लूका 6:34 - Garhwali

³⁴ अर तुम ऊंतैं ही करज देन्दयां, जौं बटि फिर वापिस मिली जालु, त इन कैरिके कौन सा तुमुन भौत बड़ु काम कैरियाली? किलैकि पापि मनखि भि दुसरा पापियों तैं करज देन्दिन, कि उथगा ही वापिस मिली जौ।

गढवली नयो नियम

³⁴ जु तुम ऊं तैं उधार दिया जौं बट्टी फिर पौणे आस रखदां कुई लोग तुमारी बढ़ै किया कैरा? किलैकि पापी पापियों तैं उधार दींद कि उथग ही फिर पौनु।

लूका 6:34 Referans Kwoze

मत्ती 5:42

अर जु कुई त्वे बटि मांगु, त वेतैं दे अर जु त्वे बटि करज लेण चौ, त वे खुणि मना नि कैर।”

लूका 6:35

“पर मि तुम बटि बोन्‍नु छौं, कि अपणा दुसमनों बटि प्यार कैरा, अर ऊंका दगड़ा मा भलै कैरा। अर फिर वापिस मिलणे की आस नि रखी के करज द्‍या। तब तुमतै बड़ु इनाम मिललु, अर तुम सबसे महान परमेस्वर की औलाद बणि जैल्या। किलैकि उ ऐसान नि मनण वळो अर बुरा लोगु पर भि अपणी किरपा करदु।

लूका 6:33

अर उन्‍नि जु तुमरा दगड़ा मा भलै करदिन, अगर तुम बस ऊंको ही भलु करद्‍यां, त कौन सा तुमुन भौत बड़ु काम कैरियाली? किलैकि पापि मनखि भि त इन्‍नि करदिन।