लूका 6:15 - Garhwali

¹⁵ मत्ती, थोमा, हलफई को नौनु याकूब, शमौन जैकू जेलोतेस बुले जान्दु,

गढवली नयो नियम

¹⁵ अर मत्ती अर थोमा अर हलफई को नौंनो याकूब अर शमौन कनानी जु जेलोतेस कहलांद।

लूका 6:15 Referans Kwoze

मत्ती 9:9

अर जब यीशु उख बटि अगनै जाणु छौ, त वेन मत्ती नौ का एक मनखि तैं चुंगी लेण वळो की चौकी मा बैठयूं देखि। तब यीशु न वेकू बोलि, “मेरा दगड़ा मा चल अर मेरु चेला बणि जा।” अर उ उठी के वेका पिछनै चलि गै।

खास चेलों 1:13

अर जब यू लोग यरूशलेम नगर मा ऐनी, त वे घौर का मंज्यूळ मा गैनी जख यू सब रुक्यां छा। अर यों लोगु का नौ इन छिन, पतरस, यूहन्‍ना, याकूब, अन्द्रियास, फिलिप्पुस, थोमा, बरतुल्मै, मत्ती, हलफई को नौनु याकूब, शमौन जेलोतेस, अर याकूब को नौनु यहूदा।

मरकुस 3:18

अन्द्रियास अर फिलिप्पुस, बरतुल्मै, मत्ती, थोमा, हलफई को नौनु याकूब, तद्‍दै, शमौन कनानी

याकूब 1:1

हे मेरा भै-बैंणो, मि परमेस्वर अर प्रभु यीशु मसीह को सेवक याकूब छौं। अर पूरि दुनियां मा तितर-बितर होयां इस्राएल का बारह गोत्र का बिस्वासी लोगु खुणि या चिठ्‍ठी लिखणु छौं। तुम सभ्यों कू मेरु सलाम।

गलातियों 2:9

अर जब भै याकूब, कैफा अर यूहन्‍ना जु कि बिस्वासी समुदाय का खम्बा मणै जनदिन, जब वु वीं किरपा का बारा मा जाणि गैनी ज्वा कि मि पर होईं च, तब ऊंन मितैं अर बरनबास भै तैं परमेस्वर की सेवा मा ऊंकी मदद करण वळो का रुप मा स्वीकार कैरी। अर ऊंन हमतै ऊं लोगु का बीच मा सेवा करणु कू भेजि जु यहूदी जाति का नि छिन, अर खुद वु यहूदी लोगु का बीच मा सेवा कना रैनी।

गलातियों 1:19

अर उख मेरी मुलाकात प्रभु यीशु का भै याकूब से ह्‍वे, अर वेका अलावा मेरी मुलाकात कै दुसरा खास चेला का दगड़ा मा नि ह्‍वे।

खास चेलों 15:13

पौलुस अर बरनबास की गवै खतम होण का बाद याकूब न बोलि, “हे मेरा भै-बैंणो मेरी बात तैं सुणा,

यूहन्ना 20:24

अर जबरि यीशु उख ऐ छौ, त वे बगत यीशु का बारह चेलों मा बटि थोमा, जैकू जौंळ्या भि बुल्दिन, उ ऊंका दगड़ा मा नि छौ।

यूहन्ना 11:16

तब थोमा न जैकू जौंळ्या भि बुले जान्दु, वेन अफ दगड़ा का चेलों कू बोलि, “चला, हम भि वेका दगड़ा मा मुरणु कू चलद्‍यां।”

लूका 5:27

अर येका बाद यीशु भैर गै, अर वेन चुंगी लेण वळो की चौकी पर एक मनखि तैं बैठयूं देखि, जैको नौ लेवी छौ। अर यीशु न वेकू बोलि, “मेरा दगड़ा मा चल, अर मेरु चेला बणि जा।”

मरकुस 2:14

अर जब यीशु उख बटि जाणु छौ, त वेन चुंगी लेण वळो की चौकी मा एक मनखि तैं बैठयूं देखि, वेको नौ लेवी छौ अर उ हलफई को नौनु छौ। तब यीशु न वेकू बोलि, “मेरा दगड़ा मा चल अर मेरु चेला बणि जा।” अर उ उठी के वेका पिछनै चलि गै।

लूका 6:14

अर ऊ बारह चेला यू छिन, शमौन जैतैं वेन पतरस नौ भि देई, वेकू भै अन्द्रियास, याकूब अर यूहन्‍ना, फिलिप्पुस अर बरतुल्मै,

लूका 6:16

याकूब को नौनु यहूदा, अर यहूदा इस्करियोती जु बाद मा यीशु तैं धोखा देके पकड़वै देन्दु।