लूका 8:25 - Garhwali

²⁵ तब वेन चेलों कू बोलि, “तुमरो बिस्वास कख छौ?” अर यू देखि के ऊ डौऽरी गैनी अर हैरान ह्‍वेके आपस मा बोन्‍न लगि गैनी कि, “आखिर मा यू छैई कु च? जु आंधी अर पाणि तैं आज्ञा देन्दु, अर ऊ वेकी मणदिन।”

गढवली नयो नियम

²⁵ अर यीशु ल ऊंमा बोलि, “क्य तुम तैं अभि तक विश्वास नि च? पर उ डैरी गैनी अर हकदक हवे के आपस मा बुल्ण लगि गैनी यु कन्दरो आदिम च जु कि अतरोळ-बतरोळ तैं भि अर लहर भि वेको बुल्युं मणदींनि।”

लूका 8:25 Referans Kwoze

मत्ती 8:26

तब यीशु न बोलि, “हे कम बिस्वास करण वळो, तुम डऽरणा किलै छाँ?” तब वेन उठी के तूफान अर लैरों तैं झिड़की, अर सब कुछ शान्त ह्‍वे गै।

मत्ती 14:31

अर यीशु न तुरन्त अपणु हाथ बढै के वेतैं थामि दिनी अर वेकू बोलि, “हे कम बिस्वास करण वळा, तिन सक किलै कैरी?”

यूहन्ना 11:40

तब यीशु न वींकू बोलि, “क्या मिन त्वेकू इन नि बोलि छौ, कि अगर तू बिस्वास करली, त तू दिखली कि परमेस्वर कथगा महान च?”

लूका 12:28

इलै जब परमेस्वर एक तपड़ की घास तैं ज्वा कि आज च अर भोळ वींन आग मा फुकै जाण, जब परमेस्वर ऊंतैं इन सजै सकदु च, त हे कम बिस्वास रखण वळा लोगु, उ तुमतै येसे जादा किलै नि पैरालु।

मत्ती 17:20

वेन ऊंतैं जबाब दिनी, “किलैकि तुम मा बिस्वास की कमी च, अर मि तुम लोगु से सच्‍च बोन्‍नु छौं कि अगर जु तुमरो बिस्वास लय्या का बीज बराबर भि होलु, अर तुम ये पाड़ कू भि बोलिल्या कि ‘इख बटि हटि के उख चलि जा,’ त उ भि हटि जालु। अर अगर तुम बिस्वास करिल्या, त हरेक बात तुम खुणि पूरि ह्‍वेलि।”

मत्ती 6:30

ठिक उन्‍नि जब परमेस्वर तपड़ की घास तैं ज्वा आज च अर भोळ वींन आग मा फुकै जाण, इथगा अच्छे से सजान्दु, त हे कम बिस्वास रखण वळा लोगु, त उ तुमतै नि पैरालु?

मत्ती 8:10

अर यों बातों तैं सुणी के यीशु हकदक रै गै। अर मुड़ि के अपणा पिछनै औण वळी भीड़ कू बोलि, “मि तुम बटि सच्‍चि बोन्‍नु छौं, कि इन्द्रयो बिस्वास मिन इस्राएल का लोगु मा भि नि देखि।”

मरकुस 4:35

अर वे ही दिन जब रुमुक होण लगि गै, त यीशु न चेलों कू बोलि, “चला, हम झील का पल्या छाला चलद्‍यां।”

लूका 8:24

तब ऊ यीशु का पास ऐनी अर वेतैं झकोली के बोलि, “गुरुजी हे गुरुजी, हम मुरण वळा छां।” तब वेन उठी के आंधी अर पाणि की बौछारों तैं झिड़की, अर ऊ रुक गैनी अर सब कुछ शान्त ह्‍वे गै।

लूका 8:26

गलील झील का पल्या छाला पर गिरासेनियों मुलक च। अर गिरासेनियों का ये मुलक मा एक मनखि छौ, जै पर खबेस लग्यां छा। अर यू खबेस मनखि तैं बार-बार अपणा कब्जा मा कैरी देन्दु छौ। अर लोग वेतैं बेड़ियों अर संगुळोन बान्धि के रखदा छा, मगर यू सब खबेस यों बेड़ियों तैं तोड़ि के वे मनखि तैं निर्जन जगों कू लि जान्दा छा। अर खबेस लगण की वजै से यू मनखि घौर मा नि रौन्दु छौ, अर ना ही यू कपड़ा पैरदु छौ, बल्किन यू त कबरिस्तान मा रौन्दु छौ। अर जब यीशु अर वेका चेला गिरासेनियों मुलक मा पौंछिनी, त जन्‍नि उ नाव बटि उतरि, कि देखा, तुरन्त यू मनखि जै पर खबेस लग्यां छा, वेन यीशु तैं देखि अर जोर-जोर से चिल्‍लै, अर वेका खुटों मा पोड़ि गै अर वेन ऊँची आवाज मा बोलि, “हे सबसे महान परमेस्वर का पुत्र यीशु, हम दुईयों को एक-दुसरा बटि कुई लेण-देण नि च तुम मि बटि क्या चाणा छाँ? मि तुम बटि बिन्ती करदु कि मितैं दुख नि द्‍या।” अर इन वेन इलै बोलि, किलैकि यीशु वे खबेस तैं वे मनखि मा बटि भैर निकळण की आज्ञा देणु छौ।