लूका 8:26 - Garhwali

^26-29 गलील झील का पल्या छाला पर गिरासेनियों मुलक च। अर गिरासेनियों का ये मुलक मा एक मनखि छौ, जै पर खबेस लग्यां छा। अर यू खबेस मनखि तैं बार-बार अपणा कब्जा मा कैरी देन्दु छौ। अर लोग वेतैं बेड़ियों अर संगुळोन बान्धि के रखदा छा, मगर यू सब खबेस यों बेड़ियों तैं तोड़ि के वे मनखि तैं निर्जन जगों कू लि जान्दा छा। अर खबेस लगण की वजै से यू मनखि घौर मा नि रौन्दु छौ, अर ना ही यू कपड़ा पैरदु छौ, बल्किन यू त कबरिस्तान मा रौन्दु छौ। अर जब यीशु अर वेका चेला गिरासेनियों मुलक मा पौंछिनी, त जन्‍नि उ नाव बटि उतरि, कि देखा, तुरन्त यू मनखि जै पर खबेस लग्यां छा, वेन यीशु तैं देखि अर जोर-जोर से चिल्‍लै, अर वेका खुटों मा पोड़ि गै अर वेन ऊँची आवाज मा बोलि, “हे सबसे महान परमेस्वर का पुत्र यीशु, हम दुईयों को एक-दुसरा बटि कुई लेण-देण नि च तुम मि बटि क्या चाणा छाँ? मि तुम बटि बिन्ती करदु कि मितैं दुख नि द्‍या।” अर इन वेन इलै बोलि, किलैकि यीशु वे खबेस तैं वे मनखि मा बटि भैर निकळण की आज्ञा देणु छौ।

गढवली नयो नियम

²⁶ फिर उ गिरासेनियों का लुखुं का देश मा पौंछिंनी जु पल्या छाला गलील जिला का संमणी च।

लूका 8:26 Referans Kwoze

लूका 8:25

तब वेन चेलों कू बोलि, “तुमरो बिस्वास कख छौ?” अर यू देखि के ऊ डौऽरी गैनी अर हैरान ह्‍वेके आपस मा बोन्‍न लगि गैनी कि, “आखिर मा यू छैई कु च? जु आंधी अर पाणि तैं आज्ञा देन्दु, अर ऊ वेकी मणदिन।”