लूका 6:18 - Garhwali

¹⁸ तब खबेस लग्यां सब मनखियों तैं भि खूब किये जान्दु छौ।

गढवली नयो नियम

¹⁸ जु वेकी सुनणु कु अर अपड़ी बिमारियों बट्टी खूब हूंणु कु वेमा ऐ छा उ सब उख छा अर दुष्टात्मा का सतयां लोग भि खूब करे जांदा छा।

लूका 6:18 Referans Kwoze

खास चेलों 5:16

अर यरूशलेम नगर का आस-पास का ग्‍वोंऽ बटि भि लोग भौत सा बिमारों तैं अर जौं पर खबेस लग्यां छा ऊं सब लोगु तैं लेके ऐनी। अर परमेस्वर का द्‍वारा सब लोग खूब किये जान्दा छा।

मत्ती 17:15

“प्रभु, मेरा नौना पर दया कैरा, किलैकि वे पर एक खबेस लग्यूं च इलै वेतैं मिर्गी का दौरा पोड़दिन। अर जब वेतैं मिर्गी औन्दी, त उ बड़ु दुख झिलदु फिर वु कई बार पाणि मा अर कई बार आग मा पोड़ि जान्दु।

मत्ती 15:22

अर देखा, वे ही बगत वे मुलक बटि एक जनानि ऐ, ज्वा की कनानी जाति की छै। अर वा चिल्‍लै-चिल्‍लै के बोन्‍न लगि गै, “मेरा प्रभु, राजा दाऊद का वंशज, मि पर दया कैरा, किलैकि मेरी नौनि तैं खबेस न बुरी तरौं से अपणा बस मा कर्युं च, अर उ वींतैं भौत सतौन्दु।”

लूका 6:17

तब यीशु ऊं चेलों का दगड़ा मा पाड़ बटि उतरि के एक सैंणि जगा मा खड़ु ह्‍वे। अर वेका पिछनै चलण वळो की एक बड़ी भीड़ उख जमा होईं छै। अर सरा यहूदिया मुलक, यरूशलेम नगर, अर समुन्दर का छाला पर रौण वळा सूर अर सैदा नगरों का भौत सा लोग भि उख जमा होयां छा। अर वु वेका वचनों तैं सुनणु कू अर अपणी बिमारियों मा बटि खूब होणु कू वेका पास अयां छा।

लूका 6:19

अर भीड़ का सब लोग यीशु तैं छूण चाणा छा, किलैकि वेमा बटि शक्‍ति निकळि के सभ्यों तैं खूब कनि छै।