लूका 5:35 - Garhwali

³⁵ मगर इन्द्रया दिन औण वळा छिन, जब ब्यौला तैं ऊंका दगड़ा बटि अलग किये जालु, तब ऊं दिनों मा ऊ उपवास रखला।”

गढवली नयो नियम

³⁵ पर हां उ दिन आला कि ब्योला ऊंका बीच बट्टी अलग करे जालो त वे बगत उ उपवास रखला।

लूका 5:35 Referans Kwoze

लूका 17:22

तब वेन चेलों कू बोलि कि, “वु बगत आलु, जब तुम मनखि का पुत्र का दिनों मा बटि एक दिन तैं दिखणु कू तरसिल्या पर देखि नि सकिल्या।

2 कुरिन्थि 11:27

हे मेरा दगड़्यों, ये काम खुणि मिन कड़ी मेनत कैरी, अर कई रात्यों मि उणिन्दु रौंऽऽ। अर कई बार मितैं भौत भूक अर तीस लगि, पर मेरा पास खाण-पीण खुणि कुछ नि होन्दु छौ, अर ह्‍यूँद की कई रात मिन गरम कपड़ों का बगैर ही गुजरिनी।

1 कुरिन्थि 7:5

अर ये हक तैं पूरु करणु खुणि तुम दुईया का दुई एक-दुसरा से अलग नि रा, अगर जु तुम अलग होणा छाँ त प्रार्थना खातिर इन कैरा, पर यां मा भि तुम दुईयों की रजामंदी होण चयेणी। अर वेका बाद फिर से एक ह्‍वे जा, ताकि शैतान तुमरा सबर रखण की वजै से कखि तुमतै भकलै नि द्‍यो।

खास चेलों 14:23

अर ऊंन हरेक बिस्वासी समुदाय मा जैके ऊं लोगु खुणि अध्यक्ष चुणी के ठैरैनी, अर उपवास अर प्रार्थना कैरिके ऊं अध्यक्ष तैं प्रभु का हाथों मा सौंपी दिनी, जै पर ऊंन बिस्वास कैरी छौ।

खास चेलों 3:21

अर या बात जरुरी च कि यीशु स्वर्ग मा तब तक रौ जबरि तक की परमेस्वर सब चीजों तैं फिर से नयू नि कैरी द्‍यो, जौं बातों का बारा मा परमेस्वर न अपणा पवित्र रैबर्यों का द्‍वारा भौत साल पैलि ही बुलवैयालि छौ।

खास चेलों 1:9

अर जब यीशु न या बात बोलि दिनी, त उ खास चेलों का दिखदी-दिखदी मथि स्वर्ग मा उठये गै, अर जब उ जाणु छौ, त एक बादळ न वेतैं ऊंका आंख्यों बटि लुके दिनी, वेका चेला वेतैं टक लगै के दिखणा छा। अर देखा, उबरि सफेद कपड़ा पैरयां दुई आदिम चेलों का समणि ऐके खड़ा ह्‍वेनि।

यूहन्ना 16:28

हाँ, मि पिता परमेस्वर की तरफा बटि इख अयूं छौं, अर अब ईं दुनियां तैं छोड़ि के पिता मा जाणु छौं।”

यूहन्ना 13:33

“मेरा बच्‍चों, अब मि तुमरा दगड़ा मा कुछ ही देर तक छौं। फिर तुम मितैं खुजैल्या, अर जन मिन यहूदियों कू बोलि, उन्‍नि मि अब तुमकु भि बोन्‍नु छौं, कि जख मि जाणु छौं, उख तुम नि ऐ सकद्‍यां।

यूहन्ना 12:8

किलैकि गरीब लोग त हमेसा तुमरा दगड़ा मा छिन, पर मिन हमेसा तुमरा दगड़ा मा नि रौण।”

मत्ती 9:15

तब यीशु न ऊंतैं जबाब देई, “जबरि तक ब्यौला बरातियों का दगड़ा मा च, क्या बराति शोक कैरी सकदिन? मगर इन्द्रया दिन औण वळा छिन, जब ब्यौला तैं ऊंका दगड़ा बटि अलग किये जालु, तब ऊं दिनों मा ऊ उपवास रखला।”

मरकुस 2:20

मगर वु दिन आला, जब कि ब्यौला ऊंका बीच मा बटि अलग किये जालु, वे बगत ऊ उपवास रखला।

लूका 5:34

तब यीशु न ऊंतैं जबाब दिनी, “जबरि तक ब्यौला बरातियों का दगड़ा मा च, त क्या तुम ऊं बटि उपवास करै सकद्‍यां?

लूका 5:36

तब यीशु न ऊंतैं एक और उदारण सुणै कि, “कुई भि नया कपड़ा मा बटि फाड़ी के पुरणा कपड़ा मा टल्‍ला नि लगौन्दु। अर अगर लगालु, त नयू फटी जालु अर उ टल्‍ला भि पुरणा का दगड़ा मा मेल नि खान्दु।