लूका 8:1 - Garhwali

¹ अर येका बाद यीशु परमेस्वर का राज को शुभ समाचार लोगु तैं सुणौन्द-सुणौन्द, नगर-नगर अर गौं-गौं मा घूमणु रै। अर वेका बारह चेला भि वेका दगड़ा मा छा।

गढवली नयो नियम

¹ यांका का बाद यीशु शहर-शहर अर गौं-गौं मा प्रचार करदी अर परमेश्वर का राज्य कु शुभ सन्देश प्रचार सुंणौदि फिरण लगि अर बारह चेला वेका दगड़ी छा।

लूका 8:1 Referans Kwoze

मत्ती 4:23

अर यीशु पूरा गलील मुलक मा घूमणु रै। अर यहूदी लोगु का प्रार्थना भवनों मा जैके उपदेस देणु रै, अर परमेस्वर का राज को शुभ समाचार परचार कनु रै। अर उखा लोगु की हरेक किसम की बिमारियों तैं अर कमजोरियों तैं दूर कनु रै।

रोमियों 10:15

अर जब तक पिता परमेस्वर कैतैं ऊंका पास बतौण वळु ही नि भेजलु तब तक लोग वेका बारा मा कनकै सुणी सकदिन? मगर सच्‍चै त या च कि वेन अपणा बारा मा इस्राएली लोगु तैं बतै, जन कि पवित्रशास्‍त्र मा भि लिख्यूं च कि, “कथगा धन्य छिन वु लोग, जु कि शुभ समाचार सुणौन्दिन।”

खास चेलों 13:32

“अर परमेस्वर न हमरा पितरों का दगड़ा मा जु करार कैरी छौ, वेका बारा मा हम तुमतै शुभ समाचार सुणौन्द्‍यां।

खास चेलों 10:38

अर पिता परमेस्वर न नासरत गौं का यीशु तैं अपणी पवित्र आत्मा अर सामर्थ देके चुणी के ठैरै, अर उ जग-जगा जैके के भलै का काम करदु छौ, अर जु लोग शैतान का द्‍वारा सतयां छा, यीशु ऊं लोगु तैं खूब करदु छौ, अर यू सब उ इलै करदु छौ, किलैकि परमेस्वर वेका दगड़ा मा छौ। अर ईं बात का बार मा भि तुम जणदा ही छाँ।

लूका 4:18

“प्रभु की आत्मा मि मा च, किलैकि वेन गरीबों तैं शुभ समाचार सुनाणु कू मितैं चुण्यूं च। अर बन्धियों तैं छुटकारा का बारा मा, अर अन्धों तैं फिर से दिखण का बारा मा परचार करणु खुणि, अर सतयां लोगु तैं छुटकारा देणु खुणि वेन मितैं भेजि च।

मरकुस 1:39

इलै यीशु न गलील मुलक मा यहूदी लोगु का प्रार्थना भवनों मा जै-जैके उपदेस देणु रै, अर लोगु मा बटि खबेसों तैं भि निकाळि।

मत्ती 13:19

बाटा का किनरा पोड़यां बीज का दगड़ा मा जु कुछ भि ह्‍वे, उ इन च कि कुछ लोग परमेस्वर का राज का बारा मा वचन तैं सुणदा त छिन, मगर वेको मतलब नि समझि सकदिन, अर शैतान ऐके ऊंका मनों बटि वचन तैं छिनी के लि जान्दु, जु कि वेका मन मा बुतै गै छौ।

मत्ती 11:1

अर जब यीशु न अपणा बारह चेलों तैं आज्ञा दे दिनी, त उ उख बटि चलि गै। अर ऊंका गलील मुलक का नगरों मा जैके उपदेस अर परचार करण लगि गै।

मत्ती 9:35

अर यीशु वे मुलक का नगरों अर ग्‍वोंऽ मा घूमणु रै, अर उखा प्रार्थना भवनों मा जैके उपदेस देन्दु अर परमेस्वर का राज को शुभ समाचार परचार करदु छौ। अर उखा लोगु की बिमारियों तैं अर सब किसमे कमजोरियों तैं दूर करदु छौ।

लूका 1:80

अर उ नौनु बड़ु होणु रै, अर आत्मा मा मजबूत होणु रै, अर इस्राएली लोगु का बीच मा सेवकाई को काम शुरु करण से पैलि उ निर्जन जगों मा रै।

लूका 9:6

तब चेला चलि गैनी अर गौं-गौं मा शुभ समाचार सुनौण लगि गैनी, अर लोगु तैं खूब कना रैनी अर जग-जगा घूमणा रैनी।

लूका 20:1

अर एक बार इन ह्‍वे कि यीशु लोगु तैं मन्दिर मा उपदेस देण का दगड़ा-दगड़ि शुभ समाचार भि सुनाणु छौ। तबरि तक उख कुछ मुख्य पुरोहित, शास्‍त्री अर कुछ यहूदी अध्यक्ष लोग ऐ गैनी। अर ऊंन बोलि कि,