लूका 6:28 - Garhwali

²⁸ अर जु तुमतै असगार देन्दिन तुम ऊं खुणि परमेस्वर बटि आसीस मांगा। अर जु तुमरा दगड़ा मा अच्छु बरतौ नि करदिन, ऊं खुणि प्रार्थना कैरा।

गढवली नयो नियम

²⁸ जु तुम तैं गलि द्ये ऊं तैं आशीष द्या, जु तुमारो अपमान करदो ऊं कु परमेश्वर बट्टी प्रार्थना कैरा।

लूका 6:28 Referans Kwoze

1 पतरस 3:9

बुरै का बदला मा बुरै नि कैरा अर ना ही गळी का बदला मा गळी द्‍या, मगर इन्द्रया लोगु तैं बदला मा आसीस ही द्‍या, किलैकि पिता परमेस्वर न तुमतै यां खुणि ही बुलयूं च, ताकि तुम आसीस का वारिस बणि जा।

1 कुरिन्थि 4:12

अर अपणा हाथोंळ बड़ी मेनत कैरिके थकी जन्द्‍यां। अर फिर भि लोग हमरु अपमान करदिन, मगर हम ऊंतैं आसीस देन्द्‍यां। अर वु लोग हमतै सतौन्दा छिन, मगर हम ऊंकी सौन्द्‍यां।

रोमियों 12:14

अर ऊं लोगु तैं आसीस द्‍या, जु तुमतै सतौन्दा छिन, हाँ आसीस ही द्‍या कैतैं असगार नि द्‍या।

याकूब 3:10

एक ही गिच्‍चा बटि तारीफ अर असगार निकळदु। हे मेरा भै-बैंणो, इन नि होण चयेणु।

लूका 23:34

तब यीशु न बोलि, “मेरा पिता, यों तैं माफ कैरी द्‍या, किलैकि यों तैं पता नि च कि यू क्या कना छिन।” अर ऊं सिपयों न पांसा डालि के वेका कपड़ा आपस मा बांट दिनी।

लूका 6:27

अर यीशु न इन भि बोलि, “हे सुनण वळो, मि तुमतै बतै देन्दु, कि तुम अपणा दुसमनों बटि प्यार कैरा, अर जु तुम बटि नफरत करदिन ऊंका दगड़ा मा भलै कैरा।

मत्ती 5:44

पर मि तुमतै बतै देन्दु, कि अपणा दुसमनों बटि भि प्यार कैरा, अर जु लोग तुमतै सतौणा छिन ऊं खुणि प्रार्थना कैरा।

खास चेलों 7:60

फिर वेन घुंडा टिकनी अर चिल्‍लै के बोलि, “मेरा प्रभु, ये पाप को दोष यों पर नि लग्यां” अर इन बोलि के वेन ईं दुनियां तैं छोड़ि दिनी।

लूका 6:35

“पर मि तुम बटि बोन्‍नु छौं, कि अपणा दुसमनों बटि प्यार कैरा, अर ऊंका दगड़ा मा भलै कैरा। अर फिर वापिस मिलणे की आस नि रखी के करज द्‍या। तब तुमतै बड़ु इनाम मिललु, अर तुम सबसे महान परमेस्वर की औलाद बणि जैल्या। किलैकि उ ऐसान नि मनण वळो अर बुरा लोगु पर भि अपणी किरपा करदु।

खास चेलों 14:5

अर एक दिन इन ह्‍वे, कि यहूदी लोग अर जु यहूदी जाति का नि छा ऊं सब लोगु न अपणा अधिकारी लोगु का दगड़ा मा मिली के पौलुस अर बरनबास को अपमान करण की, अर ऊंतैं ढुंग्योण की जाळसाजि बणै,