लूका 8:35 - Garhwali

³⁵ तब लोग जु कुछ ह्‍वे छौ वेतैं दिखण का बाना नगर बटि निकळि के यीशु का पास ऐनी। अर उख ऐके ऊंन वे मनखि तैं यीशु का खुटों का पास कपड़ा पैरि के अर चेतन बैठयूं देखि जै पर खबेस लग्यां छा, अर यू देखि के ऊ डौऽरी गैनी

गढवली नयो नियम

³⁵ अर लोग यु जु कुछ हवे छो दिखणु कु गैनी अर यीशु का संमणी ऐ के जै आदिम पर बट्टी दुष्टात्मा निकली छै वे तैं यीशु का खुट्टों का संमणी कपड़ा पैर्यां अर चेत ल बैठयूं देखि के डौर गैनी।

लूका 8:35 Referans Kwoze

लूका 10:39

अर वीं की एक बैंण छै, अर वींको नौ मरियम छौ। अर मरियम प्रभु यीशु का खुटों का पास बैठि के वेका वचनों तैं सुनणी छै।

1 यूहन्ना 3:8

पर जु मनखि पाप कनु रौन्दु, उ शैतान की औलाद च, किलैकि शैतान शुरु बटि ही पाप करदी औणु च। अर परमेस्वर को पुत्र इलै परगट ह्‍वे, ताकि उ शैतान का कामों तैं नास कैरी द्‍यो।

खास चेलों 22:3

“मि एक यहूदी जाति को मनखि छौं। मेरी पैदेस त किलिकिया मुलक का तरसुस नगर मा ह्‍वे, अर ये यरूशलेम नगर मा मेरु पालन-पोसण ह्‍वे। अर पितरों का नियम-कानूनों की शिक्षा मितैं गमलीएल गुरुजी बटि बड़ी सख्‍तै से मिली। अर मि मा भि परमेस्वर खुणि जोस छौ, जन की तुम सब लोगु मा च।

लूका 15:17

पर जब वेकी अकल ठिकणा पर ऐ, तब उ सुचण लगि गै, ‘मेरा बुबा का सब नौकरों तैं पुटगु भोरी के खाणु मिलदु, अर मि इख भूकि मुरणु छौं।

लूका 2:46

अर तीन दिन का बाद उ ऊंतैं मन्दिर मा मिली। अर उख यीशु गुरु लोगु का दगड़ा मा बैठि के ऊंकी बातों तैं सुनणु छौ अर ऊं बटि सवाल कनु छौ।

मरकुस 5:15

अर ऊंन यीशु का पास ऐके वे मनखि तैं जैमा खबेसों की पलटण बैठि छै कपड़ा पैरि के अर चेतन बैठयूं देखि, अर यू देखि के ऊ लोग डौऽरी गैनी।

मत्ती 4:24

अर पूरा सीरिया मुलक मा वेकी चर्चा फैली गै। अर लोग वेका पास बन्‍नि-बन्‍नि किसम का दुख-बिमारियों मा पोडयां लोगु तैं, अर खबेस लग्यां लोगु तैं लेके ऐनी। अर जौं लोगु पर मिर्गी औन्दी छै, अर जु लोग लकवा मा पोड़यां छा ऊंतैं भि यीशु का पास लये गै अर वेन ऊं सब लोगु तैं खूब कैरी।

लूका 8:34

अर यू सब देखि के सुंगरों तैं चराण वळा उख बटि भगिनी, अर नगरों अर ग्‍वोंऽ मा जैके ऊंन या पूरि बात लोगु तैं बतै दिनी।