लूका 5:17 - Garhwali

¹⁷ अर एक दिन इन ह्‍वे कि यीशु लोगु तैं उपदेस देणु छौ। अर उख फरीसी दल का कुछ लोग अर नियम-कानूनों तैं सिखौण वळा कुछ लोग बैठयां छा। ऊ गलील अर यहूदिया मुलकों का हरेक गौं बटि, अर यरूशलेम नगर बटि अयां छा। अर लोगु तैं खूब करणु खुणि प्रभु की शक्‍ति यीशु का दगड़ा मा छै।

गढवली नयो नियम

¹⁷ अर एक दिन इन हवे कि उ उपदेश दींणु छो अर फरीसी अर मूसा की व्यवस्था तैं सिखांण वला उख बैठयां छा जु गलील जिला अर यहूदिया प्रान्त का हरेक गौं बट्टी अर यरूशलेम शहर बट्टी ऐ छा अर खूब कनु कु प्रभु कि सामर्थ यीशु का दगड़ी छै।

लूका 5:17 Referans Kwoze

लूका 6:19

अर भीड़ का सब लोग यीशु तैं छूण चाणा छा, किलैकि वेमा बटि शक्‍ति निकळि के सभ्यों तैं खूब कनि छै।

लूका 8:46

पर वेन बोलि, “ना-ना, मितैं कैन छ्वी च, किलैकि मितैं पता चलि गै, कि मि मा बटि सामर्थ निकळि।”

खास चेलों 19:11

अर परमेस्वर न पौलुस का द्‍वारा बड़ा-बड़ा चमत्कारिक काम करिनी, जु कि पैलि कभि नि ह्‍वे छा।

मत्ती 11:5

‘अन्धा दिखणा छिन, अर लूला-लंगड़ा चलणा-फिरणा छिन, अर कोड़ियों तैं शुद्ध किये जाणु च, बैरा सुनणा छिन अर मुरदो तैं ज्यून्द किये जाणु च, अर गरीबों तैं शुभ समाचार सुणये जाणु च।

खास चेलों 4:30

अर अपणा हाथ बढै के ऊंतैं ताकत द्‍या, ताकि ऊ तुमरा पवित्र सेवक यीशु मसीह का नौ से लोगु तैं खूब कैरी सैका, अर बड़ा-बड़ा चमत्कारिक कामों तैं अदभुत तरीके से कैरी सैका।”

मरकुस 7:1

तब यरूशलेम नगर बटि कुछ फरीसी दल का लोग अर शास्‍त्री, मिली के यीशु का पास ऐनी।

मरकुस 5:30

अर यीशु तुरन्त जाणि गै कि मि मा बटि ठिक करणु खुणि सामर्थ निकळि, इलै वेन पिछनै मुड़ि के भीड़ का लोगु कू बोलि, “मेरा कपड़ा तैं कैन छ्वी?”

मत्ती 15:1

तब यरूशलेम नगर बटि कुछ फरीसी दल का लोग अर शास्‍त्री यीशु का पास ऐनी अर बोन्‍न लगि गैनी,

यूहन्ना 3:21

पर जु सच्‍चै का बाटा पर चलदु, उ उज्याळा का समणि औन्दु, ताकि इन परगट ह्‍वे जौ कि वेका काम परमेस्वर की मनसा से होनदिन।”

लूका 2:46

अर तीन दिन का बाद उ ऊंतैं मन्दिर मा मिली। अर उख यीशु गुरु लोगु का दगड़ा मा बैठि के ऊंकी बातों तैं सुनणु छौ अर ऊं बटि सवाल कनु छौ।

लूका 15:2

तब फरीसी दल का लोग अर शास्‍त्री लोग कुड़कुड़ै के बोन्‍न लगि गैनी, “यू त पापि मनखियों का दगड़ा मा मेल-जोल रखदु, अर ऊंका दगड़ा मा खान्दु-पीन्दु च।”

लूका 7:30

पर फरीसी दल का लोगु न अर नियम-कानूनों तैं सिखौण वळो न वे बटि बपतिस्मा नि लेई। अर इन कैरिके ऊं खुणि परमेस्वर को जु मकसद छौ, वेतैं ऊंन नकारी दिनी।

लूका 5:30

तब फरीसी दल का लोग अर शास्‍त्री लोग कुड़कुड़ै के यीशु का चेलों कू बोन्‍न लगि गैनी, “तुम चुंगी लेण वळो अर ऊंका ही जन दुसरा पापि लोगु का दगड़ा मा खान्दा-पीन्दा किलै छाँ?”

लूका 5:21

तब शास्‍त्री अर फरीसी दल का लोग मन मा सुचण लगि गैनी, “यू कु च, जु अपणी बातों बटि परमेस्वर की बेजती कनु च? किलैकि परमेस्वर का अलावा और कु च जु पापों तैं माफ कैरी सकदु?”

मरकुस 16:18

वु गुरौऔं तैं भि उठे द्‍याला, इख तक की अगर वु बिस भि पे द्‍याला, तभि भि ऊंतैं कुछ नुकसान नि होलु, वु बिमार लोगु पर अपणु हाथ रखला अर ऊ खूब ह्‍वे जाला।”

मरकुस 3:22

अर जु शास्‍त्री लोग यरूशलेम नगर बटि अयां छा, वु भि इन बुल्दा छा कि, “त्वेमा त बालजबूल च,” अर “उ खबेसों का अधिकारी बालजबूल याने कि शैतान की मदद से लोगु मा लग्यां खबेसों तैं निकळदु।”

मरकुस 1:45

पर उख बटि निकळदि ही वे मनखि न ईं बात को परचार करण शुरु कैर दिनी। अर वेन या बात इथगा फैलै दिनी, कि यीशु को नगर मा खुलाआम जाण मुस्किल ह्‍वे गै, इलै यीशु नगर का भैर निर्जन जगों मा रै, मगर फिर भि लोग अलग-अलग जगों बटि वेका पास औणा छा।

यूहन्ना 3:10

अर यीशु न वेकू बोलि, “तुम त इस्राएली लोगु का गुरु छाँ, फिर भि यों बातों तैं नि समझद्‍यां?

खास चेलों 5:34

मगर न्याय समिति मा गमलीएल नौ को एक मनखि खड़ु ह्‍वे, अर वेन खास चेलों तैं उख बटि भैर जाणु कू बोलि कि, “थुड़ी देर भैर मा रा” अर वु चलि गैनी। अर यू गमलीएल त एक फरीसी मनखि छौ, जु की मूसा का दियां नियम-कानूनों तैं भौत अच्छा से जणदु छौ, अर लोगु मा वेकी बड़ी इज्‍जत छै।