लूका 7:42 - Garhwali

⁴² अर जब अपणु करज वापिस देणु खुणि ऊंमा कुछ नि छौ, तब वे सेठ न ऊं दुईयों को करज माफ कैरी दिनी। अब यू बतौ, कि ऊं दुईयों मा बटि कु जि वे सेठ बटि जादा प्यार करलु?”

गढवली नयो नियम

⁴² जबकि ऊंमा चुकौणु कु कुछ नि छो त वेल द्वीयूँ को कर्ज माफ कैरी दींनि त ऊं द्वीयूँ मनिख मा बट्टी कै से जादा प्रेम करलो?

लूका 7:42 Referans Kwoze

कुलुसी 3:13

हाँ, तुम एक-दुसरे की सै ल्या, अर अगर तुमरा मन मा कै दुसरा मनखि का खिलाप मा कुई सिकैत हो, त एक-दुसरा तैं माफ कैरा। अर जन प्रभु न तुमतै माफ कैरी, ठिक उन्‍नि तुम भि एक-दुसरा तैं माफ कैरा।

इफिसुस 4:32

पर एक-दुसरा पर दया दिखा अर मयळु बणा, अर जन परमेस्वर न यीशु मसीह का द्‍वारा तुमरा पापों तैं माफ कैरी, ठिक उन्‍नि तुम भि मयळु बणि के एक-दुसरा का पापों तैं माफ कैरा।

इफिसुस 1:7

अर यीशु मसीह न क्रूस पर अपणु बलिदान देके जु ल्वे बुगै वेका द्‍वारा ही हमतै छुटकारु, अर हमतै हमरा पापों से माफी मिलदी। अर यू सब हमतै पिता परमेस्वर की किरपा अर वेकी बड़ी दया का द्‍वारा मिली,

गलातियों 3:10

पर जु लोग खुद तैं धरमी साबित करणु खुणि केवल नियम-कानून का ही सरा पर टिक्यां छिन, वु सब लोग असगार का अधीन मा छिन। किलैकि पवित्रशास्‍त्र मा यू साफ-साफ लिख्यूं च कि, “जु कुई नियम-कानूनों की किताब मा लिखीं सब बातों का मुताबिक नि करदु, ऊं लोगु पर पिता परमेस्वर को असगार पोड़लु।”

रोमियों 5:6

अर जब हम पिता परमेस्वर से दूर छा, त वे ही बगत मा यीशु मसीह हम सभ्यों का खातिर मरे गै ताकि हमरु मेल-जोल परमेस्वर का दगड़ा मा ह्‍वे जौ।

रोमियों 3:24

मगर तभि भि पिता परमेस्वर की महान किरपा न इन साबित कैरी, कि हम वेकी नजर मा धरमी छां। अर यू वेन अपणा पुत्र प्रभु यीशु मसीह का द्‍वारा कैरी, जब वेन हमतै हमरा पापों से माफी दिनी, अर वे दण्ड से छुटकारु दे जु कि हमतै मिलण वळु छौ।

मत्ती 18:34

तब राजा तैं भौत गुस्सा ऐ, अर वेन वे नौकर तैं दण्ड देण वळो का हाथ मा सौंप दिनी, ताकि जबरि तक यू करज चुकता नि कैरी द्‍यो, तबरि तक यू ऊंका हवाला मा रौ।

मत्ती 6:12

अर जन हम ऊंतैं माफ करद्‍यां, जु की हमरा खिलाप बुरै करदिन, ठिक उन्‍नि तुम भि हमरा पापों तैं माफ कैरा।

मत्ती 18:27

अर यू देखि के राजा का मन मा बड़ु तरस ऐ अर वेन नौकर तैं जाणि दिनी, अर वेको करज भि माफ कैरी दिनी।

लूका 7:43

तब शमौन न जबाब देई, “मेरा ख्याल से उ, जै पर जादा करज होयुं छौ।” तब वेन वेकू बोलि, “तिन ठिक जबाब देई।”