लूका 7:7 - Garhwali

⁷ इलै मिन खुद तैं इथगा लैख भि नि समझि, कि मि खुद तुमरा पास औंऽऽ। पर बस तुम उख बटि ही बोलि द्‍या, तब मेरु नौकर खूब ह्‍वे जालु।

गढवली नयो नियम

⁷ इलै मिल अफ तैं ये लै नि समझी कि मि त्वे मा औं पर वचन ही बुल्दी दे त मेरू सेवक खूब हवे जालो।

लूका 7:7 Referans Kwoze

लूका 4:36

अर यू देखि के सब लोग दंग रै गैनी। अर ऊ एक-दुसरा बटि बुलण लगि गैनी कि, “येका शब्दों मा कन्दरि ताकत च? किलैकि यू खबेसों तैं भि अधिकार अर शक्‍ति से आज्ञा देन्दु, अर ऊ निकळि जनदिन।”

मरकुस 1:27

अर यू देखि के सब लोग दंग रै गैनी। अर ऊ एक-दुसरा बटि बुलण लगि गैनी कि, “अरे यू सब क्या होणु च? यू त कुई नयू उपदेस च। अर यू अधिकार पयां मनखि का जन खबेसों तैं भि आज्ञा देन्दु, अर वु वेकी आज्ञा मणदिन।”

लूका 5:13

तब यीशु न अपणा हाथ तैं अगनै बढै के वेतैं छ्वी अर बोलि, “हाँ, मि चान्दु छौं, कि तू शुद्ध ह्‍वे जा।” अर उबरि वेको कोड़ ठिक ह्‍वे गै।

लूका 7:6

तब यीशु ऊंका दगड़ा मा गै। अर जब यीशु सुबेदार का घौर का पास ही पौंछी छौ, तब सुबेदार न अपणा दगड़्यों मा बटि कुछ लोगु तैं यीशु का पास यू रैबार भेजि कि, “प्रभु, तुम कष्‍ट नि कैरा, किलैकि मि ये लैख नि छौं, कि तुम मेरा घौर मा भि ऐ सैका।

लूका 7:8

किलैकि मि भि अधिकारीयों का मूड़ी काम करण वळु मनखि छौं, अर मेरा मूड़ी भि सिपै छिन। अर जब मि एक कू जाणु कू बुल्दु, त उ जान्दु च, अर जब दुसरा कू औणु कू बुल्दु, त उ औन्दु च। अर जब मि अपणा नौकर तैं कुछ करणु कू बुल्दु छौं, त उ वेतैं करदु च।”