लूका 7:16 - Garhwali

¹⁶ अर यू देखि के सब लोग डौऽरी गैनी, अर परमेस्वर की बडै कैरिके बोन्‍न लगि गैनी कि, “हमरा बीच मा परमेस्वर को एक बड़ु रैबर्या ऐ गै, अर परमेस्वर अपणा लोगु की मदद करण खुणि ऐ गै।”

गढवली नयो नियम

¹⁶ ईं बात से सब लोग डौर से भुरे गैनी अर उ परमेश्वर कि बढ़ै कैरी के बुल्ण लगि गैनी कि हमारा बीच मा परमेश्वर का तरपां बट्टी बुल्ण वलो अयुं च अर परमेश्वर अपड़ा लुखुं की मदद कनु कु अयुं च।

लूका 7:16 Referans Kwoze

लूका 7:39

अर यू देखि के उ फरीसी, जैन यीशु तैं अपणा घौर मा बुलै छौ, उ अपणा मन मा सुचण लगि गै कि, “अगर जु यू परमेस्वर को रैबर्या होन्दु, त यू जाणि जान्दु, की या जनानि क्‍वा च, अर कन्दरि च, ज्वा वेतैं छूणि च। अर उ इन भि जाणि जान्दु, कि वा एक पापि च।”

मत्ती 9:8

अर यू होन्द देखि के लोग डौऽरी गैनी अर परमेस्वर की बडै करण लगि गैनी, कि परमेस्वर न मनखियों तैं इन्द्रयो अधिकार दियूं च।

लूका 1:68

अर बुलण लगि गै कि, “प्रभु जु की इस्राएली लोगु को परमेस्वर च, उ धन्य च। किलैकि उ अपणा लोगु की मदद करणु कू अयूं च, अर वेन ऊंतैं छुटकारा भि दियाली।

लूका 5:26

अर यू देखि के सब लोग हैरान ह्‍वे गैनी अर परमेस्वर की बडै करण लगि गैनी। अर वु भौत डौऽरी के बोन्‍न लगि गैनी कि, “आज हमुन अदभुत काम होन्द देखि।”

लूका 2:20

तब चरवाहों कू जन बुले गै छौ, ऊंन ठिक उन्‍नि देखि अर सुणी, अर ऊं सब बातों का खातिर परमेस्वर की बडै कैरी, अर वेतैं बड़ु आदर-सम्मान देके वापिस चलि गैनी।

लूका 1:65

तब ऊंका आस-पास का सब रौण वळा डौऽरी गैनी। अर यों सभि बातों की खबर यहूदिया मुलक का पूरा पाड़ मुलक मा फैली गै।

मत्ती 21:11

अर भीड़ का लोगु न बोलि, “अरे यू गलील मुलक का नासरत गौं को रैबर्या यीशु च।”

मत्ती 15:31

अर जब लोगु न देखि कि गूंगा बुलणा छिन, अर लूला-लंगड़ा खूब ह्‍वेके हिटणा छिन, अर अन्धा दिखणा छिन, त भीड़ का लोग दंग ह्‍वेके इस्राएल का परमेस्वर की बडै करण लगि गैनी।

गलातियों 1:24

अर अब यहूदिया मुलक का ऊ बिस्वासी लोग मेरा खातिर पिता परमेस्वर की बडै करदिन।

खास चेलों 5:5

अर ईं बात तैं सुणदी ही हनन्याह भ्वीं मा फरके गै अर वेन अपणु दम तोड़ि दिनी, अर सब सुनण वळो पर बड़ु खौफ ऐ गै।

यूहन्ना 9:17

तब जु अन्धु छौ, वेकू फरीसी दल का लोगु न बोलि, “जैन तेरी आंख्यों तैं खूब कैरी, वेका बारा मा तू क्या बुल्दी?” वेन बोलि, “उ त परमेस्वर को एक रैबर्या च।”

यूहन्ना 6:14

तब यीशु का ये चमत्कार तैं देखि के ऊ लोग बुलण लगि गैनी, “सच्‍चि मा यू त परमेस्वर को उई रैबर्या च, जु कि ईं दुनियां मा औण वळु छौ।”

यूहन्ना 4:19

तब जनानि न वे बटि बोलि, “श्रीमान, मितैं लगदु की तुम एक रैबर्या छाँ।

यूहन्ना 1:25

ऊं लोगु न यूहन्‍ना तैं पूछी, “जब नऽ त तुम मसीह छाँ, नऽ त एलिय्याह, अर ना ही परमेस्वर को उ रैबर्या, त फिर बपतिस्मा किलै देणा छाँ?”

यूहन्ना 1:21

तब ऊं लोगु न वे बटि पूछी, “त क्या तुम एलिय्याह छाँ?” वेन बोलि, “ना।” “त क्या तुम उ रैबर्या छाँ? जु औण वळु च,” तब वेन बोलि, “मि नि छौं।”

लूका 24:19

तब वेन ऊं बटि पूछी, “अरे क्या-क्या बात ह्‍वे?” ऊंन वेकू बोलि, “अरे या बात नासरत गौं का यीशु की च अर वु परमेस्वर को एक रैबर्या छौ। जु की परमेस्वर अर सब लोगु का समणि वचन देण मा, अर हरेक किसम का कामों तैं करण मा ताकतबर छौ।

लूका 9:19

तब चेलों न वेतैं जबाब दिनी, “गुरुजी, लोग त तुम खुणि यूहन्‍ना बपतिस्मा देण वळु बुल्दिन, अर कुछ बुल्दिन, कि तुम एलिय्याह रैबर्या छाँ, अर कुछ त इन भि बुल्दिन कि पुरणा रैबर्यों मा बटि कुई ज्यून्दु ह्‍वे गै।”

लूका 8:37

तब गिरासेनियों मुलक का आस-पास का नगर बटि अयां लोगु न यीशु बटि बिन्ती कैरी, कि हमरा मुलक बटि चलि जा, किलैकि ऊ भौत डौऽरी गै छा। इलै यीशु उख बटि वापिस जाणु खुणि नाव मा बैठि गै।

लूका 5:8

अर यू देखि के शमौन पतरस यीशु का खुटों मा पोड़ि गै, अर बोलि, “हे प्रभु, मि एक पापि मनखि छौं, इलै तुम मेरा समणि बटि चलि जा।”

मत्ती 28:8

अर यू सुणी के वु भौत डौऽरी गै छा, मगर येका दगड़ा-दगड़ि वु खुश छा। तब वु तुरन्त चेलों तैं या खबर देणु खुणि कबर बटि भागी के गैनी।

खास चेलों 7:37

अर यू उई च जैन इस्राएल का लोगु कू बोलि छौ कि, ‘परमेस्वर तुम लोगु का बीच मा बटि मि जन एक रैबर्या तैं चुणी के तुम खुणि खड़ु करलु।’

लूका 19:44

अर वु तुमरा द्‍वारा करीं चिणैं तैं ढोळि द्‍याला, इख तक की वु त्वेतै अर त्वेमा रौण वळा बाल-बच्‍चों को भि नास कैरी द्‍याला, अर तुमरो छत्यनास ह्‍वे जालु। किलैकि तिन वे मौका तैं नि पछ्याणी जब त्वे पर किरपा करै गै।”

लूका 7:15

तब जु मोरि गै छौ उ उठी के बैठि गै, अर बात करण लगि गै। अर यीशु न वेतैं वेकी माँ का सुपुर्द कैरी दिनी।