लूका 8:15 - Garhwali

¹⁵ अर अच्छी जमीन मा पोड़यां बीज वु लोग छिन जु परमेस्वर का वचन तैं सुणी के वेतैं अपणा अच्छा अर आज्ञा मनण वळा मन मा समाळि के रखदिन, अर सबर रखी के अच्छा फल लेके औन्दिन।”

गढवली नयो नियम

¹⁵ पर अच्छी जगह मा बुतै गैनी उ यु छिनी जु वचन तैं सूंणि के भला अर उत्तम मन मा सम्भालि के रखदींनि अर धीरज से फल लंदिनि।

लूका 8:15 Referans Kwoze

इब्रानी 10:36

मगर तुमतै सबर रखण की भौत जरुरत च, ताकि तुम परमेस्वर की मनसा तैं पूरु कैरिके करार का इनाम तैं पै सैका।

लूका 6:45

अर उन्‍नि अच्छा मनखि का मन मा अच्छी बात होनदिन, इलै उ अपणा मन से अच्छी बात ही बुल्दु, अर एक बुरु मनखि वेका मन मा जु बुरी बात होनदिन, इलै उ ऊंतैं ही निकळदु। किलैकि जै मनखि का मन मा जन बात भोरी होलि, उई बात वेका गिच्‍चा बटि औन्दिन।”

1 यूहन्ना 2:3

अर अगर जु हम वेकी आज्ञाओं को पालन करद्‍यां, त यां से इन पता चलदु कि हमुन पिता परमेस्वर तैं जाण्यालि।

कुलुसी 1:10

ताकि तुमरो चाल-चलन हरेक बात मा प्रभु तैं खुश करण वळु हो। अर हरेक किसम का भलै का काम अच्छा फलों की तरौं छिन, इलै तुम ऊंतैं अपणा जीवनों मा लेके आ, अर परमेस्वर का ज्ञान मा और भि जादा बढदी जा।

कुलुसी 1:6

अर अब यू ही शुभ समाचार पूरि दुनियां मा खूब फैलणु च, अर यू ठिक उन्‍नि फैलणु च जन कि यू पैलि बार तुमरा बीच मा फैली छौ। हाँ, ठिक उन्‍नि जब तुमुन सच्‍चै से पिता परमेस्वर की किरपा का बारा मा सुणी, अर वेका बारा मा समझि भि छौ।

यूहन्ना 14:15

फिर यीशु न चेलों खुणि इन भि बोलि, “अगर जु तुम मि बटि प्यार करद्‍यां, त मेरी आज्ञाओं तैं भि मणिल्या।

लूका 11:28

पर वेन बोलि, “धन्य त ऊ छिन जु परमेस्वर का वचन तैं सुणदिन अर वेका मुताबिक चलदा भि छिन।”

फिलिप्पी 1:11

अर यीशु मसीह का द्‍वारा परमेस्वर की नजर मा धरमी जीवन जीणु खुणि हर गुण से भरपूर ह्‍वे जा, ताकि तुमरा जीवनों का द्‍वारा परमेस्वर की बडै अर तारीफ हो।

रोमियों 7:4

हे मेरा भै-बैंणो, ठिक इन्‍नि जब यीशु मसीह तैं क्रूस पर मरे गै, त तुम भि वेका दगड़ा मा मरे ग्यां। इलै अब से तुम पुरणा नियम-कानूनों का भार से आजाद ह्‍वे ग्यां अर हमरु यीशु मसीह जैतैं पिता परमेस्वर न मुरदो मा बटि ज्यून्द कैरी अब उई तुमरो मालिक च। इलै अब तुम पिता परमेस्वर को सेवक बणि के भलै का काम कैरा।

रोमियों 6:22

पर अब पिता परमेस्वर न तुमतै पापों से छुटकारु देके अपणु चेला बणैयालि, अर ईं बात को तुमतै यू फैदा च कि अब तुमरो मन पवित्र ह्‍वे गै। अर ना केवल पवित्र मन, बल्किन मा वेका दगड़ा-दगड़ि तुमतै सदनि को जीवन भि द्‍यालु।

यूहन्ना 15:10

अर जन मि अपणा पिता की आज्ञाओं को पालन कैरिके वेका प्यार मा बणयूं रौन्दु, ठिक उन्‍नि तुम भि अगर मेरी आज्ञाओं को पालन करिल्या, त मेरा प्यार मा बणयां रैल्या।

मत्ती 24:13

पर जु कुई आखिरी तक बिस्वास मा टिक्यूं रालु, वेतैं ही बचयै जालु।

इब्रानी 2:1

इलै जौं बातों तैं हमुन सुणी, ऊं सब बातों पर हमतै और भि जादा ध्यान देण चयेणु, ताकि हम सच्‍चै से दूर नि ह्‍वे जा।

इफिसुस 2:8

किलैकि बिस्वास का द्‍वारा ही तुमतै बचयै गै, अर यू तुमरि तरफा बटि नि होयुं, बल्किन मा यू त परमेस्वर को दान च।

1 कुरिन्थि 7:19

किलैकि हरेक मनखि अब चै ऊंको बुलये जाण जिं भि दसा मा हो, पिता परमेस्वर न ऊंतैं इलै ही बुलै कि ऊ यीशु मसीह पर बिस्वास कैरा, अर वेका पिछनै चलि के आज्ञा को पालन कैरा।

रोमियों 7:18

किलैकि मि जणदु छौं, कि मेरा सभौ मा कुछ भि भलु नि च, हाँ मेरा भितर कुछ भि अच्छु नि च, किलैकि मेरा मन मा भलै करण की मनसा च, मगर मि फिर भि वीं भलै तैं अच्छे से नि कैरी सकदु।

रोमियों 2:7

जु लोग लगातार भलै का काम करण मा, पिता परमेस्वर की बडै करण मा, अर सदनि का जीवन की खोज मा लग्यां रौनदिन, पिता परमेस्वर ऊंतैं सदनि को जीवन द्‍यालु।

याकूब 1:4

अर सबर रखण की ईं भावना तैं अपणु पूरु काम अच्छी तरौं से करण द्‍या, ताकि तुम हरेक बात मा समझदार अर मजबूत ह्‍वे जा, अर तुम मा कै भि बात कि कमी नि रौ।

लूका 8:14

अर जु बीज झिबलांणो मा पोड़ीनी, ऊ वु लोग छिन जौन वचनों तैं सुणी, मगर अगनै चलि के जीवन की चिन्ता-फिकर मा, अर धन-दौलत मा, अर मौज-मस्ती मा फंसी जनदिन, अर ऊ बिस्वास मा मजबूत नि होनदिन।

लूका 8:16

अर यीशु न इन भि बोलि, “कुई भि द्‍यू बाळि के कटोरा का तौळ ढकै के नि रखदु अर ना ही खाट का तौळ रखदु, पर एक ऊँची जगा पर रखदु ताकि भितर औण-जाण वळो तैं उज्याळु मिली सैको।

रोमियों 8:25

मगर हम वे पर अपणी आस बणै के रखद्‍यां, जु हमुन देखि ही नि छिन। इलै हम सबर रखी के ऊं चीजों तैं पौण को इंतजार करद्‍यां।