वर तुमरा दगड़ा मा इन कैरुं।”

लूका 9:46

एक बार चेलों का बीच वाद-विवाद होण लगि गै कि हम मा बटि सबसे खास कु च?

मत्ती 17:22

जब यीशु अर वेका चेला गलील मुलक मा इकट्‍ठा ह्‍वेनि, त यीशु न ऊंकू बोलि, “मनखि को पुत्र लोगु का हाथों मा पकड़वै जालु।

यूहन्ना 4:33

अर चेला आपस मा पूछण लगि गैनी, “अरे, क्या कुई गुरुजी खुणि कुछ खाणु भि लेके ऐ?”