लूका 6:20 - Garhwali

²⁰ तब वेन अपणा पिछनै चलण वळो का जनै देखि के बोलि, “धन्य छाँ तुम जु दीन छाँ, किलैकि परमेस्वर को राज तुमरो ही च।”

गढवली नयो नियम

²⁰ अर तब चेलों तैं शिक्षा दींण लगि गै, धन्य छिन उ, “जु मन मा परमेश्वर का प्रति अपड़ी जरुरत का ख्याल करदींनि किलैकि स्वर्ग को राज्य ऊंको च।”

लूका 6:20 Referans Kwoze

याकूब 2:5

हे मेरा प्यारा भै-बैंणो, सुणा, दुनियां का लोगु की नजर मा जु गरीब छिन, ऊंतैं परमेस्वर न चुणी। ताकि ऊ बिस्वास मा भरपूर ह्‍वे जा, अर परमेस्वर बटि प्यार करण वळो तैं जै राज को हकदार होणो को करार वेन कैरी, वेका हकदार वु बणि जा।

2 कुरिन्थि 8:9

अर तुम हमरा प्रभु यीशु मसीह की महान किरपा का बारा मा जणदा ही छाँ, कि स्वर्ग मा वेका पास सब कुछ छौ मगर हम मनखियों तैं फैदा पौछाण का खातिर उ गरीब बणि गै, ताकि हम वेका द्‍वारा हर बात मा सेठ बणि जा।

लूका 12:32

अर यीशु न ऊंकू बोलि, “हे मेरा छुटा दल, नि डौऽर किलैकि तुमरा पिता तैं यू ही अच्छु लगि कि वु तुमतै स्वर्ग को राज द्‍यो।

मत्ती 25:34

तब राजा अपणा दैंणी तरफा वळो कू बोललु, ‘मेरा पिता बटि आसीस पौण वळो, आ, अर वे राज्य का अधिकारी ह्‍वे जा, जु दुनियां की शुरुवात बटि तुम खुणि तयार कैरिके रख्युं च।

दिब्य दरस 2:9

“मि तुमरा कष्‍ट अर कंगाली का बारा मा जणदु छौं (पर मेरी नजर मा तुम सेठ छाँ), अर जु लोग खुद तैं यहूदी मणदिन (पर ऊ छैई नि छिन, ऊ त शैतान की पूजा करदिन), ऊ तुमरि बदनामी करदिन यू भि मि जणदु छौं।

2 कुरिन्थि 6:10

अर हमरा जीवनों मा जादातर दुख ही रौन्दु, मगर हम हमेसा खुश रौन्द्‍यां। अर भले ही हम गरीब छां, मगर आत्मिक रुप से हमुन भौत सा लोगु तैं सेठ बणैयालि। अर लोगु की नजर मा भले ही हमरि कुई औकात नि च, मगर परमेस्वर का होण का नाता हमरा पास सब कुछ च।

याकूब 1:12

जु मनखि अजमैसों मा भि टिक्यूं रौन्दु उ धन्य च, किलैकि जब उ अजमैसों मा सफल ह्‍वे जान्दु, तब वेतैं जीवन को मुकुट मिललु। किलैकि जु मनखि परमेस्वर से प्यार करदु, वेतैं यू मुकुट देण को करार परमेस्वर न कर्युं च।

2 थिस्सलुनीकी 1:5

अर मि तुमतै बतै देन्दु कि परमेस्वर का राज तैं पौण का खातिर जौं दुखों तैं तुम अभि झिलणा छाँ, ऊंका द्‍वारा परमेस्वर भि तुमतै अपणा लैख बणाणु च। अर यू देखि के लोग जाणि जाला कि परमेस्वर न्याय करण मा सच्‍चु च।

1 थिस्सलुनीकी 1:6

अर भौत दुख-तकलीफ सौण का बगत मा भि तुमुन पवित्र आत्मा का द्‍वारा मिलण वळी खुशी से प्रभु का वचन तैं स्वीकार कैरी। अर अब ठिक इन्‍नि तुमरो जीवन भि हमरा अर प्रभु यीशु का चाल चलण का जन ह्‍वे गै।

2 कुरिन्थि 8:2

मकिदुनिया का दुसरा लोगु न बिस्वासी लोगु तैं भौत दुख देई। हालांकि यू बिस्वासी लोग गरीब छिन, मगर फिर भि ऊं लोगु न दुसरा बिस्वासी लोगु की मदद हमेसा दिल खोली के कैरी।

खास चेलों 14:22

अर बिस्वासी लोगु तैं ऊंका बिस्वास मा मजबूत कैरी, अर बिस्वास मा बणयूं रौणु खुणि ऊंकी हिम्मत भि बढै अर ऊंन ऊंकू बोलि, “हमतै बड़ु दुख झेली के परमेस्वर का राज मा जाणु पोड़लु।”

लूका 14:15

अर यों बातों तैं सुणी के खाणु-खाण वळा लोगु मा बटि एक मनखि न बोलि, “धन्य च उ जु परमेस्वर का राज मा रुट्‍टी खालु।”

लूका 13:28

अर उख तुम अब्राहम, इसहाक, याकूब अर सब रैबर्यों तैं परमेस्वर का राज मा दिखल्या, पर तुमतै भैर निकळे जालु। अर उख त सिरफ रुंण अर दांतों तैं कड़गिटाण होलु।

लूका 4:18

“प्रभु की आत्मा मि मा च, किलैकि वेन गरीबों तैं शुभ समाचार सुनाणु कू मितैं चुण्यूं च। अर बन्धियों तैं छुटकारा का बारा मा, अर अन्धों तैं फिर से दिखण का बारा मा परचार करणु खुणि, अर सतयां लोगु तैं छुटकारा देणु खुणि वेन मितैं भेजि च।

मत्ती 11:5

‘अन्धा दिखणा छिन, अर लूला-लंगड़ा चलणा-फिरणा छिन, अर कोड़ियों तैं शुद्ध किये जाणु च, बैरा सुनणा छिन अर मुरदो तैं ज्यून्द किये जाणु च, अर गरीबों तैं शुभ समाचार सुणये जाणु च।

लूका 16:25

पर अब्राहम न बोलि, ‘बेटा, याद कैर तिन अपणा जीवन मा वु सब कुछ पै ज्यां की त्वेतै जरुरत छै, जब की लाजर न खैरि खै मगर अब वेतैं इख सुख-शान्ति मिलणी च, अर त्वेतै उख खैरि।

मत्ती 5:1

अर ईं बड़ी भीड़ तैं देखि के यीशु पाड़ पर चैड़ि अर उख जैके बैठि गै, अर वेका चेला वेका पास ऐनी।