लूका 7:24 - Garhwali

²⁴ जब यूहन्‍ना का भेज्यां चेला वापिस चलि गैनी, तब यीशु न वेका बारा मा लोगु तैं बतै, “तुम निर्जन जगा मा क्या दिखणु कू ग्यां छा? बथौं बटि हिलण वळा निगुंला तैं क्या?

गढवली नयो नियम

²⁴ जब यूहन्ना का भिज्यां दूत चलि गैनी तब यीशु, यूहन्ना का बारा मा लुखुं मा बुल्ण लगि गै तुम उख एकांत जंगल मा क्य दिखणु कु ग्यां छा? क्य बथौं बट्टी हिल्दा पत्तों तैं?

लूका 7:24 Referans Kwoze

इफिसुस 4:14

अर औण वळा बगत मा हम बच्‍चों का जन नि रा, जु कि झूठ्‍ठा गुरु लोगु की चालाकी अर धोखा देण वळी बातों तैं सच्‍च समझदिन, अर अपणा जीवन मा स्वीकार कैरिके वेका मुताबिक चलदिन। मेरा दगड़्यों, इन्द्रया लोगु को बिस्वास समुन्दर की लैरों का जन च, जु कि इनै-उनै होणी रौनदिन।

लूका 3:2

अर जब यू लोग राज कना छा, त ये बगत मा हन्‍ना अर काइफा महा पुरोहित छा। ऊं दिनों मा जकरयाह का नौना यूहन्‍ना का दगड़ा मा परमेस्वर न निर्जन जगा मा अपणु वचन देके बात-चित कैरी।

लूका 1:80

अर उ नौनु बड़ु होणु रै, अर आत्मा मा मजबूत होणु रै, अर इस्राएली लोगु का बीच मा सेवकाई को काम शुरु करण से पैलि उ निर्जन जगों मा रै।

2 पतरस 3:17

इलै हे मेरा प्यारा दगड़्यों, तुम सब लोगु तैं यों बातों का बारा मा पैलि बटि ही पता होण चयेणु, चौकस रा ताकि कखि इन नि हो, कि तुम दुष्‍ट लोगु की गळत शिक्षा तैं स्वीकार कैरिके भटकी जा।

2 पतरस 2:17

अर यू लोग पाणि का एक सुख्यां धारा का जन छिन, अर यू इन बादळों का जन छिन, जौं मा पाणि नि च। अर आंधी ऊं बादळों तैं उड़ै के लि जान्दी, अर यों लोगु का रौण खुणि एक अन्धेरी जगा च।

यूहन्ना 1:23

तब यूहन्‍ना न बोलि, “जन परमेस्वर का रैबर्या यशायाह न बोलि छौ कि, “‘मि निर्जन जगा मा पुकरण वळे की एक धै छौं। वेन बोलि छौ, कि प्रभु को बाटु सैणु कैरा।’”

लूका 7:23

अर धन्य च उ, जु मि पर सक नि करदु बल्किन मा बिस्वास करदु।’”

लूका 7:25

फिर तुम क्या दिखणु कू ग्यां छा? क्या मखमल का कपड़ा पैरयां एक मनखि तैं? देखा जु सानदार कपड़ा पैरदिन, अर भोग-बिलास मा रौनदिन, ऊ त राज महलों मा रौनदिन।