लूका 6:22 - Garhwali

²² धन्य छाँ तुम किलैकि जब मनखि का पुत्र का बाना लोग तुम बटि नफरत करला, अर अपणा बीच मा बटि तुमरो तिरिस्कार करला। इख तक की ऊ तुमतै बदनाम करला, अर तुमरो नौ खराब कैरिके तुमतै दूर करला।

गढवली नयो नियम

²² धन्य छा तुम जब मि मनिख कु नौंनो का कारण लोग तुम बट्टी बैर करला अर तुम तैं निकाली दयाला अर तुमारी बुरै करला अर तुमारो नौं बुरो जांणि के काटि दयाला।

लूका 6:22 Referans Kwoze

मत्ती 10:22

अर वु तुम से इलै नफरत करला, किलैकि तुम मेरा नौ पर बिस्वास करद्‍यां, पर जु मनखि आखिरी तक सबर रखलु वेतैं ही बचयै जालु।

1 पतरस 3:14

अर अगर जु तुम अच्छा काम करण का बदला मा दुख सौन्द्‍यां, त तुम धन्य छाँ। अर जु लोग तुमतै डऽरौन्दा या धमकौन्दा छिन ऊं से नि डऽरयां अर ना ही घबरयां।

यूहन्ना 16:2

किलैकि लोग तुमतै प्रार्थना भवन बटि निकाळि द्‍याला। इथगा ही ना, बल्किन इन बगत औणु वळु च, कि जु कुई भि तुमतै जान से मरलु उ इन समझालु, कि इन कैरिके उ परमेस्वर की ही सेवा कनु च।

यूहन्ना 7:7

अर दुनियां का मनखि तुम बटि बैर नि रखी सकदिन, पर ऊ मि बटि बैर करदिन। किलैकि मि ऊंका बारा मा गवै देन्दु कि ऊंका काम बुरा छिन।

यूहन्ना 12:42

फिर भि भौत सरा यहूदी मुख्यों न यीशु पर बिस्वास कैरी, पर फरीसी दल का लोगु की डौऽरा का बानो उ खुलाआम नि बुलणा छा। किलैकि ऊंतैं या डौऽर लगदी छै, कि कखि हमतै प्रार्थना भवन बटि भैर नि किये जौ।

खास चेलों 24:5

“साब, असल मा बात इन च कि ये मनखि को हम खुणि मुण्डरु कैरिके रख्युं च, अर हमुन येतैं पूरि दुनियां का यहूदी लोगु तैं भड़कौन्द अर घपरोळ करद पै। अर नासरत गौं का सिखौण वळा का पिछनै जु लोग चलदिन यू वे नया धरमी दल को एक मुखिया च।

खास चेलों 9:16

अर मि वेतैं बतौलु, कि मेरा नौ का बानो वेतैं कथगा जादा दुख उठौण पोड़लु।”

यूहन्ना 17:14

अर मिन तुमरो वचन ऊंतैं सुण्यालि, इलै दुनियां का लोगु न ऊं बटि बैर कैरी, किलैकि जन मि दुनियां को नि छौं, ठिक उन्‍नि ऊ भि दुनियां का नि छिन।

लूका 21:17

अर सब लोग तुम बटि नफरत करला, किलैकि तुम मेरा छाँ।

मत्ती 10:39

किलैकि जु कुई अपणा पराण तैं बचौण चालु, उ वेतैं ख्वे द्‍यालु। मगर जु कुई मेरा खातिर अपणा पराण तैं ख्वे द्‍यालु, उई मनखि सदनि को जीवन पालु।”

खास चेलों 22:22

अर भीड़ का लोग अभि तक यों सब बातों तैं सुनणा रैनी, मगर जन्‍नि ऊंन ईं बात तैं सुणी त जोर-जोर से चिल्‍लै के बोलि, “इन्द्रया आदिम तैं त जान से मारी द्‍या, किलैकि यू ईं धरती पर ज्यून्दु रौण का लैख नि च।”

यूहन्ना 9:34

फिर ऊंन वेकू झिड़की के बोलि, “तू त बिल्कुल पापों मा पैदा होयुं छैई, अर तू हमतै क्या सिखौणि छैई?” तब ऊंन वेतैं प्रार्थना भवन बटि बेदखल कैरी दिनी।

लूका 20:15

इलै ऊंन वेतैं अंगूरों का बगिचा बटि भैर निकाळि अर वेतैं जान से मारी दिनी। त अब इन बता कि जब बगिचा को मालिक आलु, त ऊंका दगड़ा क्या जि करलु?

मत्ती 10:18

अर मेरी वजै से वु तुमतै सासन करण वळो अर राजाओं का समणि लि जाला, अर यू वु अवसर होलु जब तुम यों का अर ऊं लोगु का समणि मेरा गवा ह्‍वा जु यहूदी जाति का नि छिन।

लूका 6:21

धन्य छाँ तुम जु की अभि भूका छाँ, किलैकि तुमरि तड़प पूरि किये जालि। धन्य छाँ तुम जु की अभि रुंणा छाँ, किलैकि तुम हैंसिल्या।

याकूब 1:12

जु मनखि अजमैसों मा भि टिक्यूं रौन्दु उ धन्य च, किलैकि जब उ अजमैसों मा सफल ह्‍वे जान्दु, तब वेतैं जीवन को मुकुट मिललु। किलैकि जु मनखि परमेस्वर से प्यार करदु, वेतैं यू मुकुट देण को करार परमेस्वर न कर्युं च।