लूका 6:26 - Garhwali

²⁶ हाय च तुम पर, जब सब लोग तुमरि तारीफ करदिन। किलैकि ऊंका पितरों न भि झूठ्‍ठा रैबर्यों की ठिक इन्‍नि तारीफ कैरी छै।”

गढवली नयो नियम

²⁶ हाय तुम पर जब सब लोग तुम तैं भलो बुलला किलैकि तुमारा पूर्वजों ल भि झूठा परमेश्वर का तरपां बट्टी बुल्दोओं की तारीफ का बारा मा अच्छी बात बुलीं च।

लूका 6:26 Referans Kwoze

यूहन्ना 15:19

अर अगर जु तुम दुनियां का लोगु का जन होन्दा, त दुनियां का लोग तुमतै अपणु जाणि के तुम से प्यार करदा, पर तुम त दुनियां का लोगु का जन नि छाँ। किलैकि मिन तुमतै दुनियां मा बटि चुण्यालि, इलै दुनियां का लोग तुम से नफरत करदिन।

याकूब 4:4

हे बिस्वासघात करण वळा लोगु, क्या तुम नि जणद्‍यां, कि दुनियां की बुरी बातों से प्यार करण को मतलब, परमेस्वर बटि नफरत करण च? इलै जु कुई ईं दुनियां की बुरी बातों से प्यार करदु, उ खुद अफ तैं परमेस्वर को दुसमन बणै देन्दु।

मत्ती 7:15

अर यीशु न बोलि, “झूठ्‍ठा रैबर्यों बटि बचि के रा, किलैकि उ भेड़ों की तरौं सीदु बणि के तुमरा पास औन्दिन, पर असल मा ऊ भितर बटि एक खतरनाक भेड़िया का जन छिन।

यूहन्ना 7:7

अर दुनियां का मनखि तुम बटि बैर नि रखी सकदिन, पर ऊ मि बटि बैर करदिन। किलैकि मि ऊंका बारा मा गवै देन्दु कि ऊंका काम बुरा छिन।

रोमियों 16:18

किलैकि इन्द्रया लोग हमरा प्रभु यीशु मसीह का नि छिन, अर यू उई काम करदिन जु कि ऊंतैं अच्छा लगदिन। अर जु लोग भला-बुरा का बारा मा नि जणदिन, वु लोग इन्द्रया लोगु तैं अपणी अच्छी-अच्छी बातों का द्‍वारा मूरख बणै देन्दिन, अर ऊंतैं अपणी बातों मा फंसै देन्दिन।

लूका 6:25

हाय च तुम पर, जु कि तुम अभि पुटगु भोरी के खान्दा-पीन्दा छाँ, किलैकि तुमतै भूक सतालि। हाय च तुम पर, जु कि तुम अभि हैंसणा छाँ, किलैकि तुम शोक मणैल्या अर रुविल्या।